BBZ bukske

Met trots voor u gebrouwen. Geen 18, geen alcohol.

blablabla Veurwaord
Leef minse,
Intelik!!
Now meuge weej dan intelik weer same geneete van unne onvervalste
Blauwe Zaoterdaag. Noeïts hadde weej verwach det de vastelaovesvierder
thoés kwaam te zitte en de stad stil waas. Maar gelôkkig zien we now weer
same.
As niéje veurzitter van Stadscomité B.B.Z. bin ik maar waat bliéj det weej
now weer los meuge en weej de vastelaovend kinne viére zoeë wie weej det
allein in Venlo kinne.
Nao de zieër speciale en auk geslaagde Blauwe Binnezitting editie van
veurig jaor, zien weej as organisatie toch maar waat bliej det weej now weer
Boéte op de Kwartelemerret staon! Mit ein lekker kalde geschminkde snoét,
kwante hippe, blauwe neus en sjaal um. De doedels dich waat aan en dan
geise meij op stap, de bis dan eine ander mins….
dét is pas vastelaovend!
Dankewaal wil ik zegge taege miene veurganger d’n hiér Leon Bastiaans
dae jaore lang meij de ker haet getrokke veur de Blauwe Zaoterdaag.
Chapeau Leon!!
Gruuëts bin ik det ik deil oét meug make van dae groep enthousiaste
vreejwilligers en det ik zeen det minse zich ammezere. Names ‘t bestuur
van Stadcomité B.B.Z. wins ik óg eine fanstastiche Vastelaovend 2023!
Geneet van alle joeks en jen.
Vastelaovend same!
Frank Jacobs
Veurzitter St. Stadscomité BBZ

1. Sintermertes veugelke
Sintermertes veugelke, haet ein roëd wit keugelke
haet ein blauw stertje, hoepsa Sintermerte
Vandaag is Sintermerte, morge Sinter Krökke
Dan kômme die gooije herte, die hadde zoë gaer ein stökske
‘n Höltje of ein törfke in Sintermertes’ körfke
Hout hout hout en ‘s winters is ‘t koud
Hoera, hoera, wat hebbe die boere ein laeve
Hoera, hoera, wat hebbe die boere ein pret!
Refrein
En Mieke de Woep zoot op de stoep en leet d’r eine vleege
Mieke de Woep zoot op de stoep en leet d’r eine gaon!
Hoera, hoera, wat hebbe die boere ein laeve
Hoera, hoera, wat hebbe die boere ein pret
En Mieke de Woep zoot op de stoep
en leet der eine vleege,
En Mieke de Woep zoot op de stoep
en leet der eine gaon!

blablabla
B ACKLINE RENTAL / T OUR SUPPLIES

blablabla 2. D’n Blauwe Zaoterdaag
Teks en meziek: René Oostdam
Mien bein die laupe in de stad en ik laup met eur mei
Die bringe mich - wie ik die kin - waal nao ein gooje wei
En dan opens dan zien weej heej en heej is ut te doon
Dan staon weej lekker blauw beejein zoé same in os schoon
Op d’n blauwe zaoterdaag
Blauw, blauw, blauw
Weit ik welke neus ik draag
Blauw, blauw, blauw
Blauw veur mich det sprik veur zich
Blauw, blauw, blauw
Met al det blauw heej op d’n haup
Weit ik det ik gen blauwtje laup
Met vastelaovend veur de deur
Bekin ik blauw mien kleur
Ein pilsje heej ein präötje dao wie geit ut nog met dich
Blauwe neuze um os haer auk die van dich en mich
Kom weej kleppe d’r nog eine same onderein
Dae schaele kwats dae wazel heej det held os op de bein
Jao jao jao
Refrein
Mien bein die laupe wie vanzelluf dan weer örgend haer
Euveral wao die dan staon dao bin ik auk nog gaer
En wuurt ut tiéd mien bein die laupe mich dan waal nao hoés
Maar dae tiéd dae is nog wied weej zien nog lang neet thoés
Nae nae nae
Refrein

