Kamp is Lekker Mei 2018

wat jou
esepte
sal laat
mond
UITGAWE NO. O5
M e i 2 0 1 8
KAMP IS LEKKER
6 LekkeR
Kamp Stories
word deur
ons lesers
vertel
Wat moet my
Voertuig se
banddruk
wees?

SAKKIE BROOD
RESEPTE
Sakkie winkel deeg
Spar / Pick & Pay / Woolies sak - maak nie saak
watter winkel se sak.
Pot kookwater
Haal die deeg uit die dun sakkie
Spuit jou Spar sak Met cook and spray
Sit die deeg in sak, knoop die sak toe Daar moet
spasie wees vir die brood om te rys
Sodra die water kook,sit die sak deeg om die
kookwater en sit deksel op
Hou deksel toe en kook die brood vir 90 min.
Haal die sak uit die kookwater.
Druk liggies op brood, as dit weer terug spring is die
brood gaar
Haal uit die sak en sit in broodkombers
Bedien die brood lekker warm
Dis ‘n baie lekker sagte brood
Deur Facebook blad: Bak sonder Brou met
Menanteau
TAMATIE & BALSAMIEK
BREDIE OP KOESKOES
Deur: Elsabie Templeton
Eenvoudige beesvleis bredie in tamatie &
balsamiese asyn. Soo geurig! Regte winterkos
maar dis nog nie so koud nie.
Tamatie & balsamiese beesvleis bredie in prutpot
1kg stowe beesvleis met been aan (dit gee meer
geur)
1 groot ui opgekap
4 wortels gesny
4 aartappels gesny
1 blikkie gekapte tamatie & uie
150ml balsamiese asyn
250ml beesvleis ekstrak (ek hou van Ina Paarman
se vloeistof ene wat jy by water gooi)
200ml tamatie puree
Om die sous halfpad deur die tydperk te verdik het
ek 3/4 koppie water met 1 pakkie bruin uiesop
poeier gemeng en deurgeroer.
Sny die vleis in stukke en behou die bene. Sit alles
in die prutpot en stel op hoog vir 7 ure of tot alles
gaar.
Bedien op rys, stywe pap, koeskoes of fyn
aartappels.

Broadwater
River Estate
Broadwater River Estate Ontspan teen die stil
water, luister na die roep van die visarend &
drink sjampanje onder die sterre. Broadwater
River Estate is ‘n 4-ster privaat rivier oord wat
rus op die oewer van die magtige Vaalrivier
tussen Kimberley & Douglas in die Noordkaap.
Ons huisves die grootste spesie King Fisher in
Afrika, die “Giant King Fisher” & julle kan gerus
uit luister vir sy unieke “Wak-Wak-Wak” roep.
Kom en ervaar ons eie “miracle-in-the-middle”
oase.
Daar is 4 chalets, elk met twee en-suite
slaapkamers, dek met buite kombuis en braai
geriewe, lugversorging, DSTV, leefarea &
rivierfront. Elke eenheid kan gemaklik 5 gaste
akkommodeer & ‘n 6de gas op die slaapbank.
Minimum van 4 gaste per eenheid per nag teen
R490.00 per persoon per nag ontbyt uitgesluit
& R200.00 per persoon per nag addisioneel vir
gaste 5-6.
Verder bied hulle 2 woonstelle, elk met twee
en-suite slaapkamers, dek met braai geriewe,
vol toegeruste kombuis, lugversorging, leefarea
& rivierfront. Elke eenheid kan gemaklik 5
gaste akkommodeer met ‘n 6de & 7de gas op
die slaapbanke. Minimum van 4 gaste per
eenheid per nag teen R550.00 per persoon per
nag ontbyt uitgesluit & R200.00 per persoon
per nag addisioneel vir gaste 5-7.
TIPE AKKOMODASIE: Kampplek &
Selfsorg
NAASTE DORP: Douglas
STREEK: Douglas
PROVINSIE: Noord-Kaap
GPS: 29˚02’15.4″S, 23˚54’05.1″E
OMGEWING: Rivier Bosveld Plaas
Wildplaas Natuurreservaat
Bergfiets roetes
Golf
Hengel
Staproetes
Swem
Wildkyk
Privaat ablusiegeriewe
Rolstoel badkamers
Opwasgeriewe
Kraan by staanplek
Kragpunt
Karavaan kragpunt
Eie braai
Konferensie
Kontak Andrea Visagie Nommer 0766766733

