Om de Race de Voltooien_

Christian Advocate and Journal,” 13 Des. 1833.“Daar kon nie ‘n beter voorstelling
gewees het van ‘n vyeboom waarvan die vye deur ‘n sterk wind afgeskud word nie.” —
“ The Old Countryman,” in die “Portland evening Advertiser,” 26 Nov. 1833. {GS
383.1}
In die New YorkJournal of Commercevan 14 November 1833, het daar ‘n lang artikel
verskyn oor hierdie merkwaardige verskynsel, waarin die volgende voorgekom het:
“Volgens my mening, het geen filosoof of geleerde nog ooit so ‘n gebeurtenis beskryf of
vertel, soos die van gistermore nie. Agtienhonderd jaar gelede het ‘n profeet dit presies
voorspel, as ons ten minste wil toegee dat sterre wat val vallende sterre is, . . . in die
enigste sin waarin dit moontlik is om letterlik waar te wees.” {GS 383.2}
Op hierdie wyse dus, is die laaste teken van Sy wederkoms geopenbaar, in verband
waarmee Jesus aan Sy dissipels gesê het, “So weet julle ook wanneer julle al hierdie
dinge sien, dat dit naby is, voor die deur.” Matt. 24: 33. Na hierdie tekens, het Johannes,
as die volgende groot gebeurtenis, die hemel sien wegwyk soos ‘n boek wat toegerol
word, terwyl die aarde gebewe het, en die berge en eilande uit hulle plekke versit het en
die goddelose in vrees gevlug het voor die aangesig van die Seun van die mens. (Openb.
6: {GS 383.3}
Baie wat die verskietende sterre gesien het, het dit beskou as ‘n voorloper van die
aanstaande oordeel —“‘n verskriklike beeld, ‘n gewisse voorloper, ‘n genadige teken,
van daardie groot en verskriklike dag.”—“ The Old Countryman,” in “Portland Evening
Advertiser,” 26 Nov. 1833.Op hierdie manier is die aandag van die mense gevestig op die
vervulling van profesie, en baie is daartoe gebring om ag te slaan op die waarskuwing
van die wederkoms. {GS 384.1}
In die jaar 1840 het ‘n ander merkwaardige vervulling van profesie algemene
belangstelling verwek. Twee jaar voor hierdie gebeurtenis het Josiah Litch, een van die
vooraanstaande predikante, oor die wederkoms gepreek en hy het ‘n verklaring van
Openbaring 9 gegee waarin hy die ondergang van die Ottomaanse Ryk voorspel het.
Volgens sy berekening sou hierdie mag “in 1840 n.C. in Augustusmaand” omvergewerp
word; en slegs ‘n paar dae voor dit gebeur het, het hy geskryf: “As ons aanneem dat die
eerste tydperk, 150 jaar, presies vervul is voor die troonbestyging van Deacozes met die
toestemming van die Turke, en dat die 391 jaar, vyftien dae, ‘n aanvang geneem het aan
die einde van daardie tydperk, dan sal dit op 11 Augustus 1840 eindig, wanneer die
Ottomaanse mag vermoedelik in Konstantinopel verbreek sal word. En dit, glo ek, sal die
geval wees.” — Litch, Josiah, article in “Signs of the Times, and Expositor of
Prophecy,” 1 Aug. 1840. {GS 384.2}
Op die juiste tyd wat voorspel is, het Turkye, deur sy gesante, die beskerming aanvaar
van die geallieerde magte van Europa, en dus het hy homself onder beskerming geplaas