3. D’n Blauwe Luiper
Teks en meziek: René Oostdam en Paul Nagelmaeker
Wae, wae wae
Löp d’r op d’n blauwe luiper
Wae hebbe weej dan dao
Wae löp d’r op d’n blauwe luiper
Kiék ens aan dae steit al klaor
Kiék ens aan dae steit al klaor

4. Hawaïleedje
Teks en meziek: B. Verdellen en J. Theelen
Ik neem die flaai mei naor hawaï
Minni kiki koekoelaorum
Geef ze aan die hoela-maedjes
Met die blaedjes
Beej de baai
Waat môt die flaai nôw in hawaï
Minni kiki koekoelaorum
Vraoge alle hoela-maedjes
Met die blaedjes
In hawaï
Ein en ein is twië
Twië en twië is veer
Veer en veer is ach
Ik blief beej dich de ganse nach
En beej de sterre in hawaï
Minni kiki koekoelaorum
Pik de letste papegaai alle kerse van de flaai
Minni kiki koekoelaorum

blablabla
ONZE
CARNAVALSKRAKER
Alaaf! En eine fijne Vastelaovend!
230125_Boels_Carnaval23_A5.indd 1 26-01-2023 13:23

blablabla 5. D’n dück dae bak weer flaai
Teksdichter: Jo Linssen
Refrein:
D’n dück dae bak weer flaai
Rieste, proëme, kerse, abberikoëze
Dückers bak weer flaai
Flaai in van die groëte doëze
Flaai in de kelder en flaai in de kas
Flaai op d’n telder, flaai beej de tas
Jao d’n dück dae bak weer flaai
Rieste, proëme, kerse, abberikoëze
Couplet:
Ein pletske is waal lekker
Ein kukske of taai-taai
Maar toch bin ik vuul gekker
Op zo’n stökske flaai
De paose, pinkster, kersmis
Ein feesje net wie heej
Kermis, vastelaovend
De flaai die huurt d’r beej
Couplet:
Flaai speult in zien laeve
Ein hiele groëte rol
Met alles d’rum, d’r naeve
Haet hae de hendjes vol
Wat huurt d’r beej de kôffie
Zoe um un oor of dreej
Jao beej zo’n gooj tas kôffie
Dao huërt ein flaeke beej

blablabla

blablabla 6. Dolores
Teks: Fred v.d. Bogaard en meziek: Vic Suiker
In dit leed met hónderd koeplette, met geklep van vuuel castagnette
Staon ik dao al nachtelang en zing dan ein leed veur um,
heb mien ganse hert verlaore, ‘t is veur mich de leefste, de waore
fluuster allerzeutste wäörd met zaachte stum
Kiek ens wae dao is, as det ens waor is
Det is Dolores, miene spaanse schat
Maar wat noow zoor is, wao ’t mei van door is
eine toreadoor is, ik bin ’t zat
bin dan gen torero, draag genne sombrero
diene caballero, mucho amore
ik dans met dich samba, en roop dan caramba
kóm neet met mañana, bin veur dich dao
Bin toch genne halve gare, brook veur dich waal 10 gitare
En dao naeve beej versleet ik ouk nog ens mien stum
wil waal tapas veur dich haole, heb veur dich ein roeës gestaole
zoot te broene, waekelang, in ein kei heit spaans solarium
Kin genne flamenco, wil gen paella noow
Drink leever Venloos Alt dan vino tinto
Maar as dae stier um rak, diene torero pak
Dan is ’t veur dae signor einde show

