Kamp is Lekker Augustus 2018 Tydskrif

Augustus 2018
Wen 'n Weskus vakansie ter waarde R10 000
KAMP
Kiekies
HIER word stories gebou
Krag-opsies
wanneer jy kamp
UITGAWE NO. O8

A N D R I N G H A M F A R M ,
S
T E L L E N B O S C H
S
26 – 28OCTOBER , 2018
Koop jou toegangs-kaartjies na die
Kaapse Vakansieskou "aanlyn"
en staan 'n kans om 'n Weskus vakansie te wen ter
waarde van R10 000 geborg deur:
West Coast Way SA

We are a Family owned
Travel Agency that
Specializes in booking
accommodation and
camping sites, also
providing extended travel
documents with necessary
GPS Coordinates for Self
Drive Safaris in known,
remote and pristine areas of
Botswana, Namibia,
Zimbabwe and Zambia.
We pride ourselves on
Excellent Service and also
try to make each safari the
experience and memory of
a lifetime.
Our Clients are not just
another number, they
always return to book
another Self Drive safari
with us!
If you are Interested in something different and exciting, then
visit us @ www.allroundsafaris.com or send an email to
allroundsafaris@lantic.net and we will gladly provide you with
exciting itineraries and great deals!

Krag-opsies
wanneer jy
kamp
– Kort weergawe:
• Die meerderheid van kampers wat ‘n
vrieskas het, het ‘n 12V kompressor vrieskas.
• Die meerderheid van kampers wat ‘n 12V
kompressor vrieskas het, het ‘n 2de battery
sowel as ‘n “battery management” stelsel (die
solenoïde-skakelaar stelsels is baie gewild en
betroubaar, my gevoel is dat die “voltage
booster” stelsels alhoewel aansienlik duurder,
‘n groot rol in die mark begin speel omdat dit
jou 2de battery voller laai as ‘n solenoïde
stelsel en baie keer ‘n sonpaneel kan
akkommodeer)
• As my begroting klein is, sal ek’n “High
Cycle” battery installeer met ‘n Solenoïde
stelsel.
• ‘n Klein hoeveelheid van kampers gebruik ‘n
sonpaneel saam met hulle battery stelsel, dit
kom tot sy reg wanneer jy lank op een plek
staan waar daar nie 220V krag beskikbaar is
nie en die risiko daar is dat jou 2de battery
pap gaan raak.
• Jy wil dit vermei dat jou 2de battery se
potensiaal (Volts) tot onder 10.5V val, want
dis waar die skade gebeur. ‘n “Deep Cycle”
battery is meer gehard teen sulke skade as ‘n
“High Cycle” battery.
• ‘n 2de battery sal tipies ‘n kompressor
vrieskas kan aandryf vir 36 uur, en dit neem
jou voertuig se alternator so 6 ure om dit weer
vol te laai.
• ‘n 2de battery behoort 5 jaar+ te hou.
• Baie min kampers gebruik ‘n krag-opwekker