Wittebrood
in Kruger
Wildtuin
saam blou
bal apies en
...
Deur William Brits
Ek het my vrou tot op die laaste oomblik aan
’n lyntjie gehou waarheen ons sou gaan. Een
van haar gunsteling plekke… My eerste
keer… Maar het ons gelag! Van blou bal apies
tot leeu poef.
Dit was vir my vreemd, hierdie apies - en soos
‘n brawe man moes ek my vrou wys ek’s nie
bang vir ‘n aap nie. So kom krap een meneer
mos in ons vullisdrom. Ek het naby aan die
deur gestaan. Maar kyk, toe ek hom wou jaag,
gee daardie aap vir my ‘n kyk en trek sy ore
terug. Ek het amper bo-oor my vrou geval.
Wie wil nou op hul wittebrood deur ‘n blou bal
apie gebyt word. Dit was by Satara kamp.
By dieselfde kamp loop ek en my vroutjie na
die draad om na die wild te kyk by die
watergat. Dit was al laat die aand. Toe ons
weer kyk was al die plekke se ligte af om ons.
My vrou begin toe stories vertel van luiperds
in kampe. Al wat ek vir haar gesê het was:
“Liefie as ek begin hardloop moet jy maar op
my rug spring, want ek stop vir niemand”.
So paar dae later ry ons Krokedilbrug toe en
stop toe by Tshokwane se piekniek halte.
One het lekker iets geeët en ry toe verder.
Soos ons ry stink iets vrot in die kar soos
leeu poef of iets. Maar kyk, dis toe my
geleentheid om ‘n grap te maak met my
vrou.
Ek oortuig haar toe dat die reuk van haar
skoene af kom. Skaam trek sy haar skoene
toe uit en sit dit in ‘n papiersak agterin die
voertuig. Verleë lê sy oor, net om uit te vind
dat dit eintlik ek is wat in die poef getrap het.
Nodeloos om te sê, by die eerste
uitklimhalte het ek omtrent soos ‘n hoender
geskrop. My vrou het omtrent gelag. Dis ‘n
oomblik wat ons altyd sal bybly.
Ons lag nou nog daaroor. Mooi
herinneringe was gemaak!

* 270°Universal
Awning
Vanaf
R5 400
RENIER (Shorty) +27 82 855 0226 shorty@shortysadventures.co.za

Kam'bati is 'n
Swellendam
Lekker kampplek
Deur Stephanie Botha
Verlede jaar het ons as familie (My ma en pa,
ek en my man, my broer en sy vrou en my
twee susters met hul mans en kinders) besluit
om weer vir ‘n slag ALMAL by mekaar te kry en
op ‘n familie naweek te gaan. Ons het dit altyd
oor Desember skoolvakansies gedoen, maar
omdat almal nou getroud en uit die huis uit is,
lewe elkeen mos sy eie lewe. Ons het seker
gemaak ons kies ‘n tyd wat vir almal pas.
Kambati was ons “destination” . Ons het
vreeslik PRET gehad met die kinders, ons het
gebraai, geswem, glyplank gery,vis gevang,
geroei en het LEKKER TYD met mekaar
deurgebring sonder om onderbreuk te word
deur tegnologie. Ons sal die memories verewig
koester en ons sien almal uit na weer so ‘n
naweek weg. Kamp is verseker lekker! Veral as
die son op jou vel bak terwyl jy lekker op die
grasperk sit en na die natuur staar
Die ergste dag by ‘n kampplek is beter as die
beste dag by die werk!
VET PRET!