7. Kiek nog eine kier um
Teks: Hannelore & Laurence Winter en meziek: Jan Bax
Couplet:
Blief effe staon..
Nog ein kösmuulke van dich
Gen dreuvige traon.. des niks veur mich
Gen wazig verhaol.. miene kael is schraol
Maar allein dae kreet: ik vergaet dich neet
Refrein:
Kiek nog eine kier um
Hald mich leef in gedachte
Kiek nog eine kiër um
Roop nog ens..‘daag schat‘
Vastelaovend mit dich
Waanzinnig veur mich
Waat hebbe weej ós leefgehad
Det duuzelt mich vannach
Zegk astebleef: ‚wies morge schat‘
De wets wie gaer ik wach
Couplet:
Ik zeen dich gaon...
Dien muulke gleujt op mien wang
De zilvere maon.. schient bleik en bang
Kiek um as ik zwei.. op de letsten drei
Huurse miene kreet: ik vergaet dich neet
WWW.GIGANTINTERNATIONAL.COM
| Stage & Event Constructions |

blablabla 8. Ah, si j’etais reste celibataire
Teks en meziek: F. Boermans en A. Luxembourg
Refrein :
ah, si j’etais reste pres de ma mere
Je n’aurais pas connu tes yeux menteurs
ah, si j’etais reste celibataire
Tu n’aurais pas pietine mon bonheur
Tu es partie sans un adieu
Laissant mes reves sur le feu
Et le lit tout defait
Ouvrant la porte
A mes regrets
Ah, si j’etais reste pres de ma mere
Tu n’aurais pas joue avec mon cœur
Couplet :
Toi tu m’avais dit :
« Je t’aimerai toujours »
J’ai compris depuis
Que ça voulait dire huit jours
Chercher des harengs
Tu es partie un soir
Ça fait bientot dix ans
Que je t’attends sans plus d’espoir
Refrein :
Ah, si j’etais…..

blablabla

blablabla 9. Och waas ik maar
Teks en meziek: F. Boermans en A. Luxembourg
Couplet:
Wie ik woord gebaore - waas ik vreejgezel
Zoog nog gen gevaore - waas op miene stel
Lange, lange jaore - is det good gegaon
‚k Heb mien hert verlaore
‚t Is met mich gedaon
Refrein:
Och, waas ik maar beej mooder thoës gebleve
Och, waas ik maar mit dich neet meigegaon
Och, had ik nao dien auge neet gekeke
Dan had mien erm hert neet zoë verkierd gedaon
Ik kan neet aete en neet drinke
Want ik mót maar altied dinke aan dae roèje mond
Die blauwe auge - die haor zoë blond
Och, waas ik maar beej mooder thoës gebleve
Och, waas ik maar met dich neet meigegaon
Couplet :
euveral en altiëd - dink ik maar aan dich
bin ik weer dien stum kwiët - zeen ik dien gezich
nae det kan neet dauge - wie ik mich auk dreij
dae mond, die haor, die auge
die drei-je met mich mei
Refrein :
Och, waas ik maar beej mooder thoës gebleve….

blablabla 10. Vastelaovend, det bis dich
Teks: Hannelore en Laurence Winter en meziek: Jack Claessen
Couplet:
Kóm laot dich zeen, dich bis net ein schilderie
Is die prach van kleure vastelaoves-druimerie?
Kóm laot ’t mich zeen, waat ein moeëj gezich
Want det zaet mich: vastelaovend, det bis dich!
Refrein:
Hééj, blièf ens efkes beej mich staon
Laot ós same dreej daag los gaon
In daen toemel danse van plezeer
Dich in mien erm verschaole
‘S nachs as de lempkes straole
Dreit vrouw Luna met ein knipoug um ós haer!
As ós hert op hol sleit wie ein loftrómpet
Gaon weej los heej en veural.. nog neet nao bed
Nog neet nao bed !
Couplet:
Lach minse lach, wie ein bloom in ’t morgeroeëd
Laot óg snuutjes kleure en dae ströp wuurt lachend groeët
Lach óg ennen deuk, kóm deil joeks met mich
Laot ós zinge: vastelaovend det bis dich!
Refrein:
Ónvergaete moeëj is deze fijnen tièd
Wie de wins van ózze niéje Prins
Viere en versiere steit weer in ’t kriet
Heerlik asse det belaeve kins
Belaeve kins
Refrein:
Blièf efkes heej-eej beej mich staon
Laot ós same dreej daag los gaon
In daen toemel danse van plezeer
Dich in mien erm verschaole
‘S nachs as de lempkes straole
Dreit vrouw Luna met ein knipoug um ós haer!
As ós hert op hol sleit wie ein loftrómpet
Gaon weej los heej en veural.. nog neet nao bed
Nog neet nao bed !

