Create successful ePaper yourself
Turn your PDF publications into a flip-book with our unique Google optimized e-Paper software.
JULIE 2021
TTTRRRRIIIIIEEEEENNNNGGGG!!
Celetia Reinders
FOTO Igno van Niekerk
En so het die derde kwartaal aangebreek. As mens terugkyk na
die afgelope twee kwartale, kan mens opnuut waardering vir ons
wonderlike kaalvoetskool kry. Ek is ook verskriklik opgewonde en
bevoorreg om ons eerste elektroniese uitgawe van die Tjok-KLETS
bekend te stel!
As ek hierdie jaar tot dusver in een woord kan opsom, sal dit beslis
dankbaarheid wees. Dankbaar vir ons omgee-skool, vir soveel geleenthede
en vir al die pret en vreugde wat ons steeds daagliks kan
bly ervaar.
Ons bedank dan ook graag Tjokkies se borge, G6, ITEC, McDonald’s,
Spar Universitas en Supa Quick vir hulle deurlopende ondersteuning.
Baie dankie aan elkeen van ons ander lojale Kaalvoetborge wat ons
op enige manier in 2021 met projekte groot of klein ondersteun en
bygestaan het.
Dankie aan ’n uitmuntende redaksiespan wat hierdie uitgawe
moontlik gemaak het, asook ’n spesiale dankie vir Suanné Mulder van
SARIE-tydskrif wat die uitleg behartig het. ’n Verdere woord van
dank aan elke liewe Tjokkie wat hierdie kwartaal ons leuse, Net my
beste, aanhou uitleef het.
In hierdie uitgawe van die Tjok-KLETS kan jy verwag om van Valentynsdag,
redenaars, juffie-troues, Kleuterskool gholfdag en soveel
meer te lees. Ek hoop jy geniet elke bladsy!
REDAKSIE ✍
2
1
2
3
4
5
Ry 1: Juf. Marika Els, Juf. Ilne Erasmus, Juf. Celetia Reinders (Redaktrise), Juf. René Greyling (Subredaktrise Kleuterskool)
Ry 2: Juf. Suzanne Wille (Bemarker), Juf. Nadine Malherbe (Subredaktrise Graad 1, 2, 3), Juf. Chantal Janse van Rensburg, Karli Botha
Ry 3: Waldo Slabbert, Anika Wolmarans, Jenna du Plessis, Joané de Beer
Ry 4: Marlise de Witt, Juandré Rowe-Rowe, Karin Truter, Christoff Crous
Ry 5: WJ Oosthuizen, Marli Niemand, Miené Spies, Lienka Stevens
FOTO Annatjie Human
ONDERWYSERS EN HUL DINGE
ONDERWYSERS EN HUL DINGE
KLETS ☎
5
Uit die hoof
se pen ...
Mnr. Neels Gunter (Skoolhoof)
”Die goeie onderwyser
verduidelik. Die voortreflike
onderwyser demonstreer.
Die waarlik groot
onderwyser inspireer.”
Hier staan ons, sewe maande later. ’n Jaar
wat almal gehoop het anders sal lyk as
2020. Ongelukkig stel 2021 beslis weer
nuwe uitdagings aan ouers, leerders en
onderwysers. Skole moet gereeld herbeplan
om by te hou met die daaglikse eise
en veranderings.
Gelukkig is ons baie bevoorreg hier by Tjokkies
om kundiges in ons midde te hê. Betrokke
en lojale ouers, asook passievolle onderwysers
wat die erns van onderrig besef.
William Arther Ward skryf nie verniet: “Die
goeie onderwyser verduidelik. Die voortreflike
onderwyser demonstreer. Die waarlik
groot onderwyser inspireer.”
Ons is nie almal dieselfde nie, maar ek wil
glo dat die Tjokkie onderwysers in die laaste
kategorie sal val, want akademie bly vir ons
’n prioriteit.
