Kamp is Lekker Julie 2018 Tydskrif

HIER word stories gebou
D I E T Y D S K R I F V I R K A M P E R S
Kamp
K i e k i e s
Lekker Kampplekke
se fotograwe
Woonwa
Deel 2
wenke
Kamper 2+2
gaan waar
jy gaan
Leeuloop in
Mabuaschube
ENNERS
UITGAWE NO. O7

Cape Holiday
Show
26 – 28OCTOBER , 2018
S A N D R I N G H A M F A R M ,
S T E L L E N B O S C H
Aside from over 200 exhibitors offering a range
of outdoor kit, vehicles and unique holiday
destinations, there is a Craft & Cuisine
marquee, a Kiddie Activity Centre, more
interactive activities for adults – and even live
music to add to the festivities.The word is that
the top 10 Foodtrucks in the country will also
be there to serve up delights and aside from
activities such as clay pigeon shooting.
Says Organisor Kevin Kennedy:
“The show offers an inspiring array of
must-haves for the outdoors
enthusiast: caravans, camper vans
and all the gadgets and gizmos
imaginable to elevate old-school
camping trips into a luxurious lifestyle
choice.
“We will also have travel specialists to
inspire unique getaways from whiteknuckled
adventure to “Glamping”
destinations.”
Partners in the Cape Holiday Show
include radio stations, media and
camping and tourism agencies.
Contact: Kevin Kennedy
kevin@capeholidayshow.co.za
Cell. 082 553 3041
T
he joy of entering into the 4x4 world is that
your pleasure is guaranteed to multiply
exponentially – specially when you discover
the infinite dimensions of aftermarket 4WD
accessories and camping gear.
And serving as the portal into this exciting
journey of discovery is 4x4 Mega World – the
world’s largest seller of ARB products
outside of Australia; and the first privatelyowned
company to get multiple vehicle
manufacturer approval for aftermarket
accessories and parts.
Great news for visitors to this year’s Cape
Holiday Show in Stellenbosch in October is
that 4x4 Mega World will be there in full force
with a showcase of accessorised vehicles to
inspire and a vast varied range of vehicle
accessories and camping gear to make
grown men go weak at the knees.Says 4x4
Mega World’s General Manager, Kurt
Brunner: “We may have 26 outlets
countrywide – and of course you can shop
online through our website – but you will
want to be at the Cape Holiday Show to
benefit from the mega specials on all sorts of
products. Nothing beats a real 4x4
experience.”
Brunner says the reason for the company’s
success of the years and its ongoing
reinvention is because every employee is
driven by a passion and “lives” for the world
of 4x4s and all that goes with it.
So, if you are looking for expert input, be
sure to meet up with these guys at the Cape
Holiday Show
Before then, explore their website at
www.4x4megaworld.co.za and consider
joining their online Off-Road Club.
Be sure to
Book Now

Kamp koffie met houding
WENNER
IS . . .
KLIK
hier

KAMPKIEKIES
LekkerKampplekke se Fotograwe
Pierre Labuschagne
stel homsel bekend
die maand met die Visrivier Canyon
“Die Suide van Namibië lê my baie na aan die hart! Die
hele Karas-streek is vir my besonders, en dis seker een
van die mees fotogeniese plekke op aarde! En dis een van
daai plekke waar jy vir ‘n oomblik kan gaan stilstaan, en
jy dan jou eie hart kan hoor klop, so stil is dit!”
Die Visrivier Canyon is sekerlik een van Namibië se
grootste ikone. Dis die tweede grootste skeurvallei in die
wêreld, naas die Grand Canyon in Arizona, en is daarom
waarskynlik op menigde toeris se afmerklysie as ‘n
besoekpunt. Dis voorwaar iets om te beleef, en as jy nog
nie ‘n draai daar gemaak het nie, doen dit!

Ai-ais is sinoniem met die
Visriviercanyon, want dis naby
en dis die stoppunt vir die
Visrivier staproete. Baie mense
maak hiervan ‘n stopplek of ‘n
oornagplek, en selfs ‘n vakansiedestinasie.
Ry hiervandaan met
die C37/D324 na Hobas, en jy is
op een van Namibië se juweelpaaie!
Ry stadig – baie stadig,
want dis prentjiemooi net waar jy
kyk!
Soms is mens so gefokus op die
welbekende dat jy van die kleiner,
weggesteekte plekkies miskyk!
Hobas is een hiervan! Dis ‘n heerlike
kampplek in die koelte met ‘n
swebmadjie en pragtige, nuut
opgeknapte ablusiegeriewe! Toeriste
moet hier verby as jy by die Canyon
wil kom, maar as ‘n kampplek is dit ‘n
veel onderskatte destinasie!
Die voordeel daarvan
om by Hobas te kamp,
is dat jy nie teen sonsak
uit die reservaat hoef te
wees nie, en daarom
kan jy verseker wees
van asembenewelende
sonsondergange! Pak
vir jou ‘n mandjie, of ‘n
“koue enetjie”, en gaan
beleef een van die
natuur se mees
aanskoulike wonders
met die goue uur van
die dag!
As die Suide van Namibië deel uitmaak van jou reisplanne, of LekkerKampplekke, gaan boek verseker vir ‘n dag of twee in by
Hobas! Dis ‘n kwart van die prys van Ai-Ais, en dis ‘n belewenis wat jy in jou kampdagboek (en foto-album) nog vele kere na
toe sal terugkom! Hobas as ‘n LekkerKampplek is ‘n moet! – Pierre Labuschagne

We are a Family owned
Travel Agency that
Specializes in booking
accommodation and
camping sites, also
providing extended travel
documents with necessary
GPS Coordinates for Self
Drive Safaris in known,
remote and pristine areas of
Botswana, Namibia,
Zimbabwe and Zambia.
We pride ourselves on
Excellent Service and also
try to make each safari the
experience and memory of
a lifetime.
Our Clients are not just
another number, they
always return to book
another Self Drive safari
with us!
If you are Interested in something different and exciting, then
visit us @ www.allroundsafaris.com or send an email to
allroundsafaris@lantic.net and we will gladly provide you with
exciting itineraries and great deals!

