Om de Race de Voltooien_

maar net ‘n gedeeltelike verklaring gegee. Toe die vreeslike vervolging wat oor die kerk
sou kom aan die profeet getoon is, het sy liggaamlike krag beswyk. Hy kon nie meer
verduur nie en die engel het hom vir ‘n tyd verlaat. “Daniel was gedaan en was dae lank
siek. . . . en hy was “verstom oor die gesig, maar niemand het dit gemerk nie.” {GS
371.1}
Maar nogtans het God Sy boodskapper beveel, , laat hierdie man die gesig verstaan.”
Daardie opdrag moes vervul word. In gehoorsaamheid daaraan, het die engel, ‘n tyd later
na Daniel teruggekom, en gesê “Daniël, nou het ek uitgegaan om jou insig te gee. . . . gee
dan ag op die woord en verstaan die gesig.” Dan. 9: 22, 23, 25-27. Daar was een
belangrike punt in die gesig van hoofstuk agt wat nie verklaar is nie, naamlik die
tydgedeelte — die tydperk van 2,300 dae; daarom het die engel, in sy hervatting van die
verklaring, hom veral by die tydgedeelte bepaal: “sewentig weke is oor jou volk en jou
heilige stad bepaal. . . . Nou moet jy weet en verstaan: van die uitgang van die woord af
om Jerusalem te herstel en op te bou tot op ‘n gesalfde, ‘n vors, is sewe weke; en tweeen-sestig
weke . . . dit [sal] herstel en opgebou word, met pleine en slote, maar in tye van
benoudheid. En na die twee-en-sestig weke sal ‘n Gesalfde uitgeroei word, maar sonder
iets vir Hom; . . . En hy sal een week lank met baie ‘n sterk verbond sluit, en gedurende
die helfte van die week sal Hy slagoffer en spysoffer laat ophou.” Dan. 9: 24-27. {GS
371.2}
Die engel is na Daniël gestuur met die uitdruklike doel om die punt uit te lê wat hy in
die gesig van die agste hoofstuk nie verstaan het nie — die verklaring in verband met tyd
— “twee duisend drie honderd aande en mores, dan sal die heiligdom in sy regte staat
herstel word.” En nadat hy aan Daniel gesê het “gee ag op die woord en verstaan die
gesig,” was die eerste woorde van die engel, “sewentig weke is oor jou volk en jou
heilige stad bepaal.” Die woord wat hier as “bepaal,” vertaal is, beteken letterlik
“afgesny.” Sewentig weke, wat 490 jaar voorstel, is volgens die engel afgesny as spesiaal
betrekking hebbende op die Jode. Maar waarvan is hulle afgesny? Daar die 2,300 dae die
enigste tydperk is wat in hoofstuk agt genoem is, moet dit die tydperk wees waarvan die
sewentig weke afgesny moet word; die sewentig weke moet dus ‘n deel wees van die
2,300 dae, en die twee tydperke moet op dieselfde tyd begin. Die sewentig weke sou
volgens die engel begin met die bevel om Jerusalem te herstel en op te bou. As ons die
datum van hierdie bevel kon vasstel, sou ons ook die aanvangspunt van die lang tydperk
van die 2,300 dae kan vasstel. {GS 372.1}
Ons vind die bevel in die sewende hoofstuk van Esra (Esra 7: 12-26). In sy volledigste
vorm is die bevel deur Artasasta, koning van Persië, in die jaar 457 v.C. gegee. Maar in
Esra 6: 14 lees ons dat die huis van die Here gebou is “op bevel van Kores en Darius en
Artasasta, koning van Persië.” Hierdie drie konings het die bevel, deur dit uit te vaardig,
te bevestig, en volledig te maak, tot die volmaaktheid gebring om die aanvangspunt te