Die Beer Familie kamp by
Van Stadens mond
Storie deur Theresa
O
ns het omtrent lekker vir 2 weke
by Van Stadens mond gekamp. Daar
was net een dag wat die weer regtig
vreeslik was en die wind erg gewaai
het, maar ons was geensens afgesit
nie! Met ons nuwe Campmaster tent
het ons kans gesien vir die dag - as
dit die ou tent was het ons verseker
weggewaai…
Ons het elke dag van vroeg tot laat
geswem. Gaan stap langs die see,
gesit en inkleur saam my dogter en
bordspeletjies gespeel. Ons het net
lekker saam kwaliteit familietyd
gehad.
Saam het ons kinders met hul nefies
gaan duine klim, geswem en in die
aande gaan stap en dan sommer ‘n
vuur gemaak en saam met ander
jongmense gesels en gekuier. Ja,
ons het nog altyd bietjie tyd aan
facebook en whatsapp spandeer,
maar was nie heeltyd op ons fone nie
- ons het mooi herineringe gebou vir
eendag as ons oud is.
Ek moet julle vertel van my en my
gummy bear (my man, Marius) se
stappie langs die see.
Ons besluit ons gaan kyk hoe ver ons
kan loop. Manlief wil sommer Blue
horizon Bay toe loop, dis seker nie te
ver nie, maar vir my wat so onfiks is
sou dit te erg wees! Met ons staptog
het ons ‘n butternut, koolkop en n ui
opgetel. Marius sê toe dat hy dink
een van die
bemanning van die chokabote wat
daar naby lê, het seker gesê dat hy
nou moeg is vir butternut en het dit
oorboord gegooi. Die see was ver
terug getrek en ek het al dieper in
die see ingestap om met my voete in
die water te kon loop… die volgende
oomblik toe breek daar ‘n brander!
Ek sien toe daar kom moeilikheid en
dat ek sou moes uit hardloop strand
toe, maar toe hak my voete aan
mekaar … en val ma Beer met ‘n
slag neer!! Ek het so gelag dat ek
nie kon opstaan nie en nodeloos om
te sê slaan daar toe brander op
brander oor my en ek lê net soos ‘n
Wallie Walvis en geniet maar die
water wat oor my spoel. Toe ek
druipnat terug kom by die tent kon
my skoonsus en haar man net lekker
saamlag omdat ek so nat was!
So gaan swem my man en ‘n vriend
een van die dae terwyl ons vrouens
solank slaai en broodjies maak. Toe
ek weer sien is hy terug by die kamp
en soek ‘n broek. Ek wou toe weet
waarvoor soek hy nou ‘n broek…
eers wou hy nie sê nie, maar kom
toe maar uit met die sak patats. Sy
vriend het ‘n kramp gekry toe hy na
anderkant van die lagoon geswem
het en toe verloor hy die swembroek
wat my man vir hom geleen het Daar
sit hy toe in die water met ‘n
vreeslikke kramp in sy been en is
nog boonop broekloos!
Ons het vir die volgende 2 dae
gesoek of ons nie manlief se geliefde
blou swembroek kon kry nie, maar
dit was nêrens te vinde nie. Die
laaste aand het ons vir die laaste
keer gaan stap langs die lagoon af,
waar die dagbesoekers gewoonlik
kuier. En wraggies, by die heel
laaste braaiplek teen die water, lê
manlief se blou swembroek opgevou
- iemand moes dit uitgeduik het en
net daar gelos het!
Ons het nog lank sit en lag en gesels
oor al die gebeure en lekker tyd wat
ons gehad het by Van Stadens
mond. Saam met my swaer en
skoonsus, het ons om ‘n vuur gesit
en “tv kyk” en elke keer as ‘n stomp
omval, het my dogtertjie gesê:
“Iemand het nou die channel
gechange”.
Dit was nou regtig ‘n vakansie om te
onthou. Ek is die Here so dankbaar
dat ons saam ‘n heerlike vakansie
kon hê. As gesin kon ons lekker tyd
met mekaar spandeer. Baie mense
sê… waarvoor wil mens in ‘n tent
gaan bly in wind en weer, maar ek
verruil die tye wat ons as gesin saam
het vir niks. Ek sal aanbeveel dat
families meer kamp, mens het soveel
meer tyd vir mekaar en groei nader
aan mekaar.
Marius, Theresa, Armand en Simoné
Beer

MOBIELE Kampkroeg
Die kroeg kan opvou en aan enige
platform heg soos jou bakkie,
karavaan of 'n muur teen die huis. Dit
vou op en weeg skaars 3kg en vat tot
6 glase, shooters, drankbottels, 'n ys
cooler, tafel, botteloopmaker en baie
meer.
E-pos info@letsgohunting.co.za
of whatsapp 0721413158.

