Om de Race de Voltooien_

Die eerste van hierdie waarskuwings kondig die naderende oordeel aan. Die profeet het
‘n engel “In die middel van die lug sien vlieg met ‘n ewige evangelie om te verkondig,
aan al die bewoners van die aarde en aan alle nasies en stamme en tale en volke. En Hy
het met ‘n groot stem gesê: Vrees God en gee Hom heerlikheid, want die uur van Sy
oordeel het gekom; en aanbid Hom wat die hemel en die aarde en die see en die
waterfonteine gemaak het.” Openb. 14: 6, 7. {GS 356.4}
Hierdie boodskap word verklaar as deel te wees van die “ewige evangelie.” Die werk
om die evangelie te verkondig is nie aan engele opgedra nie, maar aan die mens gegee.
Heilige engele is gebruik om leiding te gee in hierdie werk; hulle is in bevel van die groot
bewegings vir die redding van die mens; maar die werklike verkondiging van die
evangelie word gedoen deur die diensknegte van Christus op die aarde. {GS 357.1}
Getroue manne, wat die leiding van Gods Gees en die leer van Sy woord gehoorsaam,
moes hierdie boodskap van waarskuwing aan die wêreld gee. Dit is hulle wat ag geslaan
het op die “vaste profetiese woord,” die “lamp wat in ‘n donker plek skyn, totdat die dag
aanbreek en die morester opgaan.” 2 Pet. 1: 19. Hulle het na die kennis van God gesoek
meer as na verborge skatte, en dit beskou “beter as dié van silwer, en die verwerwing
daarvan beter as van goud.” Spreuke 3: 14. En die Here het aan hulle die groot dinge van
Sy koninkryk geopenbaar. “Die verborgenheid van die Here is vir die wat Hom vrees, en
Sy verbond om hulle dit bekend te maak.” Ps. 25: 14. {GS 357.2}
Dit was nie die geleerde teoloë wat hierdie waarheid verstaan en dit verkondig het nie.
As hulle getroue wagters was wat ywerig en biddend die Skrifte ondersoek het, sou hulle
die tyd van die nag geweet het; die profesieë sou aan hulle die dinge wat moes plaasvind,
geopenbaar het. Maar hulle het nie daardie posisie beklee nie, en die boodskap is aan
nederiger manne gegee. Jesus het gesê: “Wandel solank as julle die lig het, sodat die
duisternis julle nie oorval nie.” Joh. 12: 35. Diegene wat hulle afkeer van die lig wat God
gegee het, of wat nalaat om dit te soek wanneer dit binne hulle bereik is, word in
duisternis gelaat. Maar die Heiland sê, “Wie My volg, sal sekerlik nie in die duisternis
wandel nie, maar sal die lig van die lewe hê.” Joh. 8:12. Wie ookal met een doel soek om
die wil van God te doen, wie ernstig agslaan op die lig wat alreeds gegee is, sal groter lig
ontvang; aan daardie siel sal ‘n ster met hemelse glans gestuur word om hom tot alle
waarheid te lei. {GS 357.3}
Tydens Christus se eerste koms, kon die priesters en skrifgeleerdes van die heilige
stad, aan wie die orakels van God toevertrou was, die tekens van die tye gesien het en die
koms van die Beloofde Een verkondig het. Die profesie van Miga het Sy geboorteplek
aangewys. (Miga 5: 1.) Daniël het die tyd van Sy koms voorspel. (Dan. 9: 25.) God het
hierdie profesieë aan die Joodse leiers gegee; hulle sou sonder verskoning wees as hulle
nie geweet en aan die volk verkondig het, dat die koms van die Messias naby was nie.
Hulle onkunde was die gevolg van sondige nalatigheid. Die Jode het monumente opgerig