CURRO OCT AFR

“Nobody can go back and
start a new beginning, but
anyone can start today
and make a new ending.”
Maria Robinson*
Die aanvang van die
vierde kwartaal en ons
reis deur die laaste paar
maande van die jaar, gaan
met effense hartseer en
nostalgie gepaard. Dit is
die laaste maal wat ons,
as skool, ‘n nuwe kwartaal
op dieselfde kampus sal
begin. Die hoërskool by die
Pebble Rock Landgoed,
neem nou vinnig vorm aan
en die opgewondenheid
onder leerders, ouers en
onderwysers is bykans
tasbaar.
Ons graad 12-leerders sal
eerskomende Vrydag met
hul laaste saalopening,
BOODSKAP UIT DIE
KANTOOR
amptelik aan die einde
van hulle akademiese
jaar kom. Hierdie
laaste saalbyeenkoms
verteenwoordig vir my
nie net die einde van ’n
bepaalde hoofstuk nie,
maar ook die nuwe begin
wat vir ons matrikulante
voorlê. Ek wens graag
ons matrikulante alles van
die beste met hul finale
eksamen toe.
’n Woord van dank aan
ons laerskoolpersoneel,
leerders en ouers wat ons
kaskardag so ’n reusesukses
gemaak het. Ek
het die dag terdeë geniet
en die vele glimlaggende
gesiggies en vreugde
onder ons ouers, leerders
en opvoeders, was
die hoogtepunt vir my.
Die fondse met hierdie
projek gegenereer, sal
aangewend word vir ‘n
pawiljoendak.
Ek doen ’n beroep op al ons
ouers om versigtig en op
hul hoede te wees wanneer
daar in die parkeerarea
en op die skoolterrein
bestuur word. Ons moet
altyd onthou dat die skool
leerders van so jonk as 2
jaar het, en dat spoed ’n
gevaar vir die voetgangers
op ons perseel inhou.
Ons personeel maak aan
die einde van November, na
afloop van die eksamens,
hul buiging op die verhoog
om bietjie ontspanning en
vermaak aan ons skool en
gemeenskap te verskaf so
voor die einde van 2017.
Verdere inligting volg
binnekort.
Ek moedig voorts ook
alle leerders aan om hard
gedurende die volgende
paar weke te werk om
derhalwe goed voorbereid
te wees vir die finale
eksamens van 2017.
Ferdi Niemand
*Ierse skrywer
KWARTAAL 3 Designed by sales-squad.com
3