In moeilike omstandighede wil ons steeds
ons waardes uitleef. Die doel: om selfstandige,
toegeruste jongmense gereed te kry
vir die hoërskool. Dis juis die rede waarom
daar reeds 9 hoërskole vanjaar tou gestaan
het om ons leerlinge te werf. Dis voorwaar ’n
pluimpie vir die Tjokkiespan! Mense verwys
dikwels na die stelling “Dis ’n bedekte seën,”
maar wat beteken dit eintlik?
Somtyds gebeur daar dinge in ons lewens
wat op die oog af as negatief en sleg gesien
kan word. Ons kan nie eens dink dat dit ’n
seën van God kan wees nie. Dan, jare later
wanneer ons terugkyk, besef ons eers dat
dit wat ons aanvanklik nie kon verstaan dat
dit met ons gebeur het nie, uiteindelik ’n
groot seën geword het.
Ons sal seker eers oor ’n paar jaar verstaan
waarom ons deur hierdie pandemie moes
gaan. Ons sal die groter seën dan eers in
werklikheid besef.
Ek troos myself in die wete dat God nie sy
kinders sal verlaat nie.
Mag die res van 2021 beter verloop as die
eerste 7 maande en mag God Tjokkies op so
’n manier bly seën dat ons sal skaam kry oor
al ons negatiewe gedagtes en ongevraagde
opmerkings.
Wees dapper!
Neels Gunter
Tjokkie-raad – visie en missie
Christoff Crous & Jenna du Plessis
Mnr. Neels Gunter en die Tjokkie-raad
Die ambassadeurs van 2021 is slaggereed
om hierdie jaar met entoesiasme en toewyding
aan te pak!
Die visie vir die Tjokkie-Raad vir 2021 is
gekies vanuit Josua 24:15, “ek en my huis, oftewel,
ek en my Tjokkie-familie, ons sal die
Here dien.” Al die projekte wat beplan word,
word teen die agtergrond van Josua 24:15
gedoen.
Graad 7 Tjokkies kan uitsien na ’n hele paar
projekte in 2021, wat ten doel het om die
skool se waardes te ontwikkel vir elke
leerder!
Die langtermyn beplanning (misie) is om
elke Graad 7 leerling blootstelling te gee aan
spanbou en probleemoplossing (fisies en
emosioneel).
Die Tjokkie-Raad opleiding vir die eerste
kwartaal (A-klas) het plaasgevind oor die
naweek van 5 tot 6 Maart 2021. Dit het afgeskop
met ’n spanbou sessie op die skool
se rugbyveld, aangebied deur Mnr. Pieter
Jordaan van Future Smart. Elke leerder het
die geleentheid gekry om met kritiese denke
te bewys dat hulle kreatief kan dink en in ’n
span kan saamwerk. In die proses het hulle
leierskapsontwikkeling ontvang en het ’n
in-diepte-gesprek oor die Tjokkie-waardes
naamlik omgee, respek, geloof, verantwoordelikheid
en uitnemendheid gevoer. Met
prettige, dog uitdagende aktiwiteite moes
die Tjokkies sommer dadelik hierdie waardes
inspan om die span aktiwiteite te voltooi.
Saterdagoggend het al die leerders by die
C4 Fitness sentrum ’n hindernisbaan voltooi
en elke leerder in die klas was verplig om
die baan klaar te maak. Deursettingsvermoë
en saamstaan is voorwaar getoets, ’n
geleentheid wat elke Graad 7 nie gou sal
vergeet nie! Die res van die klasse sal hulle
opleiding in die geskikte kwartaal ontvang.
Voortdurende leierskapsontwikkeling word
beplan en al die graad 7’s gaan hul omgee
vir ons geliefde skool wys deur diensbeurte
te doen wat portaal, saal- en badkamerdiens
insluit. Hierdeur word verseker dat leerders
die omgewing en ander maats respekteer.
Nieteenstaande die onsekerheid wat die Korona-virus
pandemie bring, kon die Valentynsweek
vroeg in die eerste kwartaal, asook
die Ken-mekaar-braai vir die Graad 7A klas
suksesvol afgehandel word. As omstandighede
dit moontlik maak, word daar ook ’n
Bingo-aand beplan vir later in die jaar.