Lang weergawe:
40 jaar gelede het baie kamp-families ‘n gasvrieskas en ‘n gaslamp gehad. Elektrisiteit was
vir die kassetspeler radio en dalk die sigaret-aansteker. Flitse het een grootte battery gevat,
‘n flou liggie gemaak en bewaar jou siel as jy Pa se flits 5 sekondes langer as nodig laat
brand. Dit het so ‘n groot impak op ons gehad dat almal bo 40 vandag weet wat ‘n
flitsbattery is, min van ons weet dis eintlik ‘n “D” battery.
Deesdae is daar soveel elektries-afhanklike items wat ons saamvat op ‘n kamp (tablets,
selfone, kameras, ekstra ligte, GPS, Laptops), dat die meeste kampers op een of ander
stadium begin kyk na ekstra elektrisiteit/krag-opsies.
Die standaard voertuig verskaf 12VDC krag
wat voldoende behoort te wees vir al die
bogenoemde, want jy kan vir almal van die
items 12V laaiers aanskaf en hulle is baie lig
op krag.
Maar jou volgende kopie is waarskynlik ‘n
vrieskas, en hier begin dit interessant te
raak, want jy gaan ekstra krag nodig hê.
Vir water ander elektriese/elektroniese
toerusting gaan jy voorsiening moet/wil
maak in die volgende 5 jaar?
Wanneer die kampgogga jou byt dat jy
knoppe oral uitslaan, gaan jy, voordat jy jou
oë kan uitvee, ‘n watertenk met ‘n elektriese
pomp hê, sowel as ‘n 2-rigting radio. En jy
gaan ‘n kompressor bykry vir die wiele
opblaas, en as julle so rof raak dat selfs jou
vrou hardebaard kry, dan gaan julle ‘n winch
ook kry.
Wanneer jy egter ‘n winch en ‘n
kompressor
gebruik, skakel die kar aan sodat die
kragvoorsiening van die alternator af kom,
so ‘n mens hoef nie voorsiening vir
kragverbruik vir die 2 items te maak nie.
Maar ek kan mos ‘n gasvrieskas koop –
Ja, jy kan. Indien jy nomadiese tipe toere
oorweeg, is dit beter om te kyk na ‘n 12V
Kompressor vrieskies. In die Maart 2018
uitgawe is ‘n artikel oor vrieskasoorwegings:
http://www.lekkerkampplekke.co.za/kampis-lekker-tydskrif-maart-2018/
In kort, die hoofrede vir ‘n 2de battery, is om
jou kompressorvrieskas mee aan te dryf. Jy
kan wel ‘n vrieskas vir kort tydjies aan jou
karbattery koppel, maar dit gaan jou
karbattery vinnig paptrek, en jy mag dalk
sukkel om jou kar aan te skakel, so dit is ‘n
risiko.

Watter krag-opsies is daar vir kampeerders?
Uit ‘n krag-oogpunt, kan jy jou voertuig inrig vir 4 moontlike krag-scenarios, en mense
kombineer partymaal twee, drie of sommer almal van hulle:
1. Kry ‘n ekstra battery en ‘n “battery management” stelsel
2. Kry ‘n sonpaneel
3. Kry ‘n krag-opwekker (generator)
4. Gaan kamp slegs by plekke wat 220V krag het, soos by die huis.
5. Alles in 1
Die ekstra battery, dit gaan hand aan hand met ‘n “battery management” stelsel
Daar is 2 drasties verskillende
kragverbruike in ‘n kampvoertuig:
• Die battery waarmee jou kar uitkom
(hoofbattery), se hoofdoel is om die enjin aan
te skakel. Om ‘n enjin aan te skakel vat baie
energie oor ‘n 2 sekonde kort tydperk, en die
battery word onmiddellik weer herlaai
wanneer die kar luier (die battery se
potensiaal (Volts) val nie baie nie, die laaisiklusse
is baie – ‘n battery met dun loodplate
hanteer hierdie omstandighede goed).
• Relatief gesproke tot ‘n enjin, gebruik ‘n
kampvrieskas min energie, maar vir ‘n lang
tydperk, en die tydperk tussen die ekstra
battery (2de battery) se herlaai-siklusse kan
24h of meer wees. (die potensiaal (Volts) kan
baie val, die laai-siklusse is min – ‘n battery
met dik lood-plate hanteer hierdie
omstandighede goed)
Batterye word spesifiek ontwerp vir hierdie
verskillende kragverbruike, en as ‘n mens ‘n
battery gereeld vir die verkeerde kragverbruik
gebruik, verkort jy die battery se lewe
aansienlik.
So bly by jou vervaardiger se aanbeveling vir
‘n hoofbattery. Vir ‘n 2de battery, kies ‘n “high
cycle” (dikker lood-plate) of “deep cycle”
(dikste lood-plate) battery. Hoe dikker die
loodplate, hoe laer kan die battery se
potensiaal (Volts) val voordat die battery
loodplate noemenswaardige skade begin kry.
Die meeste kampvrieskaste het ‘n
potensiaal-sensor om die battery te beskerm,
wat die vrieskas laat afskakel wanneer die
battery-potensiaal geval het tot by 10.5V.
Om die beste uit ‘n 2de battery te kry:
• Probeer dit vermei om jou battery-potensiaal tot onder 10.5V te laat val
• Maak ‘n punt daarvan om jou battery-pole skoon te maak en jou konneksies deur te
gaan so een keer ‘n jaar, om te verseker dat jou battery so vol as moontlik gelaai kan
word deur jou “battery management” stelsel.
Ons praat volgende maand verder oor wat doen ‘n
“battery management” stelsel vir jou hoof- en 2de battery?