blablabla
SEACON WINS ÒG EINE
JOEKSIGE VASTELOAVEND!

blablabla

blablabla 11. De Prins
Tekst en meziek: René Oostdam
Refrein
Ik bin De Prins, gans Venlo löp veur mich oét.
Ik bin De Prins, gans Venlo löp veur mich oét!
Jao ut kin neet deste mich neet kins,
Want ik bin Ik bin De Prins.
Couplet 1
Ik zit van Kers aaf in ein doés,
Neemus wis det ik ut zoel gaon waere (Stille nach).
Ik zit van Kers aaf in ein doés,
Ik zoog allein mien eige vaere (Heilige nach)
En opens man, kets, ik sprong d’roét
En toen waas ik toen De Prins! JAO!
Tussenstök 1
Dao isse dan, dao isse dan, dao is de nieje Prins
Dao isse dan, dao isse dan, presies wie ik mich wins.
Noow huurste in de ganse stad (Ik bin De Prins!)
Och waat eine leuke Prins,
’t is ôzze nieje Prins (Ik bin De Prins!)
Noow huurste in de ganse stad,
Zônne gooje hebbe weej,
Zônne gooje hebbe weej,
Zônne gooje hebbe weej nog noeïts gehad!
Refrein
Couplet 2
Dertien dansmarietjes,
Ein ganse raod van elluf,
De vors, de sirremoniemeister,
Maar De Prins, heej jông, det bin ik zelluf!
Refrein
Instrumentaal
Couplet 3
Ik bin De Prins, wils dich ein moeij medalje?
Ik bin De Prins, wils dich zôn moeij medalje?
Zoédeste mich nao dees daag auk nog kins
En zaes “Kiek dao hebste um, De Prins! Nog eine kiér, jao!
Tussenstök 2
Dao isse dan, dao isse dan, dao is de nieje Prins
Dao isse dan, dao isse dan, presies wie ik mich wins.
Noow huurste in de ganse stad (Ik bin De Prins!)
Zônne gooje hebbe weej nog noeïts gehad! (Zéker!)
Refrein

blablabla 12. Nao ut zuuje
Teks: Lex Uiting en meziek: Lex Uiting, Sjors van den Eerenbeemt en
Bart Janssen
Couplet :
Waas veur good heej vertrokke
En zoe vuel van plan
Maar ‚t brôns greun bleef lokke
Dao wint ut verstand toch neet van
Al die jaore waas ik nörges thoés
‚t Is moëi gewaes
Bring mich maar nao hoés
Refrein :
Kôm laot ôs nao ‚t zuuje gaon
Wao vastelaovend is ôntstaon
Heej bin ik gebaore
Gelökkig gewaore
Ik gaon vaer - maar kôm auk altiéd weer
Truuk nao ut stedje van plezeer
Couplet :
Ônderwaeges bedach ik
Nog net op tiéd, misschien
As ik umdreij, verwach ik
Det d‘n haer auk d‘n truukwaeg kin zien
Al die jaore waas ik nörges thoés
‚t Is good gewaes
Bring mich maar nao hoés
Brök :
En netuurlik ik weit ‘t d‘r is miér
En netuurlik ik weit ik gaon wië-je-he-her
Maar ein dink heb ik waal geliérd
Dus ik bliéf ‚t zinge kiér - op - kiér