In die Tjokkie-familie gaan daar gewerk, gespeel,
gelag en geleef word tot eer van ons
Skepper!
KLETS ☎
6
Die ‘nuwe’
Kaalvoetkafee
Marli Niemand
Heerlike happies by die Kaalvoetkafee
Die Kaalvoetkafee is onder nuwe bestuur
sedert Februarie 2021 en het nie net baie
nuwe lekkernye nie, maar is ook vol verrassings
en nuwe bekendstellings.
Volgens Me. Vicky Dean, die nuwe
bestuurder, hou die Kaalvoetkafee nou ’n
groter verskeidenheid produkte aan en bied
hul nuwe spyskaarte heerlike eetgoed vir
honger magies.
Die snoepie spog ook met ’n ligter, vroliker
voorkoms binne en selfs die yskaste het ’n
nuwe baadjie gekry.
Die “Brownie-kompetisie” en die bekendstelling
van Ola-roomys, wat gevier is met
sambrele, musiek en afslag op produkte, is
van die lekker verrassings wat al aangebied
is. En Tjokkies kan blykbaar uitsien na nog
heerlike verrassings, maar ons kan nie nou
al die aap uit die mou laat nie!
Die Kaalvoetkafee is beslis die plek om
te besoek vir alles van gesonde kos tot ’n
heerlike bederfie vir Tjokkie-maats!
Reg vir redenaars
Juandré Rowe-Rowe
Haal asem, wees braaf, want redenaars sal
jou skaaf!
Om ’n redenaarstoespraak voor ’n skare
mense te praat sal selfs die braafste se broek
laat bewe.
Om krities te kan dink, onderwerpe te kan
beredeneer, jou gedagtes te kan orden en
voor mense te kan praat is belangrike vaardighede
wat elke kind moet ontwikkel. Wat
dan beter as redenaars om jou voor te berei?
Ek deel graag met julle ’n paar wenke om al
die voornemende redenaarsprekers te help.
As spreker moet jy deel wees van die proses
om die toespraak te skryf en die gekose onderwerp
moet jou interesseer en opgewonde
maak, daarby help dit jou om die voordrag
met passie en oortuiging oor te dra.
Die onderwerp wat jy kies moet beredeneerbaar
wees. Dit beteken jy moet daaroor kan
redeneer en jou punt oortuigend kan oordra.
Dit is nie net ’n gememoriseerde inligtingstuk
nie. Maak seker dat jou inleiding treffend
en interessant is, daarby word die gehoor en
beoordelaars se aandag vasgevang.
’n Omvattende toespraak bevat ’n waterdigte
standpunt met drie omvattende argumente
en ’n treffende slot.
Deeglike voorbereiding en proef toesprake
is belangrik en versterk die spreker se selfvertroue.
Die opneem van die toespraak en
dit oor en oor luister, help ook om uitspraak
en sinsbou te verbeter. Druk kaartjies op
donkerkleurige kaartjies uit en maak seker jy
weet hoe om jou kaartjies goed te hanteer.
Bo alles geniet dit, want of jy wen of nie, jy
gaan belangrike vaardighede ontwikkel wat
jou vir die res van jou lewe sal help.
Op 30 Maart 2021 het ’n paar brawe graad 6
en 7 Tjokkie maats deelgeneem aan die skool
se redenaarskompetisie. Op 8 Junie, was dit
die graad 4 en 5 sprekers se beurt.
Baie geluk aan die volgende wenners:
Gr.4 Afr. wenners:
1. Nicolette van Tonder
2. Velé Langenhoven
3. Lize Pienaar
Gr.5 Afr. wenners:
1. Mia Pienaar
2. Marichelle Crous
3. Lydia van Rooyen
Gr.6 Afr. wenners:
1. Juandré Rowe-Rowe
2. Miené Spies
3. Anika Wolmarans
Gr.7 Afr. wenners:
1. Riva Joubert
2. Lize Fourie
3. Michelle Janse van Rensburg
Gr.7 Eng. wenner:
1. Miqnia Coetzee
So wees braaf, trek jou bang broek uit en
kom praat saam redenaars in 2022!