15%
KLIK
Afslag op enige produkte
wat jy by Mapstudio
aankoop. Gebruik kode:
" kamp "

KAMEELBOOM LODGE
Vryburg 7km Noordwes
OORSIG
Kamp Staanplekke 20
Persone Per Staanplek 4
Troeteldiervriendelik Vooraf reëling
Visvang Nee
Swemplek Kouewater swembad
Grondbedeking Gras/grond
Skaduwee Ja
Toeganklikheid Grondpad
Selfoon Ontvangs Ja
Kontak persoon Gerhard
Kontak nommer 060 6826804
lodgekameelboom@gmail.com
BESKRYWING
As jy hou van ontspan en
die plaas gevoel wil hê, is
die plek net vir jou. Dit is ‘n
tikkie van die gister en
vandag gemeng om jou egte
nostalgie te ervaar. Die
plekkie is ‘n regte oase in
die dor Kalahari,
Springbokke speel rond op
die grond en selfs hoenders
en ganse baljaar .

K L I K
MOBIELE Kampkroeg
Die kroeg kan opvou en aan enige platform
heg soos jou bakkie, karavaan of 'n muur
teen die huis. Dit vou op en weeg skaars
3kg en vat tot 6 glase, shooters,
drankbottels, 'n ys cooler, tafel,
botteloopmaker en baie meer.
E-pos info@letsgohunting.co.za
of whatsapp 0721413158.

ODE AAN ‘N BROUSELTJIE (Deel 2)
Nou moet ek versigtig wees, want daar is
immers teedrinkers in die lewe ook… En met
reg, want tee opsigselwers is ook ‘n
wetenskap op sy eie! Helaas, ‘n goeie, regte, lekker koffie
op sy tyd is darem maar net in sy eie klas.
Mens sal verbaas wees in hoeveel vorme ‘n brouseltjie
beskikbaar is. Ek dink met ‘n glimlag aan die advertensie op
die kassie van: “I love it when you talk fôrren…” met so
regte lekker Afrikaanse aksent. Wimpy-koffie se
advertensie! Onthou julle hom? Dis presies waaroor dit
gaan: verskillende brousels vir verskillende smake, en
elkeen goed, in sy eie reg! Verder is daar ‘n redelike klompie
faktore om in ag te neem wat die smaak grotendeels kan
beïnvloed.
1. OPPAS VIR BRAND:
Om die smaak uit die boon te kry, moet dit eers
gerooster word. Dit klink na ‘n eenvoudige proses.
Dit is nie! Alles behalwe, want sonder om te diep in
die tegniese aspek van die roosterproses te gaan is
dit nodig om te weet dat die koffiebone- soos met
enige gereg, soos elke goeie cheff sal weet – ook rou
kan wees of dit kan brand, en dit kan binne sekondes
gebeur as jy nie jou oog – en hand – op die proses
hou nie. Dis ‘n komplekse kombinasie van
temperatuur en tyd. In kort en maklik gestel: Om die
bone te rooster word dit in warmgemaakte drom
geplaas wat roteer, amper soos in ‘n tuimeldroër.
Die drom word met gasbranders gewoonlik
voorverhit enigiets van ± 240°C tot 260°C en die
bone word dan vir rowweg 15 minute gerooster
terwyl die temperatuur weer afgebring word na
omtrent 150°C. Afhangende van die kombinasie van
tyd en temperatuur kan die resultaat wees van lig tot
baie donker geroosterde bone, en elke fase of kleur
het ‘n totale ander smaak tot gevolg.
Sommige mense verkies ligter of medium
geroosterde bone, en ander weer hou van die vol
geur van diep, donker geroosterde koffie.
2. VOEL-VOEL SO…
Die tweede faktor wat ons moet in ag neem is hoe
grof of hoe fyn die bone gemaal is. Vryf letterlik die
gemaalde koffiekrummels tussen jou
duim en vingers. Dit word gemaal van
redelik grof – en voel amper iets soos
growwe seesout, sand vir medium, en
fyn suiker vir ‘n fyn maal. Hoe
growwer die krummels of poeier
gemaal is, hoe langer moet dit natuurlik gebrou
word om die koffie te onttrek. Fyner koffie word vir
die sterker brousels gemaal, soos Espresso
byvoorbeeld. Dit hang natuurlik alles af van hoe die
koffie voorberei word, of tewel met watter proses of
instrument dit gebrou word. Die kombinasie van die
voorbereidingsproses en die grofheid van die poeier
bepaal hoe sterk jy hom gaan kry… Die volgende
diagram is insiggewend wat die maalproses en
krummelgrootte en die kombinasies hiervan beref:
Grof Medium Medium Meduim Fyn Ekstra
Grof Fyn Fyn
(Espresso)
Foto: https://21queenst.com/blogs/beyond-the-brew/grind-size-reference.
Growwer gemaalde koffie moet gewoonlik langer gebrou word om die
koffie uit die bone te onttrek, as wat fyner poeier gebrou moet word.
Growwe koffiekrummels word sal byvoorbeeld 4 tot 8 minute neem, en
fyn poeier enigiets van 1 tot 4 minute vir ‘n effektiewe brousel.
Die kombinasie van
tydsduur en
temperatuur bepaal
die kleur en geur
van die koffiebone.
Kaneel Ligbruim Medium Vol Donker Frans Italiaans Gebrand
Foto: https://www.caffesociety.co.uk/coffee-roasting