Leeuloop in Botswana
“Pa, kom gou! Leeu!”
Hardus: “Waar?”
Jaco: “Agter die bakkie!”
Ons gaan die grens oor by McCarthys Rest. By die
grenspos word al die formaliteite afgehandel. Eers
besluit hulle ons tamaties moet uit, maar dan gee hulle
toe en dit mag saam. Vol nonsens!
By Tsabong neem ons brandstof in en besoek ‘n winkel
vir ‘n paar benodigdhede en dan is ons op pad na die
park. Die pad is skaflik totdat ons die sand tref en
daarvandaan is dit klippe kou, of moet ek sê sand sluk.
Dis warm en die sand vreeslik dik en los. Ons beur
voort, ent-ent is dit net genade wat die wiele aan die
draai hou… totdat die Prado nou regtig vassteek. Die
boswa wat rem help ook nou nie juis om die saak te
verbeter nie.
Die Mabuasehube-avontuur. 30 Okt tot 3 Nov
2014
Die soektog na die koning van die diere (Leeus)
Oppad na Mabuasehube
30 Oktober Dis Donderdagmôre dou voor dag toe
ons uit Kathu vertrek na Mabuasehube in Botswana.
Ons ry met die teerpad, maar heel gou is ons op ‘n
skurwe grondpad en voel ons die stem van die
wildernis roep.
Ons stop om bande af te blaas vir die skurwe
grondpad.
Woorde & Foto’s :
Jaco sien ons dilemma en kom kyk. Hy besluit om sy
boswa af te haak en ons uit te sleep. So gesê, so
gedaan. Die sand is so warm dat dit ‘n stryd is om
staande te bly, maar sonder te veel moeite is ons uit
en daar kry Jakkals die eretitel van “Official Recovery
Vehicle for Prados”. Ons motor het sowaar gebloos,
maar daar gaan ons toe darem weer en dit sonder
enige verdere verleentheid vir bestuuder of voertuig.
By die die ingangshek na die park kry ons die nodige
formaliteite agter die rug en vat die “hop-along” pad na
ons betemming by Mpayathutlwa pan. Dit is nou 14h30
en snikheet.
Tot ons teleurstelling is daar ander mense op ons plek.
Hardus het eers gedink dat hy die staanpleknommers
verkeerd gehad het en ry na die volgende staanplek,
maar nee, dit was tog reg. Ons het intussen die mense
geïdentifiseer as ons vriende van Bosveldsig. Ons
gesels eers ‘n rukkie en verneem dat hulle vorige dag
die leeus daar by die stortuitlaat by die staanplek
gesien drink het en toe daar naby gaan lê het. Hulle
slaan toe hulle tente af en verskuif na Mabuasehube
pan waar hulle bespreek was.
Ons het gemsbokke, springbokke, volstruise en
steenbokkies langs die pad en in die pan gesien. Dis

aie droog in die Kalahari, want dis waar ons amptelik
nou is. Teen laatmiddag staan ons kamp en ons is baie
tevrede met die resultaat. Jaco se tent staan teen die
A-raam, sodat dit deel vorm van hulle stoepie.
Ons braai en ek en Cas was die skottelgoed, terwyl
Hardus en Jaco gaan stort. Hulle ry met die bakkie vir
veiligheid, maar eintlik terwille van die ligte. Dis nou
ongeveer 20h00 en Jaco staan met die kollig en rondlig
vir ogies, tewyl Hardus gaan stort. Meteens roep Jaco:
“Pa, kom gou! Leeu!” Hardus: “Waar?” Jaco: “Agter die
bakkie!” Hardus storm uit in sy geboortepakkie, swaai
die handdoek soos ‘n huladanser rond en skree: “Hiert,
hiert!” terwyl Jaco die kollig in die rondte draai dat dit
soos ‘n vuurtoring se waarskuwingslig lyk. Hardus duik
agter in die bakkie met sy nat bas, terwyl Jaco roep:
“Oupa, Leeu!” Ons spring in die Prado en ry ook
daarheen, en jou waarlik; ‘n yslike maanhaarleeu lê en
water drink by die stort se uitlaat.
Ons neem foto’s vir ‘n vale terwyl Hardus maar so stilstil
agter in die bakkie sit met die handdoek oor hom
om sy naaktheid te bedek. Agterna sou Jaco die hele
petalje met kleur en geur aan ons oorvertel. Ons het
gelê soos ons lag, maar hy het besluit om liewers vuil
te gaan slaap aangesien die leeu besluit het om
sommer sy lêplek vir die nag daar te maak.
Ons gaan later terug woonwa toe en ons stort in die
boswa, Cas eerste. Elke keer as ek die stortkraan
oopdraai maak die pomp ‘n knorgeluid en dan brul die
leeu. Ek maak die ‘logiese’ afleiding dat die leeu dink
ek terg hom en besluit om nie te stort nie en vang net
‘n vinnige was en afspoel met die stort.
“Die leeu het die hele nag daar gelê en gebrul sodat al
wat leef en beef daarvan moes kennis neem. Daar het
later in die nag nog 2 of 3 leeus by hom aangesluit.
Hardus en Jaco het hulle die hele nag gemonitor, maar
ons het net gehoor as die spulletjie te erg gebrul het en
ons uit ons slaap gewek het.”
Daar het ook ander leeus uit die omgewing teruggebrul
vir hulle. Die vuilbaarde het reg deur ons kamp gestap,
tussen die woonwaens en die A-raam deur. Op een
stadium het daar ook ‘n bruin hiëna kom water drink.
Die volgende môre het net die groot leeuspore deur die
kamp gewys waarlangs hulle geloop het. Dit was nou
regtig ‘n nag om nooit te vergeet nie!
31 Oktober Die manne ry uit en vind 3 leeus in die
pan. Een van hulle was diselfde leeu wat die vorige
aand by die water was. Hulle kon hom aan die hap in
sy een oor herken. Volgens Jaco het hulle by nadere
ondersoek gevind dat die ander twee tieners was,
besig met lelike dinge. Hulle het skynbaar nog nie
gehoor van die bevolkingsontploffing nie. Hulle sien
weer gemsbokke, een blouwildebees, springbokke,
volstruise, een bruin hiëna en vroeër ook drie jakkalse
by ‘n watergat.
Die aand sien ons ‘n bont/bruin hiëna by die drinkplek
by die kamp. Later die nag het daar weer ‘n leeu kom
water drink, maar ons slaapkouse het hom nie gesien
nie, net gehoor. Die leeus het weer die hele nag deur
gebrul dat die aarde om ons sidder. Die volgende môre
sou ons sien dat een se spoor teenaan die woonwa
verbygaan, net langs die sonpaneel verby. Mensig,
daardie groot poot sal ‘n mens darem hard klap!
1 November Cas is vroeg op en sien twee groot leeus
by die drinkplekkie. Hy roep en ons ander vlieg op om
te kom kyk en kiek. Hulle is gou klaar gedrink en stap
weg. Dis ‘n mannetjie en ‘n wyfie en Jaco herken hulle
as die twee stoute tieners. Hulle stap net ‘n entjie weg
en gaan lê in die gras. Hulle lawaai met mekaar en stap
later ‘n entjie verder weg en gaan lê langs die pad,
waar hulle die hele dag sou bly lê, al bakleiende en
knorrende vir mekaar.
Cas sien dat die yskas en vrieskas hulle temperatuur
goed gehou het en besluit om die motor te koppel sodat
die batterye kan laai voordat ons weer sou ry. Toe hy
wil koffie maak, sien hy eers dat die krag nou af is in
die woonwa. Hulle maak die kragkas oop en vind dat
‘n draad gebrand het wat hulle nie kan herstel nie. Ons
is baie teleurgesteld want die hele opset het so
fantasties goed gewerk.
Vroeër het ‘n man met ‘n Amarok Jaco se
sonkragliggie by die drinkplek stukkend gery. Die
Vermeulens kom groet en maak hulle watertenk vol
voordat hulle oor die duine na Nossob vertrek. Hulle
sien die stukkende liggie en toe hulle hoor dis die
Amarok-man, sê Connie dat dit Jan Coetzee is en sy
adres is 820 Governmentlaan, Pretoria. Ons het baie
gelag oor die eksakte kennis wat hy van die man gehad
het
Ons pak op en trek na die privaatkamp langs dieselfde
pan. Nou het ons g’n stort, toilet of water nie, maar ons