Die Voortrekkers
Lizette Buys
Wat doen julle by die Voortrekkers? Wat is
die Voortrekkers? Wanneer kom julle bymekaar?
Hoekom betaal julle ledegeld? Hokaai,
so baie vrae, ons gaan probeer om vir julle
antwoorde te gee.
Die Voortrekkers is ’n kultuurbeweging vir
ons moderne Afrikanerjeug. As jy gedink het
ons is oud-modies en doen nog die dinge
soos ons voorgeslagte wat oor die Drakensberge
getrek het dit doen, slaan jy die bal
mis. Ons hou tred met ons lede se behoeftes
en die tyd waarin ons leef.
Ons grondslag en wese is gegrond op die
Bybel en ons leef ons Christenskap uit in die
natuur, deur vir ons medemens om te gee
en leer ons waardes en vaardighede aan om
van ons goeie landsburgers te maak. Ons
leuse is “HOU KOERS” en ons rus ons lede
toe om dit met vasberadenheid en selfstandigheid
te doen.
Om op Doornkloof, die Voortrekkers se
plaas, te gaan kamp is vir elke Voortrekker ’n
belewenis. Dit is daar waar daar lewenslange
vriendskappe gesluit word en waar jy leer
van saamwerk, uithou en aanhou.
Ons kom elke Dinsdag van 15:00 tot 16:00
bymekaar. Tydens die spanbyeenkomste
werk ons aan verskillende spesialisasies soos
dierekennis, plantekennis, delwerye, handvaardigheid,
ruiterkuns en dit is net om ’n
paar te noem. Die ledegeld word aangewend
om die Voortrekkers se plaas instand te hou
en ook om te verseker dat jy bekostigbare
kampe kan bywoon.
Ons nooi jou uit om deel te wees en te beleef
dat om ’n Voortrekker te wees is ’n duisend
ervarings in een!
Karli Botha
MASKER EN AL
Daar het groot opgewondenheid by Tjokkies
geheers soos die dag vol liefde en
omgee nader en nader gekom het.
Almal het op hierdie spesiale dag rooi,
pienk en wit aangetrek. Van ons kreatiewe
Tjokkies het selfs hulle gesigmaskers versier
met hartjies en boodskappies.
Die kinders het rooimiere gehad terwyl
hulle in spanning gewag het om te sien of
hulle geheime bewonderaar ietsie in die
boks gegooi het. Opgeruimde stemme het
van alle rigtings gekom soos die kinders
lekkers en kaartjies uitgedeel het vir mekaar
of probeer raai wie die naamlose pakkie
gestuur het. Buite die personeelkamer was
’n fotohoekie om hierdie spesiale omgee
dag vas te vang.
“Glimlagte het
onder die maskers
gestraal.”
Almal was ook bederf met ’n yskoue koeldrank,
’n pakkie lekkergoed en ’n donut.
Tjokkies wou seker maak niemand gaan
leë hande huis toe nie en het vir elkeen ’n
heerlike suigstokkie uitgedeel saam met die
geskenkies.
Glimlagte het onder die maskers gestraal
en selfs die onderwysers kon hul glimlagte
nie keer soos hulle deur die vrolike gange
geloop het nie.
KLETS ☎
8
ons elkeen ’n talent gegee. As jy nog nie
joune gevind het nie voel dit dalk of jy nie
een het nie.
Jy is verkeerd, God het vir elkeen van ons ’n
talent gegee - jy het dan nog net nie joune
gevind nie. Jy gaan verskil van jou maats,
broers of susters - julle gaan nie in dieselfde
dinge goed wees nie. Jy kan goed wees met
akademie en jou maat met sport.
Caileigh De Beer was SA’s toe met swem
en het terug gekom met ’n brons medalje.