3. ‘n POT vir ‘n PRUT
Derdens is dit belangrik om te verstaan dat daar vele
maniere bestaan om koffie te prut of te brou. Elkeen
verskil van die ander, maar die resultaat bly
dieselfde: om die koffie en kafeïne uit die bone te
onttrek. Daar bestaan selfs ‘n koue onttrekkingsproses,
en dit neem ook die langste (gewoonlik
oornag) om die koffie voor te berei met behulp van
díe metode. Elke metode verlang ook ‘n spesifiek
gemaalde krummel- of poeier grootte. Drupmetodes
het growwer koffie nodig, en druk-metodes
verlang gewoonlik fyn koffie. Hoe lig of donker die
bone gerooster is, en wat elkeen verkies, wissel van
persoon tot persoon.
Kom ek verduidelik my gunsteling manier: (ek het
onlangs uitgevind dit het ‘n “fôrren” naam ook…)
In ‘n gewone beker (nie ‘n Espresso-koppie nie), ‘n
dubbel espresso met kookmelk appart. Die idee is
dat jy self besluit hoeveel melk jy byvoeg.
Gewoonlik is dit twee dele espresso (‘n dubbel) met
een deel kookmelk. As ek koffie bestel wil ek koffie
hê, en nie melkskuim nie – met respek aan die
“Cuppuccino”- drinkers! Hierdie metode hoe ek dit
verkies, is perfek hiervoor, want mens kry geen
skuim in jou koffie nie. Dit word ‘n “Café Noisette”
genoem. En dis LekkerKoffie!
Kyk na die volgende diagram wat jou baie help om
jou koffie in ‘n ander taal te kan bestel. Praat ‘n
bietjie fôrren met die mense!
5. KIES ‘n KOPPIE
Foto: https://www.behance.net/gallery/29796737/Coffe-brewing-methods-Icons-set
Soos mens deur die inligting lees, kom jy agter dat dit nie
sommer net vir “koffiedrink” is nie. Daar is so baie faktore
en metodes en prosedures wat alles die geur van een van die
wêreld se geliefde troos-drankies beïnvloed, en dis presies
hoekom ek sê ons brousels is ‘n ode verskuldig.
4. KOM ONS PRAAT “FÔRREN”…
Iemand het my ‘n klompie jare gelede voorgestel
aan ‘n brouseltjie by ‘n koffiewinkel, en vandat ek
dit geproe het, is ek van harte oortuig dat dit die
lekkerste manier is om jou koffie te bestel as jy self
‘n keuse het. Behalwe vir die verskillende maniere
hoe die koffie gemaak word met die verskillende
“koffiepotte”, kan jy dit in baie maniere bestel ook.
Foto: http://www.jaymug.com/post/11408322926/espresso-field-guide
Ten slotte: Volgende keer as jy diep en
tevrede teug aan jou beker troos, laat jou
gedagtes gaan oor al die dinge wat jy nou
weet. Koffie kom ‘n vêr pad, en dis nie sommer net vir kook
gou die water en skink nie… Besing in jou stilligheid maar
jou ode aan jou brouseltjie in jou hand! Hy verdien dit!
Lank lewe die koffieboon!
Bronne:
https://www.batdorfcoffee.com/learn/choosing-the-right-grind-for-your-brewer.html

