NUUS_APRIL 2017

HOËRSKOOL
GEBEURE
Die van u wat bekend
is met die selfhelpboek
van Stephen R.
Covey, The seven habits of
highly effective people, sal
weet dat gewoonte 4, “Dinkwen-wen”,
is.
Die personeel verbonde
aan die hoërskool, het vir
hulself en vir die graad
12-leerlinge, baie hoë
doelwitte vir die jaar gestel.
Ons wil graag voortbou op
verlede jaar se sukses en
op die nalatenskap van
dr. Lalla. Wanneer ek die
doelwitte met die personeel
en leerders bespreek, kan
ek nie help om aan die
gesegde van “hoe om ‘n
olifant te eet”, te dink nie.
Ons het u as ouer nodig
om u kind te herinner om
daagliks hard te werk om
hul doelwitte te bereik –
bietjie vir bietjie. Indien ons
as skool suksesvol is in die
bereiking van ons doelwitte,
beteken dit dat die leerlinge
ook hulle doelwitte sal
bereik.
Ons het ‘n baie besige
kwartaal wat voorlê en ons
besef en erken dat deeglike
beplanning die sleutel tot
sukses is. Die bestuur het
Izak Nagel
dit daarom goedgedink
om op ‘n weeklikse basis
die daaropvolgende week
se program, met al die
aktiwiteite van daardie
week, op Vrydae uit te stuur.
U sal ‘n e-pos ontvang met
die program vir die week en
dit sal ook op die skool se
webwerf beskikbaar wees.
Die belangrikste aktiwiteit
wat hierdie kwartaal voorlê,
is die Junie-eksamen en
ons moedig leerlinge aan
om vroegtydig met hulle
voorbereiding te begin.
Die eksamen is egter
nie die enigste vorm van
assessering nie en derhalwe
is die assesseringsprogram
vir die kwartaal reeds
Vrydag op die leerlinge se
tablette geplaas. Nie net
is dit ‘n besige kwartaal
ten opsigte van akademie
nie, maar ook op die sporten
kultuurfront. Met die
wintersport wat reeds in
volle swang is, wil ons graag
alle spanne sterkte toewens
met hul ligawedstryde.
Daar is tennis en skaak
hierdie kwartaal asook
landloop voorseisoenoefening.
Die dans en ander
kultuuraktiwiteite gaan
ook aan soos voorheen
en daarom moet leerlinge
seker maak dat hul deeglik
en vroegtydig beplan om al
die oefeninge by te woon.
Winterkoue word reeds
vroegoggend aan die
lyf gevoel. Amptelike
oorskakeling na wintersdrag
is Maandag, 15 Mei. Die
eerste twee weke van Mei
is ‘n oorgangstydperk waar
leerders reeds op kouer dae
wintersdrag mag aantrek.
Let asseblief daarop
dat somersuniform en
wintersuniform nie gemeng
word nie. Ons is egter
bewus van die probleme
wat u met klerebestellings
by Grit ondervind.
Ons wil u graag versoek om
die datum met betrekking tot
ons jaarlikse Internasionale
Familiedag-vieringe, wat op
5 Mei tussen 8:00-9:00 sal
plaasvind, oop te hou.
Voorspoed en seën vir die
kwartaal en geniet nog ‘n
langnaweek.
Izak Nagel
Waarnemende
Operasionele hoof
KWARTAAL 2 designed by sales-squad.com
6