Wat moet
my
banddruk
wees?
Deur: Henk Blaauw
In 2004 sit ek en my vrou aan die einde van
ons vakansie laat een oggend in Sossusvlei
onder ‘n Kameeldoring en verorber die stilte
toe ‘n verdwaalde huurvoertuig skielik oor die
eerste van ‘n kameel-dubbelboggel duintjie
kom en so misteries nie op die tweede
boggelkruin verskyn nie, dat ek vir ‘n oomblik
twyfel of ek reg gesien het.
Die Swahili’s praat van “Musungu – white
people from Europe” en 5min later help ek die
arme klomp gespanne Fransmanne om hulle
bande af te blaas, en 10min later ry ek hulle
huurvoertuig vir hulle teen die duintjie uit, en
daar is ‘n dankbaarheid in die lug asof ek
lewens gered het
Kalmte en logika red lewens,
nie ‘n noodhulptas nie!!
– die eintlike verskil, ek het klomp sandondervinding
en het geweet om die banddruk te
verlaag en voet in die hoek te sit, Sossusvlei
was hulle eerste sand-ervaring.
Ek verwonder my altyd aan die tegnologie van
bande, die kombinasie van elastisiteit, vibrasieabsorberingsvermoë
en algemene taaiheid is
absoluut verstommend in ag genome die
onophoudelike kastyding waardeur bande deur
‘n 5 jaar periode gaan. En soos wat ons mense
maar is, wil ons hê bande moet nog langer hou,
en die vraag wat die meeste gevra word,
verwys na banddruk
Kom ons kyk eers na die 3 tipiese banddruktoestande en
hulle langtermyngevolge:
1. Wanneer banddruk laag is,
gaan ‘n band uiteindelik teen die
kante afloop
2. Wanneer banddruk hoog is,
gaan ‘n band uiteindelik in die
middel afloop.
Die klem is op “uiteindelik”, want
hierdie is ‘n lang proses. Die
afgeloopte band-foto’s hierbo is
ekstreem, en dit vind tipies plaas
oor ‘n afstand van 20 000km of
meer. ‘n Band gaan nie so erg
afloop gedurende ‘n 5000km
vakansie as gevolg van
verkeerde banddruk nie.

GRONDPAD
Wanneer dit by grondpad-banddrukke kom,
aanvaar dat jy een of ander tyd ‘n gat in ‘n band
gaan kry en dit is 90% van die tyd die
agterband. Die teorie is dat die voorband die
skerp klippie regop draai wat dan die agterband
perfek slaan om ‘n gat te maak (dieselfde geld
vir spykers op ‘n teerpad – dit sit altyd in die
agterband). Daar is 2 redenasies aangaande
banddrukke vir grondpaaie:
1. Ry jou bande teen normale of selfs hoë druk
– ‘n stywe band verlaag die risiko van snye teen
die kante/sye, ‘n gat op die loopvlak onder op ‘n
band kan gewoonlik redelik maklik reggemaak
word, ‘n gat op die sy beteken baie keer dat jy
die band moet afskryf
2. Ry jou bande sagter – die rygerief is baie
beter, hantering is beter as gevolg van die
groter oppervlak wat kontak maak met die pad,
daar is egter die verhoogte risiko van snye teen
die kante/sye
Ek persoonlik blaas af na 1.5Bar wanneer ek
grondpad ry, 100km/h of vinniger. Ek weet van
mense wat afblaas na 1.2Bar wanneer hulle
grondpad ry. Rygerief en beter hantering is vir
my ‘n groot prioriteit. Deur al my jare van
grondpad ry, het ek 1 band verloor wat ek kan
toeskryf aan ‘n sny op die kant/sy.
TEERPAD
Maar wat is die ideale banddruk vir teerpad
dan? Die ideale banddruk vir teerpad is die
druk wat jou bande gelyk laat afloop.
Afhangende van die gewig op jou voertuig se
aste en die tipe band, gaan jy veilig wees
met ‘n druk van tussen 1.8Bar en 3Bar. Die
spektrum van aanvaarbare banddrukke is
baie wyd en die kans is bitter skraal dat jy
bande korttermyn groot skade gaan
berokken op 1.5Bar of 3.5Bar. As jy twyfel,
pomp jou bande 2.2Bar. Wanneer jy jou 10
000km interval wielbalansering en
wielsporing doen, meet die diepte van die
bandgroewe in die middel en kante van die
loopvlak, en indien daar verskille is, pas jou
banddruk daarvolgens aan met so 0.3Bar.