Lamstjops in
joghurtmarinade
Lamstjops in joghurtmarinade
8 dikribtjops, 20 mm dik (rib-,lende-,of kruistjops ka nook gebruik word)
Joghurtmarinade:
250 ml natuurlike joghurt
15 ml suurlemoensap of asyn
50 ml lemoensap
15 ml varsgekapte (of 5 ml gedroogde) kruisement
15 ml varsgekapte (of 5 ml gedroogde) dragon
5 ml sout
varsgemaalde swartpeper
Metode:
Sny vetkante van die tjops in.
KLIK
Meng bestanddele vir marinade en mariner die tjops vir sowat 4 uur.
Draai die jtops een keer om.
Rooster die tjops oor matige kole en bedruip dikwels met marinade.
[4 porsies]

Beskikbaar by www.lekkerkampplekke.co.za

GEHEIME WORD
ONTSLUIT
DEUR
MAKRO-
FOTGRAFIE
PIERRE LABUSCHAGNE praat die maand met ons
oor hierdie besonderse afdeling van fotografie
wat so dikwels afgeskeep word, bloot net omdat
ons nog nie geleer het om kleiner te kyk en te dink,
as bloot net die sigbare wêreld waaraan ons so
gewoond is nie.
Leer om te kyk!
Buk af en gaan grond-toe!
Trap en stap versigtiger!
Moenie haastig wees nie!
“Size does matter…”
Woorde en foto’s deur Pierre Labuschagne
LEER OM TE KYK!
Ons raak té gou té gewoond aan dinge rondom ons, en in die proses verleer ons
om te kyk! Anders gestel: Ons kyk, maar ons sien nie raak nie! Makro-fotografie
leer jou om weer te begin kyk na goed rondom jou wat net as vanselfsprekend
aanvaar word! Met my makro-lens dwing ek myself om meer oplettend te wees
oor wat rondom my gebeur in die mikro-kosmos rondom ons. Daar is net te veel
voorbeelde om te begin opnoem oor wat regtig oral om ons gebeur! Ek moes met
‘n skok besef hoeveel ek mis, en ek moes leer om weer te kyk!
Makro-fotografie is nie maklik nie. Dis ‘n gespesialiseerde afdeling daarvan, en
heel dikwels het mens gespesialiseerde toerusting nodig. Makro-lense is ook nie
goedkoop nie, en dit maak dit minder toeganklik vir die algemene publiek en self
vir amateurfotograwe. Tog is daar ‘n nuwe wêreld versteek in die miniatuur
kosmos rondom ons. Leer om weer die klein goedjies te begin raaksien, en jy sal
verstom staan oor wat daar alles te siene is…
BUK AF GROND-TOE!
Heel dikwels is die wêreld van makro-fotografie baie na aan die grond. Dit vra van
die fotograaf om laag te buk en te buig en om af te gaan tot op grondvlak –
letterlik! Insekte kan klim en klouter tussen die takke, en jy kan hulle raaksien op
oog-hoogte, maar sommige sampioene en varings is piepklein en groei net op die
grond – veral op verottende plantmateriaal, dieremis of reeds bestaande
kompos. Dis hoekom ons hulle so maklik miskyk. Baie van hulle is net te klein en
te laag.
Hoeveel keer stap
ons verby blare
wat ‘n paar
druppels op het na
‘n reënbui. Sonder
om te besef wat
ons mis, kan dit ‘n
pragtige makrofoto
inhou!

