OVIE DRAFNUUS APRIL 2016

AFWARMING ? REGTIG……….?
8
Hoekom is afwarming na ʼn intense aktiwiteit belangrik?
Die hoofdoel van afwarming is om die herstelproses te versnel en die liggaam weer
gereed te kry vir die volgende aktiwiteit. Tydens intense en strawwe oefeninge
gaan die spierstelsel deur 'n aantal stresvolle prosesse. Spiervesels, tendons en
ligamente word beskadig en afvalprodukte bou in jou liggaam op.
Deur om deeglik af te warm, verseker jy dat die herstelproses in jou liggaam
versnel. Die spierpyn/ongemak wat gewoonlik die opvolgende dag ervaar word, is
aansienlik minder indien ʼn afwarmingsprogram gevolg word.
Dit ongemak word veroorsaak deur oa:
Die spierweefsels ontwikkel mikroskeure. Hierdie mikroskeure veroorsaak
swelling van die spierweefsel wat op sy beurt druk op die senuwee-eindpunte
plaas en die gevolg is gewoonlik pyn.
Tydens die oefening pomp jou hart ʼn groot hoeveelheid bloed na die werkende
spiere. Hierdie bloed dra beide suurstof en voedingstowwe wat die werkende
spiere benodig. Wanneer die bloed hierdie spiere bereik, sal die betrokke
spiere die beskikbare suurstof en voedingstowwe opgebruik. Die krag van die
sametrekkende spiere forseer die bloed dan terug na die hart waar dit weer
suurstof ontvang.
Maar wanneer die oefening gestaak word, hou die spiere op om die bloed (nou
sonder suurstof) terug na die hart toe te forseer om weer suurstof te ontvang.
Hierdie bloed asook afvalprodukte soos melksuur, bly in die spiere, wat dan op sy
beurt swelling en pyn veroorsaak. Hierna word ook as "Blood Pooling” verwys.
Dus, om af te warm help om die sirkulasie van bloed te verseker, wat op sy beurt
help om “Blood Pooling” te voorkom en om afvalprodukte in die spiere te verwyder.
Die sirkulasie van die bloed verseker dus dat die suurstof en voedingstowwe wat
deur die spiere benodig word vir die vinnige herstel van spiere, tendons en
ligament bereik
Die vraag is : Hoe graag wil jy herstel na ʼn oefening / wedloop ?
DUS : Hoe vinniger jy herstel, hoe vinniger kan jy die volgende oefening / wedloop
aanpak en hoe vinniger kan jy jou persoonlike doelwitte bereik.