Caileigh sê: “Ek het baie hard gewerk om
te kom waar ek nou is”. Caileigh het haar
talent gevind en dit ontwikkel - net soos Anri
Oosthuizen wat Vrystaatspan gehaal het
met atletiek. Anri sê dat haar afrigter haar
inspireer om hard te werk. Anri verskil van
haar nefie WJ Oosthuizen.
Hoe gee ek altyd net my beste?
Marlise De Witt
Dis die vraag waaroor meeste van ons sit
en wonder. Almal sê jy moet altyd “Net Jou
Beste” gee voordat jy ’n wedstryd speel of ’n
toets skryf, maar hoe gee jy Net jou Beste?
Jy gee jou beste wanneer jy so goed doen
soos wat jy kan. Nie so goed soos jou maat
of soos jou ouers wil hê jy moet doen nie, so
goed soos wat jy kan.
Onthou elkeen van ons is geskape deur God.
Hy het ons elkeen uniek gemaak. Hy het vir
Anri is goed met atletiek waar WJ ook goed
is met sport, maar hy is ook ’n man vir die
akademie. WJ sê: “My ma was baie goed in
skoolwerk en sy het my gemotiveer om deur
te druk en die beste te gee wat ek kan.”
Selfs niggie en nefie verskil van mekaar - so
jy hoef nie goed te wees met alles wat jy
doen nie. Jou maat gaan miskien ’n beroemde
rugbyspeler wees en jy die president van
’n nuwe land wat nog ontdek moet word.
Gee altyd net jou beste en nie jou maat se
beste nie. Gaan probeer nuwe goed en gee
“Net Jou Beste” – jy sal sien die res kom vanself.
Musiekfees uitslae: musiek vir ons ore
Hanlie Dippenaar
Vroeg in Maart 2021 het ons die goeie nuus
gekry dat die tweejaarlikse St Michael’s Music
Festival wel gaan plaasvind, onder streng
Covid-regulasies. Hierdie fees fokus daarop
om die musiektalent van leerders ten toon te
stel.
80 Tjokkieleerders is geïdentifiseer om deel
te neem in 54 verskillende kitaar-, klavier-,
klawerbord- en blokfluit items vanaf 10 – 15
Mei 2021.
Die musiekleerders en hulle onderwyseresse
het hierdie geleentheid aangegryp en sonder
huiwer begin oefen. Dikwels kon die klanke
reeds vanaf 07h00 by die musiekklasse gehoor
word waar vlytige vingers die verskillende
note, ritmes en lopies inoefen en afrond.
Harde werk en toewyding word altyd beloon
en die Tjokkieleerders het nie teleurgestel
nie. Die beoordelaars is bederf met musiekoptredes
van hoogstaande gehalte.
Die sukses van die week word weerspiëel in
die 6 A++, 22 A+, 23 A en 3 B+ simbole wat
die leerders tydens die week behaal het.
“You don’t have to be great to start playing,
but you have to start playing to be great”
- Anoniem
“There is no such thing
as a difficult piece of music.
A piece is either impossible or
easy. The process whereby it
migrates from one category to
the other is known as
PRACTICING”
- Yehudi Menuhim
6 A++
22 A+
23 A
3 B+
KLETS ☎
9
Maskerwenners 2021
’n Kompetisie was geloods waartydens
leerders ’n Tjokkies-masker moes ontwerp.
Die wenners kon hul eie ontwerp op ’n
masker gedruk kry!
Baie dankie vir elke Tjokkie-maatjie wat
hard gewerk het en moeite gedoen het.
Daar was soveel wonderlike en kreatiewe
ontwerpe!
Daar was 124 totale inskrywings, en die
wenners was toe as volg:
Graad 3 - Danisha Swanepoel
(Grondslagfasewenner)
Graad 4 - Ruan Steenkamp
Graad 5 - Tendekai Sithela
Graad 6 - Kaleigh-Ann Richter
Graad 7 - Chevonné Vos
Die maskers is deur Bonji gedruk.