blablabla 13. Dreej tenore
Teks: Fred v.d. Bogaard en meziek: Vic Suiker
Refrein:
Jao weej zien Bas…Barri…en Ton
Zoe wie ge zeet, zwaore tenore
We haope óg neet te store,
met ózze zang óg te bekore
Want as weej zinge smelte hertjes as snieje veur de zón.
Jao weej zien Bas…Barri…en Ton.
Couplet:
Ós schoon heuve neet te glimme
Want die zeen we ech neet mier
Gaon van zien laeve lang neet trimme
Det zuut neet oét veur einen hier
Weej hebbe same 9 kinne
Jao waal dreej in iddere kop
Dao mót ein vrouw waal iers aan winne
Maar nao ein tiedje is ze gruuëts dao op.
Couplet:
Auk al kleijt os ech neet alles
Is ós haemp ós dök te kort
Och ‘t blief toch altied plare
’t is ós lingte wao ut aan schort
Weej kinne bes d’n boék in halde
Guf ós geliek ein strak gezich
zien in ’t verkierde lief gebaore
we zien te kórt veur ós gewich
Brök:
krake noeëte, braeke roete, en op óg snoete
zórge weej veur eine lach!

De leukste Vastelaoves
pekskes beej Leurs!

blablabla
20222367_sponsoring_BBZ_adv_programmaboekje_A5_v2.indd 1 11-01-2023 14:56

blablabla 14. Laot gaon dae wage
Teks: Ad Pollux en meziek: Giel Aerts
Couplet:
De stoepe en de straote zien gekaerd
En de gäöte oetgevaeg
De greeke zien ‘m gister al gesmaerd
Waat steit os nog in de waeg
Refrein:
Laot gaon, laot gaon dae wage
D‘n broéne kan `t trekke
Gen zörg aan ôzze kop
Laot gaon, laot gaon dae wage
En allemaol wat douwe
Dan schuut `t lekker op
En schienter ein zunke
Of velter ein buuj
Weej bliéve douwe - weej bliéve sjouwe
Zoë gaon weej door venlo
Met al die leuke luuj
En met aswoensdaag halde weej pas juu
Couplet:
Weej weite ‘t d’r wuurt op os gewach
Obers staon al op de loer
Nog efkes en dan zien weej zoegezag
Same op de groeten toer

blablabla

blablabla 15. Ingelkesbal
Teks: Ad Pollux en meziek: Giel Aerts
Couplet:
Adam reep och spooi dich schat
Ze zien al ónderwaeg
En zoe te huëre vluug zoewat
D‘n halven hemel laeg
En Eva zag: ‚t is noow zoe bekeke met de was
De viegeblaedjes ligge al gestreke in de kas
Zeej krege, och waat leuk
Daen aovend hoëg bezeuk
Refrein:
Alle ingelkes die fladdere nao ónder
Leeven hemel! waat ein wónder
En zeej boemelde door adams paradies
Wao zeej binne meugde veur d‘n halve priés
Alle ingelkes die heele bal-sjampaeter
En ‚t ganse legioen det goof um gaas (zjiem! zjiem!)
Want zeej vinde ‚t veurluipig nörges baeter
Zoelang d‘r nog gen venlo waas
Nae, zeej vónde ‚t veurluipig noörges baeter
Zoelang d‘r nog gen venlo waas
Couplet:
Adam dach: ik bin gespand
Wie det vanaovend geit
‚t Legioen det waas geland
Met duuvels hard leweit
’t Waas ónderwaeg nog door de barrieëre haer gegaon
En in d‘n haof dao ware alle paere nao de maon
Hae zag: det mak niks oét, dan aete weej maar kroeét
Couplet:
Nao ‚nen telder riestepap
Had eerder gooie zin
En met ein sluukske droevesap
Kwaam d‘r de stumming in
De ingelkes die fladderde wie veugelkes doorein
En Gabriël dae speulde op de vleugel ‚t refrein
En Eva zag: och kóm, ik pak de dieke tróm

blablabla 16. Mooder Maas
Teks: Ad Pollux en meziek: Fr. Wetjens
Couplet:
Pariês det haet zien Seine, in Kölle is de Rien
D‘n alde blauwe Donau löp altiêd nog door Wien
Maar waat ‚t schoënste is, det weite wéj beslis
Refrein:
Det is ôs Mooder, jao det is Mooder Maas
Die schoëne Majjem, die schoëne Mooder Maas
Wie bôks béj liefke, wie greun béj graas
Zoë huërt béj Venlo, os Mooder Maas
Couplet:
Merieke hilt van wandele, maar noëts ens nao de hei
En nao ôs Floddergetske, krieg ik um auk neet mei
Het zaet: det wetste bes, ik heb maar ein adres
Couplet:
Mestreech haet ziene Vriethaof, Remund ‚ne ‚ kaoie zit ‚
In Tegele prônk d‘n oêles, en Venlo haet ‚ de Pit ‚
Maar ein dingk gans allein, det hebbe wéj gemein