kyk uit op die watergat. Heel gou vind ons egter uit dat
die roofdiere nie hou van die vrot water in die watergat
nie, so ons leeutande is getrek. Ons slaan tent op in
die sweet van ons aangesig. Ons kry warm en toe word
ons dors. Toe ons later uitry, sien ons volgens Jaco
ook maar net kol-kol iets.
Ons ry om die pan en vind weer die twee stoute tieners
waar ons hulle die oggend gelaat het. Hulle lyk net
moeër en maerder en lê nou binne-in die pad, op hulle
rugge. Ons laat hulle in vrede en ry verder. By die
watergat sien ons ‘n bruinhiëna. Lelik maar lieflik. Die
natuur is so veelsydig!
Hardus en Jaco neem twee ‘Solar Champion
Showers’, elk met 20l water na die storte waar ons
vroeër was en maak hulle bo-aan die staander vas en
daar het ons ‘n heelike warm stort, stukkende
kragkabel of nie. Daar is ‘n klein openinkie in die
paalomheining om die stort en ek is baie bang dat die
nuwe bewoners van die plek dalk deur die openinkie
mag loer. Van die kamp af sien ons ‘n rooihartbees in
die pan stap. Ons sou hom die volgende môre weer
daar sien.
Ons maak potjie, maar die wind waai ons amper
deurmekaar. Daardie nag klap die seile op die tent
soos die Nuwelandskare as die Stormers tog ‘n slag
ook ‘n drie druk. Dit het kort-kort ook ‘n bietjie gedrup,
maar nooit juis gereën nie. Net die wind wat tekere
gaan asof duisend duiwels hom jaag.
sien ons die mooiste twee voëls in ‘n boompie vlak by
die pad, nie baie groot nie, dalk valkies. Ons het foto’s
geneem en sal later probeer om hulle te identifiseer.
Ons sien ook ‘n koedoe en vind ‘n mooi kampplek by
Lesholoago, kompleet met rooi trekker en al. Die toilet
is egter totaal horribaal!
Ons ry terug kamp toe en gaan maak ‘brunch’ waarna
ons in die bed spring om warm te word, want mensig,
dis koud. Dit het intussen ook begin reën.
Vroeg-vroeg maak ons vuur om te braai, want die hout
is nat. Hulle gebruik houtskool om die vuur te begin en
sit dan dun stokkies bo-oor. Hardus en Jaco ry gou om
te gaan kyk hoe die water blink op die klipbanke in die
pan. Intussen sien ek en Cas hoedat drie bakkies op ‘n
ry staan en kyk na iets aan die oorkant van die pan.
Ons het nie ‘n verkyker nie en wonder waarna die
mense so lank kyk. Later sien ons hoedat Jaco-hulle
terugkom, maar dan ry hulle verby. Ons besluit om ook
te gaan kyk, al is ons baie bang dat die vuur gaan
uitbrand. Ons lus vir leeu-kyk wen en ons ry. Ons ry
almal na die plek en sien net twee pronkende poue en
volstruise, geen leeus! Toe ons by die kampplek
terugkom, het die vuur heerlik gebrand, net reg om die
stompe op te sit. Ons neem die pragtige
sonsondergang na die reën af. Jaco en Hardus gaan
gou toilet en stort toe. Die vrou wat daar kamp, kom
met ‘n flits aan en vra wat hulle kom maak en of hulle
nou gaan stort. Ons lag lekker oor soveel
nuuskierigheid. Daarna het ons lekker gebraai, twak
gepraat, bietjie in die dagboek geskryf en toe die mooi
groot vuur bewonder, doodgegooi en gaan slaap, want
dit was te koud vir kampvuur-sit.
2 November Ons ry vroegoggend, en ek bedoel
vroeg, 6h15 uit. Ons ry rondom Mayathutlwa en kry
niks, net vir Jan Coetzee en toe weet ons waarom hy
die lig stukkend gery het! Sy bril het net halwe lense en
hy het duidelik deur die verkeerde plek gekyk.
Toemaar Jan, ons is nie meer kwaad nie. Dan ry ons
om Mabuasehube pan. Hier kry ons volstruise, een het
in die droeë grond gesink want hy loop borshoogte in
die sand, aldus Hardus. Natuurlik maar net die voël wat
koud kry en vir hom ‘n diep nes geskrop om in te skuil.
Hierna ry ons na Lesholoago pan en op pad daarheen
3 November Die volgende oggend het ons 05h00
opgestaan en begin om ons kamp af te breek vir die
terugtog. Gelukkig het die reën oornag gewyk en ons
tente was droog. Die manne het flink gehelp solank ek
binne reggepak het. Teen 7h30 het ons vertrek, maar
weer oor die wippende paadjie. Om en by 09h00 het
ons die park verlaat en die terugtog aangepak.
Gelukkig het die reën die sand hard gemaak sodat die

voertuie sommer ligvoets oor die sand gedraf het. Aan
die park se grens het ons gestop en eers geëet.
Daarna was dit maar weer aanstoot.
By Tsabong het ons eers weer die winkel besoek vir
koeldrankies en die spesiale stortseep waarna ek
gesoek het.
Teen 12h30 was ons by die grens. Dit het gelukkig nie
te lank geneem nie en heel gou was ons weer op pad.
Teen 15h00 was ons veilig tuis.
Dit was ‘n heerlike wegbreek geleentheid en wie weet,
as die geleentheid hom voordoen, maak ons dalk weer
so.
30 Okt tot 3 Nov 2014

K L I K
MOBIELE Kampkroeg
Die kroeg kan opvou en aan enige
platform heg soos jou bakkie, karavaan of
'n muur teen die huis. Dit vou op en weeg
skaars 3kg en vat tot 6 glase, shooters,
drankbottels, 'n ys cooler, tafel,
botteloopmaker en baie meer.
E-pos info@letsgohunting.co.za
of whatsapp 0721413158.