Dik & Los Sand
Daar is baie klein truuks wanneer dit kom by
dik sand ry, maar 3 dinge staan uit:
1. Banddruk is tipies 1.1Bar of laer, ek het al ‘n
hele paar keer met 0.7Bar in dik sand gery. Jou
wiel moet ‘n vet boep aan die onderkant maak en sommer lekker
pap lyk. Jy wil jou wiele se kontak-oppervlak met die sand so
groot as moontlik he. Klein bietjies afblaas op lae druk, maak
noemenswaardige verskille in sand. In baie gevalle gaan jy op
1.3Bar sukkel of selfs vassit, maar op 1.0Bar maklik kan ry.
2. Aggressie met die regtervoet – ‘n voertuig moet hard werk om deur dik sand te
kom, en jy wil jou enjin-revolusies net so onder die piek van die kragkurwe hou, dat
wanneer jy daai dik sand slaan of duintjie klim, jy voet in die hoek kan sit en
onmiddellik krag beskikbaar het. By die meeste voertuie is dit hier by 2000rpm rond.
3. Momentum, momentum, momentum – 1ste Rat in “Low Range” is te stadig vir sand,
en die tipiese ratte wat gebruik word, is 2de en 3de Rat “Low Range” of 1ste en 2de
Rat “High Range”. Indien jou voertuig nie ballonwiele ophet nie, en ook nie ‘n V8
onder die enjinkap het nie, kan jy steeds deur ‘n moeilike stuk sand kom met
momentum. Jy sal ‘n lang aanloop moet vat en aanvallend en vinnig moet ry. Jou
voertuig gaan baie skud en Mamma en die kinders sal moet vashou.

vatplek, dalk net die bietjie vashouplek wat jy nodig het
om oor te kom. Op ‘n klipperige roete ry ek gewoonlik
op 1.5Bar en blaas verder af indien ek voel die wiele
spin te veel. Hou in gedagte dat wanneer jy speel op
klippe, op baie lae drukke daar die risiko bestaan dat jy
jou band kan deurstamp op die wielvelling (“rim”),
skade wat jy wil vermy. Wanneer jy ‘n 4x4 roete doen,
en die eienaar bied jou sandsakke aan vir ekstra gewig,
vat hulle. Dis omdat hy weet jou voertuig gaan hier en
daar bokspring en traksie verloor waar jy dit gaan nodig
hê.
Die ekstra gewig maak ‘n groot verskil.
In dieselfde asem moet ek noem dat ek ‘n Oom het wat
al van die vroeë 80’s af op ‘n baie klipperige plaas boer,
en dis skerp klippe. Hy ry met hoë drukke, 3.5 tot 4Bar.
Sy ondervinding is dat hy minder snye op die bande se
sywande kry en sodoende minder bande verloor. ‘n
Mens moet in perspektief sien dat hy 300+ dae ‘n jaar
op skerp klippe ry in vergelyking met ons 4x4-klomp
wat dit ‘n paar dae ‘n jaar doen, sy risiko vir bande
verloor is aansienlik groter as ons s’n.
Klippe
Wanneer jy in “low range” oor rowwe klippe gaan,
gebeur dit partymaal dat ‘n klompie klippe perfek in ‘n
paadjie le sodat jy net nie kan oorkom nie. In baie
gevalle is afblaas die antwoord. Dit maak jou wiel
sagter en vergroot die kontakoppervlak en jou wiel
vou na regte verder om die klip en verkry meer
Koop jou Madkonbraai by ons
Lekker Kampplekke
Aanlynwinkel