blablabla 17. Doen beejein
Teks: Ad Pollux en meziek: Giel Aerts
Couplet:
Ze hónge weer boete beej eeder kefee
Ik dach: biste gek, de prebeers ‘t ens heej
Iërs euver den dörpel en det ging al bes
Mien veut ware binne en toen kwaam de res
En eine reep: “kom heej
De kins d’r nog waal beej”
Refrein:
Dao gaon we dan, dao staon we dan
Dao zitte we of dao hange we dan
Zoe same ónderein, zoe lekker doën beejein
Dao gaon we dan, dao staon we dan
Weej blieve heej lekker zoe lang ‘t maar kan
Heej vind ik ‘t kwant, heej vind ik ‘t fijn
Zoe lekker doen beejein
Couplet:
Ik schravelde door och, waat waas ‘t d’r drök
Dao zoot d’r mich eine bekant op de rök
Ik stond op de tiëne, maar neet die van mich
Det zoog ik al aan eine man zien gezich
Dae vloog toen in de lóch,
Dao waas nog plaats genóg
Couplet:
En wie det toen kwaam, det heb ik neet gesnap
Dao stónd ik mich zoe maar inens aan d’n tap
Ik pakde ein beer, zoot ‘t glaas aan de mond
Van zónne pias, dae d’r naeve mich stónd
Dae zag: uich heej, waat kwant
Ik drink met losse hand

blablabla
DeLimburger_Vastelaovend_A5_contour.indd 1 18-12-19 10:49

blablabla 18. Ik heb gedruimp
Teks: Ad Pollux en meziek: Giel Aerts
Refrein:
Ik heb gedruimp, in venlo waas gen beer miêr
Dao kwaam alleein nog zuuver water oet de kraan
Ik heb gedruimp, weej hadde gen plezeer mier
Och minse, minse waat waas ik d’r maelig aan
Stel och ens veur, ik mot d’r neet aan dinke
Det weej met vastelaovend water meuste drinke
Dan zoog ‘t droet
Dan waas gans venlo slech geluimp
Waat bin ik bliej
Det ik allein maar heb gedruimp
Couplet:
Ik veel um van de slaop en dao loog ik
Toen heb ik de schäöpkes geteld
En toen veel ik in slaop en waat zoog ik
Och minse, waat stônd ik versteld
Ik zoog, wie ik sleep, det ik leep door de stad
Ik heb zônnen dreuvigen druim noeits gehad
Couplet:
Ozzen thei dae had dors en, waat dach ge
Dae ging toen nao bed met ein glaas
Jao, dae kôs um daen dors hendig lache
Hae druimde zich beer in de maas
Ik zag: besten thei, had mich mei laote gaon
Dan had ik vannach neet zoë druëg hoove staon

blablabla

blablabla 19. Laef
Teks en meziek: Marc Houwen
Koeplet:
‘t ganse jaor, weer op dien tiene loupe
‘t ganse jaor, wies aan ’t gaetje gaon
de wils dich ouk van alles kinne koupe
de haofzaak van os hedendaags bestaon
maar dink ens nao waat noow toch ech belangriek is
det zien dien vrinde, diese weer ein jaor hes gemis
Refrein:
kom maak plezeer met mekaar
schei oet met al det geplaar
’t laeve is te kort, um neet te laeve
kom laot die remme ens los
geneet noow koste waat kos
dit vastelaoves gelök, is os gegaeve
letste kier: dees schoeëne daag, zien d’r veur, um te belaeve
Koeplet:
’t ganse jaor, allein nog maar prestaere
’t ganse jaor, de lat wies baove aan
de kins dich ouk vanalles permitaere
en daorum geise veur de beste baan
maar gangk ens nao wao van ze ech gelökkig wuurs
det zien de leedjes, diese met vastelaovend huurs
Brök:
pak dit moment dan zulse zeen dit smak nao mier
en laef dien laeve want de laefs maar eine kier