GEBRAAIDE BIEFSTUK
So maak mens
Gebraaide biefstuk
Bestanddele:
1 eier geklits
60ml melk
170g dun “debone” bief steak
meel om in te dip
30ml botter
30ml olie
sout en pepper na smaak
Vir die sous:
15ml meel
125ml melk
Metode:
KLIK
Meng paprika,aromat,gemende speserye,swartpepper
Klits eier en melk saam in ‘n bakkie. Dip die steak in die eier mengsel en
rol in die deeg sodat altwee kante met meel bedek is. Maak die botter en olie
warm in ‘n pan oor matige hitte. Braai die steak totdat dit mooi bruin is
aan altwee kante – omtrent 5 minute. Aan ‘n kant gooi sout en pepper oor na smaak.
Bedien onmiddelik.
Sous:
Haal die steak uit die pan uit en sit eenkant neer. Meng die meel in die
oor blywende olie en kook vir 2 minute. Gooi die melk en kruiemengsel in en
laat kook roer aanhoudend. Gooi die sous oor die steak en bedien onmiddelik.

KLIK
Koop jou
Madkonbraai by ons
Lekker Kampplekke
Aanlynwinkel
15%
KLIK
afslag op enige
produkte wat jy by
Mapstudio aankoop.
Gebruik kode:
" kamp "

Die
storie
agter die
Kamper 2+2

Die Kamper 2 + 2
Die Kamper 2 + 2 is ‘n
bekostigbare 4-slaper opslaantent/kappie
kombinasie waarin ‘n
mens regop kan staan en wat op ‘n
dubbelkajuitbakkie pas sonder dat
modifikasies nodig is.
• Ons wou nie kamptoerusting
aanskaf wat
voertuigmodifikasies vereis,
alledaagse gebruik belemmer
of moeilik is om af te haal nie
Met dit in gedagte en omdat daar
nie iets op die mark is wat aan
bogenoemde voldoen nie, het ek
begin speel met idees om my eie
kamper te bou wat vir ons familie
sou werk.
Toegang na pakspasie:
o
o
moes van alle rigtings
wees (deurtjies links, regs
en agter),
en so groot as moontlik
• Die kappie se sye is vertikaal
gemaak wat pakwerk meer
prakties maak
• Die sydeurtjies is omskep in
afhaak-tafels sodat mens nie
‘n tafel hoef saam te ry nie
Hoe het dit begin:
Soos wat mens gereeld begin
kamp, begin jy kamp-voorkeure en
vereistes kry wat uniek is aan jou
persoonlike omstandighede,
behoeftes en eksentrisiteite. Vir
ons familie het dit die volgende
begin raak:
• Ons kamp-opset moes 4 kon
slaap
• Ons wou regop staan en
aantrek en ook nie inkruip in ‘n
bed nie
• Ons opset moes
vinnig/maklik/toeganklik en lig
wees – ons vakansies het al
hoe meer nomadies begin raak,
1 tot 2 nagte op ‘n plek en dan
verder ry
• Ons wou nie sleep nie
o Sleep is duur: ‘n sleepopset
wat aan bogenoemde
voldoen, kos nie net baie
geld aanvanklik nie,
brandstof is rofweg ‘n ¼
ekstra, of selfs meer, en
daar is onderhoudskoste
o Sleep is ongerieflik:
verbygaan, omdraai,
parkeer en rowwe 4x4 kan
frustrerend wees
o Die grootste voordeel van
sleep is dat jy jou kampopset
by die kamp kan los
en dan rondry. In ons
groter prentjie was die
beplanning rondom dit nie
‘n kwessie nie, en ‘n
aansienlik kleiner
oorwegingspunt as die
koste en ongerief wat saam
met sleep gaan
Ontwerp:
Die grootste kwessie was
pakspasie vir 4.
‘n Tipiese dubbelkajuitbakkie en
kappie het 1.8m3 spasie agterin,
oorgenoeg pakspasie vir 4 mense
op ‘n lang toer, AS jy dit alles kan
gebruik, maar daais die truuk.
So, om so veel as moontlik van
daardie 1.8m3 moontlike spasie
maklik bruikbaar en maklik
bereikbaar te maak, moes ons
dooie spasie goed benut. En na
klomp gekopkrappery en insette
van vriende, is die eerste Kamper
2 + 2 (slaap 2 en 2) gebou met die
volgende in plek:
• Die tentseksie is in daardie
“dooie spasie” deel ingedruk
• dit het sommer ook ‘n dakrak
uitgeskakel
• en is ook groot genoeg
gemaak sodat beddegoed en
nagklere binne-in die tent pas
wanneer die tent afgeslaan is
Bybehore:
Met dit alles in plek, was die 1.8m3
nog alles beskikbaar en ek het
begin fokus op bybehore wat ek
wou he:
• Die 9m2 afdak(awning) het ek
aangesit aan die linkerkant se
dubbelbed. Die afdak kan ook
4 sypanele bykry om dit ‘n
volledige kamer te maak
• Die kombuis is geïnstalleer bo
die bak links om dooie spasie
te benut:
o ek het die kombuis laat
uitswaai om steeds
toegang tot die bak te hê
o om die kombuis meer
georganiseerd te hou, het
ek 5 laaie, ‘n werksoppervlak,
‘n enkelplaat
stoof, ligte, kraan, wasbak
en watertenk en druksensor
pomp bygesit (die
watertenk was die eerste
item wat pakplek in die bak
opgeneem het)
• Die badkamer is geïnstalleer
bo die bak regs (oorkant die
kombuis) om die dooie spasie
regs bo te benut:
o
deel van die badkamer is
die badkamerkassie
o dit het ‘n
stortkompartement en
aantrekhokkie
o
en warm water (6L geyser)