MODDER
(‘n mengsel van sand, water, klei
en klippe) is gewoonlik groot pret,
groot speel, en groot skoonmaak na
die tyd. Indien jy op jou eie is en
niemand het om jou uit te trek nie,
is die veiliger opsie indien jy nie ‘n
keuse het nie, om op die spore van
die pad te bly, en nie af te wyk nie.
Die pad is reeds vasgetrap en jy
sink gewoonlik nie in nie. Reg
langs die pad gaan jy waarskynlik
insink en vassit. Ek ry tipies op
1.5Bar en blaas verder af indien ek
voel dat ek meer traksie nodig het.
Foto: Ivan Sonnekus
K l e i
Tensy jy graag wil vassit, iemand met ‘n
lang sterk tou en ‘n trekker het om jou uit te
trek en hierdie brandende begeerte in jou
het om baie vuil te word, bly weg van klei af
ten alle koste – good luck!!

Stadig maar seker word
ek ‘n ware kamper.
Deur Riana van Schalkwyk
Ons bou ons kampvoorraad op en raak net
slimmer elke keer.
Ek glo om te kamp moet mens alles beleef...
en weerstaan; van koue, wind en reën; en as
mens besluit om weer te gaan kamp ten
spyte van die ervaringe, dan dink ek mens is
ingelyf.
Ons eerste kamp by Hartebeespoort Oord
het ons met min klaargekom- daar het ons
geleer wat ons moes inpak.
Ons tweede kamp was by Bosveld Oase -
wat ‘n pragplek met mooi groen gras. Daar
het die wind ons amper terug Pretoria toe
gewaai, maar my man het sy knooptou vernuf
ingespan en sommer sy eie ekstra toue
gespan om die tent staande te laat bly.
Die derde keer het ons gaan kamp by
Bosfontein, heerlik in die koelte op ‘n
baksteen platform, en toe kom die reën... kort
kort.
Met 2 klein kinders vol moddervoetjies en
alles wat natbly, handoeke inkluis, het ons dit
oorleef. En lekker was dit op die
end...herrinneringe ingeprent.

Theuns kry hond se gedagtes by die
Kruger Wildtuin
Deur
Ansia en Theuns Posthumus
Ons is oor die algemeen baie lief om by die
Kruger Wildtuin te gaan kamp. My man en
sy oud kollega het een maal ontmoet by die
ou Waterwese kampie vir ‘n kuier. Ou
Dawie is ‘n Duitser en was dus lief vir sy
Duitse bier. Die aand was geen
uitsondering nie. Die ander kollega was
oppad uit en noem so in die verby gaan dat
hulle moet onthou om die hekkie toe te
maak.
Dawie vra my man of hy die hekkie
toegemaak het toe hy ingekom het waarop
my man Theuns bevestig. Hoe later die
aand, hoe kwater...
Theuns hol terug en gryp sy bord vleis wat
hy op die stoel neergesmyt het en hol weer
woonwa toe waar hy bier-brawe Dawie hoor
“Shoe, shoe, shoe, loop, voetsek” vir die
Hienna se kind.....dié was verbasend
skrikkerig vir die bier-brawe Dawie en het
maar eerder die pad gevat....
Volgende oggend sal hulle ontdek die ander
hekkie wat hul wél oopgelos het is aan die
agter kant van die woonwa versteek!..
Die vleis is net gaar en hulle skep sommer
so met die hande op. My man gewaar ‘n
hond wat om die woonwa vir hom loer. Hy
steur hom glad nie daaraan nie maar toe
besef hy skielik dit kan nie ‘n hond wees nie
want hulle is in die middel van die Wildtuin.
Hy vlieg op en so in die hol woonwa toe gil
hy vir Dawie “Dawie Passop! Hienna’s”....