’n Middag saam met Charles Smith (Media24)
Anika Wolmarans
En so het die Vrydagmiddag uiteindelik net
na skool aangebreek om die bekende redakteur
van Volksblad van Media24 te ontmoet.
Ek was so opgewonde om koerantopleiding
by Charles Smith te kon kry. Ons
het die skoolsaal binnegestap en hom ontmoet.
Hy is Volksblad se redakteur. Die saal
was baie mooi versier. Ons het by die kleurvolle
Tjokkie tafels gaan sit en het ’n baie
insiggewende en lekker middag gehad. Ons
het heerlike middagete geëet en elkeen het
’n koerant ontvang.
en ek het meer geleer oor hoe om ’n koerantberig
te skryf.” Haar boodskap van inspirasie
vir haar mederedaksielede was: “Just go for
it en as jy skryf, moet jy darem ook pret hê.”
Baie sterkte aan die nuwe redakteurspan van
Tjokkies! Gebruik nou julle talente vir ons
skoolkoerant. En onthou: Doen net jou HEEL
beste!
Ons het geleer hoe om ’n onderhoud met ’n
persoon te voer en wat die hoofpunte van
’n koerantberig behels, asook hoe om ’n
koertantberig te skryf.
Die skool se nuut verkose redakteurspan het
mekaar ook sommer beter leer ken.
Miené Spies, een van Tjokkies se redaksielede
het die volgende terugvoer rakende
die koerantopleiding gegee: “Die lekkerste
van die koerantopleiding was vir my die kos
KLEUTERS
10
Tjokkies slaan barshou
op gholfdag
Andries Strauss
Die Tjokkie-ITEC Gholfdag vind jaarliks plaas
en word beskou as een van die hoogtepunte
op die skool se fondsinsamelingskalender.
Dit is ’n gesellige dag waartydens spelers en
vriende die geleentheid kry om die Bloemfontein
gholfbaan te geniet en hul vernuf te
toon.
As ouer en vriend van die skool, is ek reeds
die afgelope 20 jaar by dié dag betrokke en
beskou dit as een van die bes georganiseerde
toernooie vir enige gholfspeler. Hierdie dag
het nog nooit teleurgestel nie – of jy nou ’n
Die “co-pilot” het geland
Carmen Butler
arm student of ’n werkende is; ervare gholfer
of groentjie op die baan – niemand gaan
huis toe met leë hande nie, putjie- en prysborge
verleen verdere luister aan die dag
en pryse wissel enigiets van slagskape tot
spa-geskenkbewyse.
Moet ook vir geen oomblik dink dit is net
mans wat hul staal mag wys nie; vroue-gholfers
wys ook jaar na jaar vir die manne waar
Dawid nou eintlik die wit balletjies begrawe
het.
Die sukses van die dag kan grootliks
toegeskryf word aan die goeie spangees
en samewerking tussen die skool, organiseerders,
ouers en borge. Die skool lê alle belange-groepe
besonder na aan die hart en dit
is met dié gees van welwillendheid, dat daar
jaarliks ’n vol veld gelok word. Dié prestasie
spreek vanself en dra daartoe by dat die
gholfdag klokslag ’n reuse sukses is.
Ten spyte van ’n vol baan, vloei die spel, want
die onderwysers is flink op hul poste as bekwame
baanbeamptes.
Word deel van die Tjokkie-gholfdag; word
deel van die Tjokkie-gees.
“For this child I prayed and the Lord has
granted the desires of my heart” - 1 Samuel
1:27. Op 31 Maart 2021 vier Juffrou Ané nie net
haar verjaarsdag nie maar sy en haar man HP
verwelkom ’n gesonde baba seuntjie.
Juffrou Ané beskryf mamma-wees as “ek
wou nog altyd ’n mamma wees en nou dat
ek een is besef ek dit is een van die grootste
geskenke van Bo.” Juffrou Ané en HP, mag
hierdie seuntjie vir julle net vreugde en geluk
bring!
