SORG VIR Riviere - iwrm

46 | Hoe Sorg Ons Beter?
●
om toesig te hou oor watergebruiksregte en die verspreiding en gebruik
van water uit ’n waterhulpbron volgens die betrokke watergebruiksregte
te reguleer deur toestelle te bou en in stand te hou vir:
– meting en verdeling; of
– beheer oor die wegkeer van die vloei van water.
Opvanggebiedbestuursagentskappe
’n Opvanggebiedbestuursagentskap het ’n breër rol as ’n WGV. Die OBA’s
se rolle sluit in die ontwikkeling van ’n opvanggebiedbestuurstrategie en
koördinering tussen verskillende belangegroepe. ’n Waterbestuursgebied
(een of meer opvanggebiede) kan verskeie WGV’s hê, maar net een OBA.
’n OBA het die volgende aanvanklike funksies:
● om ondersoek in te stel na en advies te gee oor die beskerming, gebruik,
ontwikkeling, bewaring, bestuur en beheer van die waterhulpbronne in
sy waterbestuursgebied;
● om koördinering tussen die uitvoering van sy
opvanggebiedbestuurstrategie en die uitvoering van waterdiensteontwikkelingsplanne
deur waterdienste-owerhede (munisipaliteite) te
bevorder;
● om ’n Opvanggebiedbestuurstrategie vir sy waterbestuursgebied te
ontwikkel;
● om die aktiwiteite van watergebruikers en waterbestuursinstellings in sy
waterbestuursgebied te koördineer; en
● om gemeenskapsdeelname aan die beskerming, gebruik, ontwikkeling,
bewaring, bestuur en beheer van die waterhulpbronne in sy
waterbestuursgebied te bevorder.
’n Opvanggebiedbestuurstrategie is ’n belangrike manier om te verseker
dat maatreëls vir hulpbronbeskerming, soos die Reserwe, prakties in
werking gestel word. Die opvanggebiedbestuurstrategie moet onder
andere:
● beginsels vir die toewysing van water aan bestaande en nuwe
watergebruikers neerlê;
● alle sake rakende die beskerming, gebruik, ontwikkeling, bewaring,
bestuur en beheer van waterhulpbronne in ag neem; en
● in harmonie met die nasionale waterhulpbronstrategie wees.
(Kyk Opvanggebiede en volhoubaarheid in hierdie reeks vir meer inligting.)
Die Minister kan ook die volgende bykomende bevoegdhede en pligte aan
OBA’s oordra of delegeer:
● die bevoegdheid om waterhulpbronne te bestuur, te moniteer, te bewaar
en te beskerm en om opvanggebiedbestuurstrategieë toe te pas;
● reëls neer te lê om watergebruik te reguleer;
● die instelling van bestuurstelsels deur watergebruikers te vereis;
●
veranderings aan waterwerke te vereis; en