SITRUSOEWER
RIVIERKAMP
Kirkwood (8 KM) /Oos-Kaap
OORSIG
Kamp Staanplekke 35
Persone Per Staanplek 4
Troeteldiervriendelik Vooraf reëling
Visvang Ja – rivier
Swemplek Kouewater swembad
Rivier
Grondbedeking Gras
Skaduwee Ja
Toeganklikheid Grondpad
Selfoon Ontvangs Ja
BESKRYWING
Sitrusoewer Rivierkamp is geleë teen
die oewer van die Sondagsrivier. Die
kamp is slegs 50km vanaf die Addo
Nasionale Park en 10 km vanaf die
Addo 4×4 roete. Die kampplek
bestaan uit 35 kampplekke, 4 persone
per staanplek. Die kampplekke het
grasbedekking en die meeste
kampplekke het skaduwee.
Kontak persoon Die Bestuurder
Kontak nommers 083 290 0466

WAAR EN WAARIN GAAN ONS
SLAAP?!
Deur Jaco Dippenaar van
Footprintperformance
REG…ons plek is bespreek, betaal…Ek kan
amper nie wag dat ons die pad vat van
Johannesburg, al langs die N4, Belfast verby
en deur natuurskone berge tot in die myndorpie
Phalaborwa, waar ons by die Krugerwildtuin se
hek ingaan.
In die volgende 6 maande beplan ons haarfyn
aan ons 4 dag wilderness stap op die Lonely
Bull roete, waar jy elke aand jou eie tent
opslaan en slaap onder die sterre. Hierdie
beeldskone
roete strek vanaf Letaba laagwater brug, tot by
die Mingerhout dam, al langs die magtige
Letaba rivier. Hier kan jy maklik in ‘n ou grys
olifant, groote seekoei of selfs ‘n “Lonely Bull”
vasloop…om nie eers te praat van kat se kind
nie. Gelukkig het ons 2 ervare veldwagters wat
saam met
ons groep van 8 hierdie roete gaan aanpak.
Wat gaan ons eet, waarmee stap ons, hoeveel
moet my rugsak weeg,
Hierdie is vrae waarmee ons die tyd verby kry
tot die dag wat ons eindelik, met soveel
afwagting na uitgesien het.
Ons ontmoet vir Shawn en Rasta by Mopani
ruskamp, die veldwagters in wie se bekwame
hande ons die volgende 4 dae gaan spandeer.
Abel is die gids wat ons op die weermag-groen
wildtuin voertuig die veld invat.
Na ‘n vinnige inligtingsessie deur ons gidse, sit
ons almal sy eie sak op sy rug en trap die
gemaklike stapskoene diep spore in die rooi
grond - oppad na ons eerste oornag kampplek.
Die stap is omtrent ‘n uur voor ons by ons
bestemming uitkom. Geel, groen selfs oranje
tente word vinnig opgeslaan sodat ons nog die
laaste sonstrale kan geniet voor die donker
ons omvou.
En terwyl ek onder ‘n enorme Appelblaar
boom, op die sandbanke van die pragtige
Letaba rivier sit,
besef ek, ek is nie net deel van Afrika, maar
Afrika is deel van my…

DORINGKLOOF
BOSKAMP
Willowmore Oos-Kaap
OORSIG
Kamp Staanplekke 20
Persone Per Staanplek 10
Troeteldiervriendelik Vooraf
reëling
Visvang Ja – dam
Swemplek Dam
Grondbedeking Gras/grond
Skaduwee Ja
Toeganklikheid Grondpad
Selfoon Ontvangs Wi-Fi
4×4 roete
Bergfiets roetes
Bergklim
Staproetes
Swem
Kontak Chris nommer 049 839 1160
Epos: 4x4@baviaans.co.za
DOENDINGE

Be prepared for a total family experience when the Cape Holiday Show
returns to the magnificent Sandringham Farm outside Stellenbosch
from October 26 – 28 this year.
Kevin: 0825533041
kevin@capeholidayshow.co.za

Het jy 'n storie wat jy met ons wil deel?
Stuur jou epos na
tydskrif@lekkerkampplekke.co.za
Kamp
Paklys
1 4 1 2 4 f o l l
2 5 0 0 0 D o w n l o a d s
1 9 9 7 0 0
P a g e V i e w s
1 2 8 7 1 L e e s d i e
o w e r s
L i k e s
2 , 8 2 6 , 2 8 9 o o r
a a n l y n t y d s k r i f
1 2 m d e t y d p e r k
W e b b l a d
g e b r u i k e r s
4 4 7 , 6 2 1
9 1 % v a n o n s g e b r u i k e r s e n L e d e w o o n i n
u i d - A f r k a
S
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.