Adriaan, ons wense vir jou is dat jy die geloof
mag hê van Abraham, die gehoorsaamheid
van Noag, die passie van Dawid en die krag
van Simson. Mag jy die wysheid hê van Salomo,
vreesloos wees soos Daniël, reguit soos
Stefanus en vol vergifnis soos Josef.
Welkom in die wêreld Abraham Adriaan Otto
KLEUTERS
11
Henriëtte du Toit
Woelwaters oor die wenstreep
Danél Coetzer
Het jy geweet dat om wettiglik op die pad
te wees, jy ’n lisensie nodig het? Indien jy nie
geweet het nie, kan jy gerus vir ons graad
R-maats vra.
Die dag op die parkeerterrein het begin met
laggende-gillende lyfies, gereed met lisensies
en al, om ’n beurt met ’n kaskar te kry.
“Hoe werk die kar juffrou?” of “ek kan nog
nie bestuur nie juffrou,” is wat ons by die
kleuters gehoor het, maar sommer gou-gou
het die opgewondenheid oorgeneem en
jaag hulle oor die wenstreep!
Aanmoediging was daar ook genoeg en
uitgeput is daar later, in mamma of pappa
se regte kar, al aan die slaap geraak op pad
huis toe ...
Vrolike laggende gesiggies is wat ons juffrouens
se harte sommer warm maak, daarom
doen ons sulke dinge soos kaskar ry, hier
by Tjokkies!
As kind het ek dit net as ’n ouderlingspilletjie
geken, wat jy op ’n Sondag in die kerk gekry
het om stil te sit en nie te vroetel nie, maar
nou het dit ’n heel ander betekenis!
As ’n juffrou het ek gou geleer dat jy ’n
troosmiddel nodig het om ’n seer hart weer
heel te maak, ’n stukkende toon of knie se
pyn dadelik weg te neem, selfs vir ’n tandjie
wat die tandemuis kom haal het of ’n onheilspellende
gil, wat skielik vanaf die speelgrond
kom.
Daardie soort gil wat ’n juffrou se adrenalien
die hoogtes laat inskiet, alles neergooi en
hardloop in die rigting van die gil. Net een
“klein” pienk pilletjie om ’n “groot” wond gou
te kan herstel.
As ’n mamma weet ek dit is nie altyd maklik
om ’n klein lyfie te kry dat hy fluks help
skoonmaak, takies verrig of gou ’n gunsie
doen nie. Want, maar, hoekom? Ek sal nou!
En daardie nou gebeur nooit!
Nie by Tjokkies nie. Hier kan juffrou alles
regkry en enigiets vra vir net EEN PIENK
PILLETJIE!
Speel is nie kinderspeletjies
René Greyling
Kinders speel nie meer genoeg aktief buite
nie, wat veroorsaak dat kinders sukkel om
stil te sit en te konsentreer wanneer dit van
hul verwag word. Dit kan ook daartoe lei
dat kinders maklik gefrustreerd of angstig
raak of sukkel met motoriese en sosiale
vaardighede.
Daarom is dit hier by Tjokkies vir ons baie
belangrik dat ons Graad R-kleuters speeltyd
het. Ons het ’n wonderlike speelgrond,
perfek ontwerp om klein lyfies se sensoriese,
emosionele, sosiale en intellektuele
vaardighede te ontwikkel.
Spontane buitespel verskaf aan ons kleuters
groot genot en is in vandag se tyd
selfs van groter waarde vir normale ontwikkeling.
So word sterk, gesonde kindertjies
gekweek.
Met die konkrete leerwerk in die klaskamer
wat aanvullend hiertoe is, is dit ons doelstelling
om kinders wat gereed is na Graad
1 toe te stuur.
Speel is nie kinderspeletjies nie, dis harde
werk!
KLEUTERS
12
Lekker-lag en lekker-kuier by die lekker
ken-mekaar piekniek!
