NUUS_APRIL 2017

Castle
Avonture
“Forget dancing like no
one is watching....Dance like a toddler.
They don’t even care if there’s music!”
Vreugde, vreugde en vreugde! Dis
so lekker om ons kleutertjies terug
te verwelkom en om te sien dat
hulle na hulle juffrouens én na ons skool
verlang het.
‘n Woord van verwelkoming aan ons nuwe
kleutertjies en ouers. Ons glo julle sal
dadelik deel voel van ons Castle-familie.
Loer gerus in ons fotogalery om te sien
hoe oulik die verskillende kultuurgroepe
verlede kwartaal tydens ons kultuurdag
gelyk het.
Ons het ‘n besige kwartaal wat voorlê
en ons MasterChef-kompetisie op 10
Junie, is om die draai. Khumo Ntloedibe
(Muisklas 2016) en haar ouers het
verlede jaar die derde plek ingepalm.
(Sien foto’s ook in fotogalery). Kom ons
kyk of ‘n kleuter met haar/sy mamma of
pappa hierdie jaar met die louere kan
wegstap. Ons het julle as vennote nodig
om hierdie fondsinsamelingsgeleentheid
wéér ’n reuse sukses te maak en daarom
vra ons u hulp. Ons benodig asseblief die
volgende:
1. Kontantbydraes vir die aankoop van
benodigdhede vir die spens.
2. 3x Geskenke/sakkies vir ons
beoordelaars.
3. 1ste, 2de en 3de plek pryse vir die
wenners.
Inskrywings vir die kompetisie open op 3
Mei 2017. Jy word ook die geleentheid
gegun om ons Masterchef-beer se naam
teen R10 te raai. Groot pryse is op die
spel. Dit sal gedurende Mei-maand in die
ingangsportaal uitgestal word.
Curro Roodeplaat stal by die Kolonnade
uit vanaf 2 – 7 Mei. Kom sê gerus vir ons
hallo.
Ons sien uit na ’n geseënde, tweede
kwartaal.
Warm groete,
Elna & Castle-personeel
BELANGRIKE
INLIGTING
1. Aangesien ons nou in die
winterseisoen inbeweeg, wil ek graag ‘n
beroep doen om nie medikasie skool toe
te stuur nie. Dit skep ’n moeilike situasie vir
die personeel om oor en oor te verduidelik dat
dit nie toelaatbaar is nie en ons volgens beleid
hieraan moet voldoen. Ons stel voor dat julle
asseblief eerder julle kleuter by die huis hou
totdat die medisyne, verligting bring.
2. Dis van kardinale belang dat julle
julle kleuters in- en uitteken in die
oggende en in die middae. Dit
is vir die veiligheid van
u eie kind.
BELANGRIKE DATUMS
27 April Johnny Marutle se verjaarsdag
27 April Vryheidsdag
28 April Skole vakansiedag
1 Mei Werkersdag
10 Mei Opedag
16 Mei Fisiese ontwikeling opleiding vir
alle personeel. Personeel sal
om 11:30 vertrek. Daar sal
toesig wees vir die kleuters.
19 Mei Uitstappie na Spar teen R20
per kind
10 Junie MasterChef
16 Junie Jeugdag
23 Junie Besoek aan Little Hearts
30 Junie Skole sluit om 10:00
KWARTAAL 2 designed by sales-squad.com
16