blablabla

blablabla 20. Danse mit plezeer
Teks: Mai Anröchte en meziek: Jack Claessen
Kóm in die erm van mich, de wets dae joeks mit dich
Luuët mich door gaon wies ut aller letste oor
Bin ut nog lang neet zat, dit is genete schat
Ik bin verleef van aaf ut ièrste oor.
Veur ut plezeer gebaore
Altièd ‘n bliej gemood
Auge die joeksig straole
Minse ut geit ós good
Intelik weer vastelaovend
Danse weej weer mit plezeer
Refrein
Kinne weer danse mit Janse
Boète-gewoeën op straot
Knoèvele en sjanse
Kin allerwiels gen kwaod
Intelik weer vastelaovend
Danse weej weer mit plezeer
Refrein
Dich en ik weej allebei kinne neet zónder
Brök
Lekker sjoenkele wies det ut is gedaon

blablabla 21. Laot gaon
Teks: Mai Anröchte en meziek: Jack Claessen
Laot gaon,
ik heb ’t altiéd gaer gedaon,
laot gaon, en maak plezeer.
De wets, beej ’t huúre van ein joeksorkes,
bin ik door ’t dolle haer.
Dan wuurd d’r joeks gemak wat dache,
dan wuurd getäöt, geträöt gelache,
Laot gaon ik het ’t altiéd gaer gedaon,
laot gaon, de wets wie gaer,
pak ik mich heej,
auk nog det venlose keteer.
Velt d’r wat te viere,
of waal te versiere,
bin ik gaer van de partie,
gluif maar det duit mich zoeë good van binne,
det ik mich gaeve kin en wie.
Leve schat det witse,
dao kin ik mich op spitse,
dao laef ik mich dan gans in oét,
ut alledaagse is dan gauw vergaete,
want we kinne d’r weer oét.
Wao det ouk op oét dreid,
de klok van feeste stil steit,
en al dae joeks weer is gedaon,
weit dan toch det iddere nieje morge,
juus det plezeer is um veur te gaon.

blablabla 22. Haej dich!
Teks: Mai Anröchte en meziek: Jack Claessen
Mit vas-te-laovend, geit ederein verkleid
Um lekker in ein ander vel te kroèpe
Zinge en springe, ouk ik bin zoeë geweid
Ut leefste nog in hiéle alde ploète
En ouk mien gezich, zal efkes mótte winne
Mien maske sprik veur zich, det kinse neet óntkinne.
Haej dich ! jao dich, hallo,,, wat makse mich toch noow.
Wiezoeë ? jao haej, hallo,,,de duis noow net of weej ós neet miér kinne
Haej dich ! jao dich, hallo,,,en gister ging ut nog zoeë good
Kôm heej det ik dich knoevel dan witse wae ik bin
En bisse gerös, as ik dich kös,dan zalse mich ech, waal weer kinne.
Lache wat dache, is altiéd gooje zin
En zeker as ik dich zeen miene leve
Un hepke un klepke, det geit d’r altiéd in
Ik bin gewoeën ut zelefde gebleve
Twiefelse aan mich, dan hebse eine kater
Det is niks veur dich, noow sleise weer dae flater
Tösse die kwante, mit eure schaterlach
Heb ik dich noow al ore loupe zeuke
Valle de maskes persies um middernach
Dan wil ik dich nog eine kiér verzeuke
Pak dich noow die kans, en laot dich toch neet kinne
Daen allerletste’n dans mit dich, det mót toch kinne