• 12V Elektrisiteit:
o die tent binne het ‘n hooflig
en 2 bedliggies gekry
o ek het in Mabuasehube ‘n
ongemaklike situasie met
leeus gehad en het toe
LED Liggies buite in alle
rigtings geïnstalleer
o ter wille van die kinders se
selfone (en ons s’n) het ek
4 USB punte in die tent
ingesit sodat wanneer dit
skemerdonker begin raak,
en die hienas begin uitkom,
ek die kinders kon opstuur
tent toe sonder dat hul
foonbatterye papraak (ek
het toevallig 2 USB punte
agter in die bakkie vir
hierdie selfde rede)
o vir die kombuis het ek 2
ligte bygesit en vir die
badkamer 1
• 220V Elektrisiteit:
o my kampvrieskas is die
enigste item wat
noemenswaardige krag
gebruik, en vir dit het ek ‘n
toegewyde
verlengingskoord vir
wanneer ek vir meer as 1
nag oorslaap op ‘n plek wat
220V krag verskaf. ‘n 220V
netwerk kan geïnstalleer
word, my persoonlike
eenheid het dit nie in nie
• Die Spaarwielhouer het ek so
gemaak dat dit aan die
Kamper aanhaak wanneer jy
dit nodig het, en nie aan die
buffer nie, sodat ‘n mens nie
veranderinge aan jou buffer
hoef te doen nie
• Tussen die 2 beddens is ‘n
gangetjie wat wyd genoeg is
om ‘n kamptoilet (porta potti
tipe) in te pas, indien ‘n mens
nie kans sien vir ‘n leer 3h in
die oggend nie
Hier is die link na die pakplek clip:
https://www.youtube.com/watch?v
=q7HXiWsTsWo
Leer: Toe ek ‘n paar jaar gelede
die daktent gehad het, het ek die
geklimmery op die leer verpes.
Met die ontwerp van die Kamper
se leer, het ek die trapsporte breer
gemaak dat dit nie jou voete so
seer maak nie, die sporte is ook
nader aan mekaar gesit, ek het
onlangs handvatsels bygevoeg vir
vashouplek en gelukkig is die
ingangshoogte 1.5m, aansienlik
laer as daktente. Vir my persoonlik
maak dit die klimmery baie meer
aanvaarbaar.
Tent Binne: Die basiese konsep
is 2 dubbelbeddens met ‘n
gangetjie tussenin. Mense is altyd
aangenaam verras oor hoe ruim dit
binne die tent is. Die tent is 2m
lank, 3m breed en die dak is 2m
hoog. Ek wou baie en groot
vensters he, so ek het 6 vensters
in totaal, waarvan 2 in die dak sit,
sodat mens sterre kan kyk. Gaas
word op die vensters gebruik, wat
aansienlik beter ventileer as
skadunet. Die fisiese grootte van
die 2 matrasse is 1800mm x
1200mm x 75mm.
Reën: Ons gebruik “Ripstop
Canvas” vir die Kampers wat
veronderstel is om waterdig te
wees. Ek het gevind dat na ‘n
paar uur se reen, daar druppels
begin vorm deur die materiaal. Die
Kampers word deesdae standaard
gebou met ‘n permanente reënseil
bo-op die “Canvas” en dit maak die
verskil.
Wind: Van bo gesien, vorm die
Kamper se raamwerk ‘n seshoek.
Die kombinasie van die driehoeke
in die seil en die driehoekvormige
raamwerk gee die struktuur baie
sterkte, en dit breek wind ook goed
en maak die Kamper besonder
stabiel in sterk wind.
1. Die Opslaan van die
Kamper behels 5 basiese
stappe (afslaan in
teenoorgestelde volgorde):
2. Rits die “cover” oop
3. Maak die leer los en swaai
dit in posisie
4. Trek die 2 beddens uit
5. Klim binne-in die Kamper
en lig die dak arms in
posisie
6. Swaai die sy-arms in
posisie
Hier is die link na die opslaan clip
om ‘n gevoel van tydsduur te gee:
https://youtu.be/lMmG--fS6ak
Stoor: Die Kamper sit vas aan die
bakkie met 6 swaardiens kappietipe
klampe, so 6 moere moet
losgemaak word om die Kamper af
te haal. Die Kamper kan in die dak
opgehys word, op sy kop gedraai
word en voor die kar se neus
gestoor word of sy eie stoor-bene
kry, sodat mens onder die Kamper
kan uitry.
Prys – die meerderheid mense
stel belang in:
• Die Kamper 2 + 2: R48055
• Afdak (Awning): R6573
• Kombuis: R11518
Sou mens op ‘n bosvakansie gaan,
dink ek die volgende is dalk ook
iets om te oorweeg:
• 12V Krag
• Spaarwielhouer
• Badkamer en miskien die
• Kamptoilet (porta potti
tipe)
Daar is baie ander bybehore en ‘n
mens het nie alles nodig nie. Vir ‘n
volledige pryslys kan ons gekontak
word by:
of
• info@kamper.co.za
• Henk Blaauw
• Sel: 082 880 4973
• Henk@kamper.co.za
• www.kamper.co.za
https://www.facebook.com/kamper
dotcodotza/
Henk Blaauw
Kamper.co.za

Ode aan ‘n Brouseltjie
… Kom ons staan vir ‘n oomblik stil by die klein wonderboon
en ons lees elkeen ons ode aan ons brousels…
Woorde & Foto’s: PIERRE LABUSCHAGNE
(Deel 1)
Daar is ‘n sekere
goudkleurige
brandwatertjie wat bitter
goed afgaan soos die son sak en die
vuurtjie brand en jou kampplek is rustig
en uitgesorteer. Veral na ‘n lekker dag
as die rookie reguit boontoe trek… By
my is dit al ‘n instelling. ‘n Sonsak –
aldan ‘n “sundowner” met ‘n
branwatertjie! Ai, darem goed op sy tyd,
en nee, ek bederf dit nie met daai
donker soet gaskoeldrank wat bedoel
was as maagmedisyne nie! Mens vat
hom skoon, soos hy uit die bottel kom
so sip-sip so… Maar een ding is gewis
en seker, en dit staan vas soos die
wette van die Mede en Perse: Jy kan
eenvoudig nie kamp sonder koffie nie –
sundowners-of-te-not! Onmoontlik, want
dis sinonieme: Kamp… Koffie. Dit gaan
saam soos stroop en “peanutbutter”, of
soos verkoue en loopneus…
Onlosmaaklik verbind in die eg.
Maar mense het hulle eie idees
daaroor. Elkeen na sy smaak, en oor
die hoe’s en hoe nie’s kan ons lank
redeneer, maar kom ons staan vir ‘n
oomblik stil by die klein wonderboon en
ons lees elkeen ons ode aan ons
brousels. Ons is dit verskuldig aan díe
smaaklike genieting om dit vir ‘n slag te
erken vir wat dit rêgtig in ons lewe
beteken. Ons aanvaar koffie as
vanselfsprekend, en dis alles behalwe!
Koffie kom van vêr – letterlik en
figuurlik. Dit kom soms van die
anderkant van die aardbol. Kolombië,
Brisilië, Indië, Papua New Ginea,
Guatamala. Die lys gaan aan, en selfs
ons eie Afrika het van die wêreld se
beste koffies denkbaar! Die oortuiging is
dat koffie sy ontstaan in Etiopië het, en
dit kom van eeue gelede. Dis nie
sommer een van gister se kitsuitvidsels
nie. O nee! Dit kom van vêr!
Ek noem dit ‘n ode aan koffie, want
mens besef nie watter prosesse alles
deurloop moet word voordat ons die
brouseltjie sluk nie. Van die rypword,
oes, en voorbereidingsprossesse van
die bone tot die uitvoer en die
roosterprossesse van die finale produk
is intens ingewikkelde en tydsame
prosedures wat nougeset gevolg moet
word, en wat doen ons? Ons sluk
sonder om te verstaan. Aaa-nee-a! Vir
my is koffiemaak ‘n proses, ‘n
prosedure en ‘n tradisie! Ek doen dit
tydsaam en met respek. Ek doen dit
elke keer met ‘n uitsien! En kom ek sê
sommer byvoorbaat: ek kan kitskoffie
nie in my liggaam kry nie! Van
“Whatshallmecallit” se Gold tot
“Dingesenwatsenaam” se Krönung…
Uuurggghhh! Koffiie? Wat wô! Dis g’n
koffie nie, en ek gaan gemaklik dan
eerder daarsonder!
Bialetti. Dis my ding as ek kamp. ‘n
“Two cup” brouseltjie. (Vir die
oningeligtes onder ons: Dis nou daai