René Greyling
Nadat President Ramaphosa ’n aankondiging
gemaak het wat toegelaat het dat
meer mense by opelug funksies toegelaat
word, het die skool dadelik begin beplan
aan ons Ken-mekaar Piekniekaand wat op
15 April plaasgevind het. Hierdie is altyd een
van die jaarlikse hoogtepunte van die eerste
kwartaal op die Tjokkies kalender!
Die dag van die Piekniek het uiteindelik
aangebreek en dit het behoorlik gegons op
die stoepe van opgewondenheid. Juffrou
moes aanhoor van elke gesin se reëlings vir
die dag, wat alles nog ingepak moes word
en natuurlik wat beplan word op die spyskaart
vir elkeen se piekniekmandjie! Die weer
het ook lieflik saamgespeel en vanaf die
eerste aankomelinge vir die aand, het daar
’n ontspanne atmosfeer geheers wat gevul
was met geselsies, lag en natuurlik ’n braaivleis
reuk. Die “naaste-aan-die-pen” speletjie
het vir baie pret gesorg en toe dit te
donker raak hiervoor, was die “glowsticks”
om kindervoetjies en armpies oral te sien.
Daar is darem ook lekker nagereg verskaf.
Die kinders het ’n lekker roomys-bederfie
gekry en ouers kon ’n koppie tee of cappuccino
en koeksisters geniet. Die aand was
verseker ’n reuse sukses!
Na ’n jaar van min bymekaarkomste was dit
duidelik dat kleuters, ouers en juffrouens
die behoefte gehad het om net weer op ’n
ontspanne manier kontak met mekaar te
maak. Tussen die eet, gesels en lag van die
ken-mekaar aand is nuwe bande tussen gesinne
gebou en so raak ons geliefde Tjokkie-familie
elke jaar groter!
Bly kalm en trou
met ’n kleuterskooljuffrou
Leandré van Deventer
Van glimlagte tot gelukkige trane, van bokke wat
blêr tot voëltjies wat sing, om dit ’n sprokiestroue
te noem is ’n “understatement”. Pienk, pers, wit
en blou, ja, groen, Juffrou Blanche het met ’n
groen koets of liewer ’n groen trekker arriveer op
haar eie liefdesfees. Nes ons almal mos vir Juffrou
Blanche ken wil sy iets altyd anders doen.
Juffrou Blanche het saam met haar naaste
vriende en familie en natuurlik die man van haar
drome, op 16 Januarie die knoop deurgehaak,
soos die ou gesegde sê. So het haar nuwe begin
saam met ’n klomp bokke, voëls en kinders op
daardie spesiale dag begin, presies waar sy wil
wees.
Weereens baie geluk aan Juffrou Blanche en
Henk Truter met julle huweliksdag. Ons wens vir
julle net alles van die beste toe.
Groot motoriese vaardighede =
groot pret vir die hele familie!
Blanche Botha
Hier volg 12 lekker aktiwiteite om met kleutertjies te doen en woelige lyfies besig te hou en te versterk. Dit sal pret en plesier, herinneringe
en lag vir die hele familie verskaf!
Teken ’n “hopscotch” patroon op die plaveisel. Die
kleutertjie kan sommer elke dag op dit spring en
speel. As jy nie bordkryt het nie, kan ’n ou koekie
seep ook net so goed werk!
Gebruik dieselfde bogenoemde patrone
(oefening 2) om oorkruis oor die lyne te loop.
Kruiwa stoot is ’n baie lekker aktiwiteit. Dit
ontwikkel onder andere koördinasie, skouerstabiliteit
en versterk die ruggraat. Hou eers die
kleutertjie aan die bobeentjies vas en soos hulle
vaardighede verbeter kan jy hulle later aan die
enkeltjies vashou.
Vliegtuig lê! Die kleuter lê op sy/haar maag,
arms wyd uitgestrek en dan lig hulle hulle arms
en bene op dat net hulle magie die grond raak,
hou dit vir ’n paar sekondes en ontspan. Doen
dit so paar keer na mekaar, dit is aanvanklik vir
hulle baie moeilik.
✈
1 2 3
1 2 3
SPORT
SPORT