blablabla 23. Venlo stedje
Teks en meziek: Funs van Grinsven
Couplet:
Venlo, zó‘n stad zoë besteit d‘r maar ein
Met ein schoën stadhoés
Floddergats vindste beej ós maar allein
Wao amor smoés
Inge straotjes, gen grekende luuj
Vleisstraot guf ‚s-aovends ‚n vreejers-revue
Bios, caé‘s, die zien der present
‚t Is zoë patent
Refrein:
Venlo, stedje van lol en plezeer
Dich kan ik toch noeits vergaete
Bin ik in de vraemde, dink ik altiéd weer
Gen stad kan met venlo maete
Dao te kinne laeve met al waat dich leef
Dao te kinne laeve met mien‘n hertedeef
Venlo, stedje van lol en plezeer
Aan venlo dink ik altiéd weer
Couplet:
Speulde weej vrueger mit stuiters of bal
In ‚n stille straot
Woutjes beloerde ós dan euveral
Um ’t kattekwaod
Dök heel mooder ós veur de straf thoés
Eine van ós had weer wat oétgespoés
Speulend mit dop had-ste pech op ’t lets
Ein ruutje geflets

blablabla 24. WieS BlauW!
Teks en meziek: René Oostdam
WieS BlauW!
Of anders wies ut vôlgend jaor.
WieS BlauW, WieS BlauW
WieS BlauW!
Of anders wies ut vôlgend jaor.
WieS BlauW, WieS BlauW
WieS BlauW!
Weej kômme ós weer taege
Heej of dao of dao of heej
WieS BlauW!
Jao weej kômme ós weer taege
Örgend nao nörgend ônderwaeg
Örgend nao nörgend ônderwaeg
Örgend nao nörgend ônderwaeg…
WieS BlauW!

blablabla Produksie 2023 “Blauwe Zaoterdaag ’’
‘D’n Blauwe Zingk door’
Oorspronkelik idee
Edisie 2023
In samewerking met Stichting Stadscomité B.B.Z.
www.boetezitting-venlo.nl
Prissentasie:
Lottie Boermans en Harry Pouwels
Arrangemente en muzikale leiding: Wim Naus
• Gitaar - Pieter Bartels
• Basgitaar, contrabas - Rien Kolkman
• Drums - Peter Tiggelers
• Trompet - Wim Schreurs
• Trombone – Ruud Steegers
• Toetse, accordeon - Wim Naus
Floormanagers:
Hans Janssen, Sjors Peeters, Joos Boogaerts , Petra Jansen & Ellen Fila
Ouk met (vuuel!) dank aan:
- René Oostdam, Fred van de Bogaard, Jeroen van den Ham en Marinho Peters
- de Blauwe Dames: Josje Wolters, Liset Daemen, Ine Dolders, Hetty Dolders,
Miep Breedveld, Richarda van Kasbergen en Vera Beurskens.
- Sef Derkx en Jos Deenen
- “t volkstheater” en de Boermansfebriek
- Restaurant B-mich in Venlo
- Clim Backes
- En vuuel andere die de Blauwe Zaoterdaag al jaore ein werm hert toedrage…..
Ontwerp, opmaak en drök: BRAIND Internet & Vormgaeving

blablabla Weej bedanke alle sponsore en
meiwerkers die de Boètegewoeëne
Boètezitting mei meugelik make.
Idder jaor vervölt Venlo ’t gashiërschap tiedes de Boètegewoëne
Boètezitting op Vastelaoveszaoterdaag. Dees moder van alle
boètezittinge vindt plaats in ôs hertje stad en weej verwelkomme
op deze geweldigen daag alle vastelaovesvierders oét Limburg en
umstreke en alle minse die de vastelaovend hoeëg in eur vaandel
hebbe staon. Op diverse pleine waere podia gebouwd en onder
’t genot van ein keur van Limburgse artieste belaeve circa 30.000
bezeukers de ouverture van dit groeët cultuurevenement det tot
aswoensdaag in hiel Limburg wuurt gevierd.
Externe inkomste vanoét subsidies en sponsoring blieve nuuedig
um veur de toekoms de kwaliteit te kinne blieve waarborge.
Weej winse óg eine schoeëne vastelaovend!
Stadscomité BBZ