Om de Race de Voltooien_

kerk van Christus deur Rome sou onderdruk word. Die 1260 jaar van die pouslike
oorheersing het in 538 n.C. begin en sou dus in die jaar 1798 eindig. In daardie jaar het ‘n
Franse leer Rome binnegeval en die Pous gevangegeneem; hy het in ballingskap gesterf.
Ofskoon ‘n nuwe Pous kort daarna gekies is, het die pouslike priesterheerskappy sedert
daardie tyd nooit weer die mag uitgeoefen wat hulle tevore besit het nie. (Sien
Aanhangsel.) {GS 304.4}
Die vervolging van die kerk het nie die hele tydperk van 12 60 jaar geduur nie. In
barmhartigheid teenoor Sy volk het God die tyd van hulle swaar beproewing verkort.
Waar die Heiland die .,groot verdrukking” voorspel het wat die kerk sou tref, het Hy
gesê: “En as daardie dae nie verkort was nie, sou geen vlees gered word nie; maar
terwille van die uitverkorenes sal daardie dae verkort word.” Matt. 24: 22. Die invloed
van die Hervorming het die vervolging laat ophou voor die jaar 1798. {GS 305.1}
Aangaande die twee getuies het die profeet verder verklaar: “Hulle is die twee
olyfbome en die twee kandelaars wat voor die God van die aarde staan.” Openb. 11:4. “U
woord is ‘n lamp vir my voet en ‘n lig vir my pad,” het die psalmis gesê. Ps. 119: 105.
Die twee getuies stel die Skrifte van die Ou en Nuwe Testamente voor. Albei is
belangrike getuies van die oorsprong en euwigdurendheid van die wet van God. Ook
getuig albei van die verlossingsplan. Die sinnebeelde, die offerandes, en die profesieë van
die Ou Testament het almal gewys op ‘n Verlosser wat sou kom. Die Evangelies en
Sendbriewe van die Nuwe Testament vertel van ‘n Heiland wat gekom het net soos dit
voorspel was deur voorafskaduings en profesieë. {GS 305.2}
En hulle sal “duisend twee honderd en sestig dae lank profeteer,” met sakke beklee.
Gedurende die grootste gedeelte van hierdie tydperk het Gods getuie in ‘n staat van
verborgenheid verkeer. Dit pouslike mag het getrag om die woord van waarheid van die
volk weg te hou, en het aan hulle valse getuies voorgehou waardeur die leer van die
woord weerspreek is. (Sien Aanhangsel.) Toe die Bybel deur geestelike en wêreldse
owerhede verbied is; toe sy leer verdraai is, en alle pogings wat deur mense of duiwels
kon uitgedink word in die werk gestel is om die harte van die volk daarvan af te wend;
toe hulle wat gewaag het om die waarhede te verkondig, verjaag, verraai, gepynig, in
gevangenisse opgesluit is, en die marteldood vir hulle geloof moes sterf, of gedwing was
om te vlug na spelonke in die berge, en in die gate en grotte van die aarde—toe het die
getroue getuies, met sakke beklee, geprofeteer. Nieteenstaande dit alles nie het hulle
gedurende die hele tydperk van 1260 jaar hulle getuienis voortgesit. In die donkerste tye
was daar getroue manne wat Gods woord liefgehad het en hulle vir Sy eer beywer het.
Aan hierdie getroue diensknegte is daar wysheid, mag, en gesag geskenk om Sy waarheid
gedurende al die tyd te verkondig. {GS 305.3}
“En as iemand hulle wil beskadig, gaan daar vuur uit hulle mond en verslind hulle
vyande; en as iemand hulle wil beskadig, moet hy op dieselfde manier doodgemaak