K L I K

link koffie-dinetjie wat so oopskroef in
die middel wat dan water in die
onderste geseelte moet kry en
gemaalde koffie in die tregtertjie in die
middel wat dan weer toegeskroef moet
word, en dan gekook moet word).
‘n Espresso-maker, met ander woorde,
en dís mos koffie! En dis dan net hier
ook waar een van my kamptradisies
inkom: As ek kamp – en nét as ek kamp
– drink ek hom met kondensmelk! OMG
(Oooo My Goeieste), dis vir my lekker!
Die eerste ding in die oggende, (oeps,
tweede ding) is my eerste brouseltjie –
dis nou te sê (met permissie) na die
eerste ôggendpiepie. En dit moet wees
soos die son opkom. Ek staan die son
se goue uur gewoonlik en bewonder
met daai wonderboonbrousel in die
hand. Dan kan die res van die dag maar
kom. ‘n Kamptradisie voorwaar, want by
die huis of by die werk drink ek hom
anders…
Hier by half-elf se kant is dit gewoonlik
weer sulke tyd, en dan natuurlik na
middagete of ten minste so by vier-uur
se kant as mens perabuis die
middagete s’n oorgeslaan het. Koffie
doen my slaappatrone niks! Ek is een
van daardie gelukkige en bevoorregde
mense wat direk voor slaaptyd ‘n koppie
espresso kan drink en dan reguit bed
toe kan gaan vir ‘n nagrus. Kaffeïne het
absoluut geen effek op my vaakword
nie. En dis ook gewoonlik hoe ‘n regteegte
kampdag in goeie tradisie afgesluit
word: met ‘n laaste brousel vir die
dag, en dan kooityd!
So het elkeen sekerlik hulle vooren
afkeure en manierjies en
dingetjies en geite, maar die feit dat
koffie deel uitmaak van kamp is
onbetwisbaar. Met ‘n volgnde briefie
sal ek graag so paar meer tegniese
dinge wil aanraak oor koffie,
byvoorbeeld die roosterproses en
watter invloed dit op die smaak van
die brousel het, maar vir eers wil ek
sê dat kamp vir my sonder koffie
ondenkbaar is. Dis amper soos om
te probeer kamp sonder ‘n
kampvuur! Kan jy jou voorstel? Daar
is nie ‘n manier nie! So, gaan staan
volgende keer gou vir ‘n oomblik stil
met jou eie weergawe van ‘n brousel
in jou hand en op jou stille manier,
besing die lof van die wonderboon,
en bring jou ode aan die beker troos
in jou hand voordat jy dit net drink
en dit sommer maar net as
vanselfsprekend en gelate aanvaar.
Dit is beslis niks minder as ‘n ode
werd nie!
Lank lewe die koffieboon!
Hoe word kitskoffie gemaak?
Kitskoffiepoeier begin as, wel, koffie! Die vraag is
dan nou hoe dit kan verander vanaf ‘n vars
gebroude koppie koffie tot die droë
koffiekrummels of poeier wat ons ken as
kitskoffie? Alles wetenskap!
Daar is, om die waarheid te sê, twee maniere om
kitskoffie te maak.
Een metode behels die proses om vloeibare
koffie deur middel van ‘n baie fyn missproei deur
baie warm, baie droë lug te blaas. Teen die tyd
dat die mikroskopiese druppels al hulle vog
verloor het, bly net die koffie wat nie saam kan
verdamp nie, oor as ‘n poeier. Dit word
bymekaargemaak en verwerk na die eindproduk.
Die tweede metode gebeur deur middel van ‘n
vries-droog proses. Die gevriesde koffie word
deur ‘n proses vanaf die gevriesde fase direk tot
‘n gasfase gedwing. Die vloeistof-fase word
heeltemal oorgeslaan. Dit word dus van
gevriesde fase “ge-vaporize” tot ‘n gas, soos
stoom, sonder dat dit ‘n vloeistof was. Wat
agterbly is dan wat ons ken as gevriesdroogde
(“freeze-dried ”) kitskoffie. Gooi net water by, en
siedaar…
Ongelukkig het beide hierdie prosesse ‘n groot
invloed op die smaak, en kafeïn-inhoud daarvan,
en sintetiese geurmiddels moet gewoonlik
bygevoeg word. Dit is die rede hoekom kitskoffie
nooit na die Ware- Jakob proe nie! Dit is maar net
nie dieselfde ding nie…
‘n Brouseltjie sommer net daar in die bos!

DE ARK KARAVAANPARK
Clarens – 8km Vrystaat
OORSIG
Kamp Staanplekke 4
Persone Per Staanplek 4 max 6
Troeteldiervriendelik Nee
Visvang Nee
Swemplek Rivier
Grondbedeking Gras/grond
Skaduwee Ja
Toeganklikheid Grondpad
Selfoon Ontvangs Swak
Kontak persoon Kelly
Kontak nommer 0820840364
reservations@deark-clarens.co.za
De Ark is sowat 4 km vanaf
Clarens op die teerpad, vanwaar jy
afdraai op 4km grondpad tot by die
plaas. Die pad is geskik vir die
meeste sedanvoertuie maar ons
sal aanbeveel dat voertuie met
baie lae hoogteklaring, wel stadig
moet ry.
Die kampplek is in die wildkamp, in
die omliggende berge wat Clarens
omring., geleë. Die kampplekke is
eksklusief en die natuurskoon en
uitsig is asemrowend, om dus elke
kamper ‘n gevoel van saligheid en
‘n wonderlike ervaring te
verseker..
BESKRYWING