Hierdie
sampioentjie op
die grond was
skaars 5mm hoog,
en ek sou dit
heeltemal miskyk
as ek nie spesifiek
na goedjies gesoek
het vir my makrolens
nie!
Wat ‘n juweeltjie!
NEEM JOU TYD!
Die prys is groot vir die geduldiges! Insekte en diertjies is skrikkerig vir groot en
gevaarlike goed wat vibrasies en skaduwees maak. Dis potensiële bedreigings,
en hulle sal maklik op die vlug slaan of wegkruip as hulle bedreig voel. In die bos
of in die veld kan jy maar rustig gaan sit en wag vir die bewegings om jou om te
begin gebeur. Sodra die diertjies nie meer bedreig voel nie, sal hulle normaal
voortgaan met hulle dagtaak, en jy kan skiet na hartelus!
TRAP VERSIGTIG!
Baie diertjies en plantjies is so klein dat jy nie eers gaan
agterkom dat jy dit stukkend of dood trap nie. Wees
baie bedagsaam dat jy nie skade maak as jy
onoplettend in die bos of veld stap nie. Dis nie moeilik
om ‘n rykdom van lewe onder jou voete te mis, of te
vernietig nie!
Toe díe Bloukoppie
begin gemaklik en
rustig raak met my
teenwoordigheid,
het hy my begin
toelaat om
omtrent tot
teenaan hom te
kom met die lens!
KLEIN KAN GROOT WEES!
Ons maak ‘n fout om te dink kleur en “mooi” is
net beskore vir die groot en gevaarlik. Of ons is
opsoek na die “Groot-5”! Olifante, Leeus… Ons
soek en bewaar Renosters – wat reg is, maar ons
bedreig eweveel die habitat van skoenlappers
en skaars fynbos. So baie mis ons dit, en onder
ons voete is daar ‘n wêreld van kleur en lewe wat
jy net gaan sien as jy stop, afbuk en begin soek
daarvoor. Doen jouself die guns!

K L I K

SANDGAT
7 km buite Vanderkloofdam Noord-Kaap
OORSIG
Kamp Staanplekke 50
Persone Per Staanplek 4
Troeteldiervriendelik Ja
Visvang Ja – rivier
Swemplek Kouewater swembad
Grondbedeking Gras
Skaduwee Ja
Toeganklikheid Grondpad
Selfoon Ontvangs Ja
Kontak persoon Liza Bredenkamp
Kontak nommer 0842001164
liza@sandgat.co.za
Sandgat is n privaat kampeer
oord op die oewer van die
Oranjerivier, reg onder die
Vanderkloofdam. As jy na ‘n
baie skoon en netjiese
kampplek soek naby
Vanderkloofdam, oorweeg
gerus Die Sandgat. Die
Sandgat is gelee net so paar
kilometer na die damwal af teen
die Oranjerivier en bied kamp
geriewe vir karavane en tente.
BESKRYWING

KAMP
PROMOSIE
Leisure Bay., KwaZulu-Natal
LANGNAWEEK KAMP PROMOSIE
21-24 SEPTEMBER 2018
Bespreek nou jou Braai-langnaweek by TO Strand.Ons gaan
straatbraai soos in die ou dae met ons vriende, James & Andre
gaan ons laat dans en sing soos nooit van tevore nie.Vir die
jongspan gaan daar 'n woelige avontuurprogram wees soos
kayak in die see, zipline, surf-lesse, paintball en boogskiet. Gratis
vir die jongklomp.Bespreek nou jou staanplek vir slegs R1000 vir
3 nagte vir 6 persone en die Tamaai Straatbraai.
BESPREEK: T: 039 319 2729 of bookings@tostrand.net

Het jy 'n storie wat jy met ons wil deel?
Stuur jou storie na
tydskrif@lekkerkampplekke.co.za
Kamp Paklys
Gratis
Toep
P a g e V i e w s 3 , 0 4 9 , 5 9 8 o o r
2 0 0 4 0 0
1 4 7 0 0 f o l l
2 5 0 0 0 D o w n l o a d s
1 6 1 2 3 V i e w s
1 2 m d e t y d p e r k
L i k e s
o w e r s
a a n l y n t y d s k r i f
W e b b l a d g e b r u i k e r s 4 8 8 , 7 0 1
9 1 % v a n o n s g e b r u i k e r s e n L e d e w o o n i n S u i d - A f r k a
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.