WOONWA
WENKE
Deel 2
BY DIE OORD OF KAMPPLEK:
Ons het lekker kamp opgeslaan en die eerste nag
soos konings geslaap.
Maar het ons voorsiening gemaak vir die wind, veral
aan die kusdele van die land?
Deesdae kry ons sulke blink goed wat ons oor die
woonwaens, veral die tent trek. Die son kan die
woonwa en tent in ‘n oond verander.
Kry nou een van die “reflective sheets”, dit verminder
die temperatuur met 60 grade.
Onthou nou net dat die blink kombers sy werk
behoorlik doen, maar nie baie windbestand is nie.
Toue waarmee dit vasbind skeur maklik uit die ogies
uit. Nou het ‘n paar slim kampeerders met ‘n ander
plan voor die dag gekom. Koop ‘n swembadnet, so
150mm x 200mm blokke gevleg.
Gooi dit bo-oor die blink kombers wat bo-op die tent
lê.
Trek die net behoorlik vas met plus minus 8 toue
en groot ankerpenne. Nie net is die tent stewiger
bestand teen die wind nie, maar lyk dit baie
netjies. Dit is nou ook die eerste fase om
weerstand te bied teen die wind.
‘n Ander belangrike ding om te onthou is dat die
blink kombers maak dat dit nie nodig is om onder
bome te staan nie, jy het mos nou jou eie koelte
gemaak.
Soek in elk geval vir jou altyd ‘n hoogtetjie uit om
op te slaan. Onder bome is dit altyd laer en dink
aan die reën. Na ‘n storm vergader die water op
die laagtes en wat ‘n gemors is die tent nie. Op
die hoogtetjies is jy hoog en droog.
Onthou, jy moet altyd onthou van stormwinde, dit
is rukkerig en lig maklik tentpale. Wanneer pale
gelig word vlieg die tent kort voor lank die see in.
Wanneer jy die tent staan gemaak het en al die
ankerpenne is buite reg, moet net nie die tentpen
verder as 800mm van die tentpaal inslaan nie,
anders gaan baie stutkrag verlore. Aan die
binnekant van die tent direk langs die pale, slaan
‘n tentpen in so 500mm lank met toue van bo-af.
Geen wind gaan die tent roer nie.
Sorg altyd dat die grondseil groter is as die tent,
dele wat uitsteek op die kante en aan die
voorkant sorg dat die kantseile altyd skoonbly.
Modder kannie vanaf die grondseil opspat en die
mure met modder besmeer nie, wat later baie
moeilik is om skoon te maak.
Span alle toue styf sodat die dak nie bakke maak
ingeval dit reën nie. Hierdie is nogal ‘n kuns en
moes by die huis lank voor die vakansie geoefen
gewees het. Veral die ouens wat vir die
eerste keer met ‘n woonwa gaan kamp.
Moet nooit iets as vanselfsprekend aanvaar nie,
‘n nuwe woonwa of oue, moet altyd ‘n naweek of
wat voor die vakansie gebruik word om seker te
maak alles werk en daar is niks wat kort nie. Die
onus is geheel en al op jou as verbruiker, moenie
by die vakansieoord ander mense aanval as
daar iets kort nie.
Na jy al hierdie dinge gedoen het, behoort jy ‘n
sorglose vakansie te kan geniet.
Volgende keer gesels ons oor die oppak en
skoonmaak wanneer ons tuiskom.
Groete tot later dan.

KAMPWEDERVARINGE
O
ns heel eerste kamp ervaring was met ‘n
geleende tent. Die gebrek aan ervaring het
duidelik geblyk uit die feit dat ons geruime
tyd na donker by ons bestemming aangekom het.
Met ons aankoms by die oord het ek die voertuig
se ligte so oor die kampterrein laat speel. Ek het
dadelik opgemerk dat almal in die sand kamp
opgeslaan het, ten spyte van ‘n pragtige kol groen
gras in die middel van die kampterrein. Ons het
natuurlik dadelik die kol gras met oorgawe “beset”
en die geleende tent daar opgeslaan.
Die laaste stap sou wees om die opblaasmatras op
te pomp. Vir hierdie doel het ek my skoene
uitgetrek sodat ek nie die geleende tent verniel nie.
Op pad na die matras het ek op iets skerp getrap
wat nogal seer gesteek het. Om ‘n lang storie kort
te maak, die kol groen “gras” was toe al die tyd ‘n
kol duwweltjies, wat verklaar het waarom almal
behalwe ons verkies het om in die sand te kamp.
Ons het nie kans gesien om op daardie stadium
weer die tent af te breek en dit te verskuif nie. Ons
het maar net seker gemaak ons loop nie sonder
skoene in die tent rond nie. Wonder bo wonder het
die duwweltjies geen vatplek aan die
opblaasmatras gekry nie.
Die kampgôgga het ten spyte van die wankelrige
begin, tog vasgebyt en ons het mettertyd ons eie
tent aangeskaf. In werklikheid twee tente – die
hooftent ‘n “dome” tent van 3X3 meter en ‘n kleiner
tent vir twee persone. Die redenasie was dat ons
die hooftent sou gebruik wanneer ons vir langer
tydperke kamp en dat ons die tweeman tent sou
gebruik wanneer ons vir een nag oorslaap.
Ons en ons kinders het een Saterdag oggend van
Pretoria na Klerksdorp gery vir ‘n familielid se
troue. Ons het beplan om die aand daar oor te
slaap en sou as uitsondering die hooftent gebruik
vir die een nag se oorslaap. Êrens na die troue
maar voor slaaptyd het die sluise van die hemel
oopgegaan en in ‘n oogwink was die hele
kampterrein knie-diep vol water. Ons nuwe tent
was relatief droog binne-in, maar die kinders se
tent en alles binne-in was sopnat. Ons het sonder
seremonie eenparig besluit om onverwyld
huiswaarts te keer. Alles is agterop die kinders se
bakkie gegooi en ‘n paar uur later was ons tuis.
Min het ons geweet dat die gebeure van daardie
Saterdag middag die inleiding was van veel groter
dinge.
By ‘n ander geleentheid het ons saam met my vrou
se kollegas by Loskopdam gaan kamp vir ‘n
naweek. Ons het die hooftent saamgeneem en
alles het goed gegaan tot die Saterdagnag. Daar
het ‘n hewige donderstorm losgebars en ons tent
was nie opgewasse teen die sterk wind en die
harde reën nie. Alles binne-in die tent was in ‘n
oogwink sopnat – klere, beddegoed, kos en
bagasie. Ons twee was deurnat en as ons nie soos
twee druipnat hoenders gelyk het nie, dan het ons
so gevoel. Daar was geen sprake van verdere
slaap in die tent nie. Op een of ander manier het
een van die kollegas – wat in ‘n chalet gebly het –
van ons penarie te hore gekom en aangebied dat
ons in die chalet se sitkamer kon slaap. Ons het
die stoele se kussings so in die vorm van ‘n matras
gepak en met geleende komberse kon ons die res
van die nag trotseer. Onnodig om te sê, het ons die
volgende oggend maar moeilik regop gekom…
Almal verdien mos darem om so af en toe bietjie
met verlof te gaan. Ons beurt het ook gekom, ons
sou vir drie weke die tuinroete gaan toer- en-kamp.
Alles was deeglik beplan, ons sou spesifiek in
Februarie gaan want dan is dit nie die Suid-Kaap
se reënseisoen nie en sou ons nie ‘n probleem
gehad het met natreën nie.
Ons is uiteindelik
in die reën uit
Pretoria weg. Ons
het die eerste nag
by die Gariepdam
oorgeslaap in die
tweemantent. Ek
het gedroom hoe
ons aan die Dusi
kanomarathon
“Alles was papnat. Die
enigste droeë plek wat
ons kon kry om ons
koffie te drink, was die
“longdrop”. Ons het
rustig langs mekaar gesit
en ons koffie klaar
gedrink.”
deelneem en nogal voorloop – totdat ek wakker
geword het en besef het dis ons tentjie wat met ons
in die kampterrein ronddryf. Nadat die reën
opgeklaar het, het ons op wonderbaarlike wyse
weer aan die slaap geraak. Ek het gedroom hoe ‘n
vliegtuig in die eerste toring van die Twin Towers
in Amerika vasvlieg. Ek kon hoor hoe stukke van
die toring op die grond val (het later besef dis die
geluide wat my vrou maak as sy vas slaap). Die
oomblik toe ‘n vliegtuig die tweede toring tref, skrik
ek wakker met die geluid van vliegtuigmetaal wat
skeur en mense wat kreun (het later besef die
kreune is die geluide wat my vrou maak as sy uit
‘n diep slaap wakker word). Toe ek ‘n bietjie tot
verhaal kom, het ek besef ons is nie in Amerika nie
en boon-op het die klanke van skeurende
vliegtuigmetaal al meer begin klink soos ‘n gebou
wat gesloop word. Wel, dit was toe ook nie ‘n
gebou wat gesloop word nie, maar wel ‘n tent – en
die drie manne wat om drie-uur in die oggend die

tent afgebreek het, het veerpyltjies gespeel met die
tentpale en telkens die teiken getref – die agterkant
van hulle bakkie. Hulle het luid hulle akkuraatheid
besing en was duidelik aangemoedig deur een of
ander tier-in-die-tenk (of is dit nou tier-in-diemaag?).
Toe die manne uiteindelik op pad was, het
hulle by die ablusieblokke gestop, die enjin laat
luier en hulle ding binne-in die gebou gaan doen.
Daar het hulle steeds luid mekaar probeer oorreed
wie die akkuraatste was met die tentpale. Ek was
agterna so spyt dat ek nie hulle voertuig gaan
afskakel het en die sleutel weggegooi het nie…
Die volgende dag het ons weer lang ente in die
reën gery maar toe ons op ‘n plaas in die
Steytlerville omgewing aanmeld, het die son lekker
geskyn. Ons het onsself so goed as moontlik
ingerig teen die reën wat die boer
voorspel het.
Soos
wat die son
onder
gegaan het, het die wolke saamgepak en toe het
dit die hele nag gereën. Die volgende oggend het
dit steeds gereën en groot poele water het die
omgewing versier. Alles was papnat. Die enigste
droeë plek wat ons kon kry om ons koffie te drink,
was die “longdrop”. Ons het rustig langs mekaar
gesit en ons koffie klaar gedrink. Toe het ons
aanstaltes gemaak om weer die lang pad aan te
durf. Omdat daar ‘n paar hekke was wat
oopgemaak moes word, het my vrou voorgestel
dat sy die eerste ent bestuur. Sy moes ‘n voorbode
gehad het, want die eerste hek was besonder
halsstarrig en die grond baie kleierig en glad. In ‘n
kits het ek op my rug in die grootste van die baie
modderpoele gelê, tot groot vermaak vir my vrou
wat haar morsdood wou lag.
O
ns wou baie graag van Steytlerville af met
die grondpad oor die berge na Jeffreysbaai
toe gery het. Ons het immers ‘n 4X4 gehad
wat kans gesien het vir (amper) enige uitdaging.
Die eienaar van die plaas waar ons oornag het, het
daarteen gewaarsku en gesê dat dit te veel gereën
het en dat die pad te nat en te glad sou wees. Ons
het toe maar met die teerpad via Uitenhage gery
en veilig by Jeffreysbaai aangekom. Ons het
sedertdien nog nie weer die geleentheid gehad om
met die grondpad oor die berge te gaan ry nie …
Andre Gerbe

Die WENNER IS
Atlasware fles ter waarde van R400.
KLIK hier
O n t v a n g ' n R100
a f s l a g b e w y s + G r a t i s
a f l e w e r i n g o p e n i g e
a a n k o p e b y
M e g a w a r e h o u s e
G e b r u i k d i e p r o m o s i e
k o d e : LK
Standaard T&V geld

KAMPTERREIN
TRENNERYS
Qolora-mond, Oos-Londen (100 km) Oos-Kaap
OORSIG
Kamp Staanplekke 10
Persone Per Staanplek 6
Troeteldiervriendelik Nee
Visvang Ja – see
Swemplek Kouewater swembad
See
Grondbedeking Gras
Skaduwee Gedeeltelik
Toeganklikheid Teer
Selfoon Ontvangs Ja
Kontak persoon Bestuurder
Kontak nommers 0829083134
BESKRYWING
Trennerys kampeerterrein is by die Qoloramond,
naby Oos-Londen, in die Transkei
geleë. Die pragtige skoonheid van die
Wildekus maak Trennerys Kampeerterrein
die perfekte bestemming vir die
avontuurlustige kamper of vir diegene wat
‘n bietjie rus en vrede en ongerepte
strande soek.
Daar is 10 staanplekke beskikbaar – maks
6 persone per staanplek. Die staanplekke
het almal elektrisiteit en grasbedekking en
sommige van die staanplekke het
skaduwee. Die Kampterrein is omring deur
groen, welige en tropiese plantegroei. Die
terrein is na aan die strand geleë, maar
gaste kan ook van die pragtige swembad
gebruik maak om af te koel.

Het jy 'n storie wat jy met ons wil deel?
Stuur jou storie na
tydskrif@lekkerkampplekke.co.za
Kamp
Paklys
1 4 3 0 0 f o l l
2 5 0 0 0 D o w n l o a d s
P a g e V i e w s 2 , 8 2 6 , 2 8 9 o o r
2 0 0 3 5 0
1 2 8 7 1 L e e s d i e
o w e r s
1 2 m d e t y d p e r k
L i k e s
a a n l y n t y d s k r i f
W e b b l a d
g e b r u i k e r s 4 4 7 , 6 2 1
9 1 % v a n o n s g e b r u i k e r s e n L e d e w o o n i n S u i d - A f r k a
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.