SORG VIR Riviere - iwrm

met hulle mee om voedsel en habitat en dit lei tot beide kleiner getalle en
plaaslike uitwissing.
Verlies aan biodiversiteit
Baie van die faktore wat hierbo genoem is, lei regstreeks of onregstreeks tot
die verlies aan biodiversiteit, aangesien sommige plant- en dierespesies in ’n
bepaalde gedeelte van die rivier uitsterf. Ons noem dit ‘plaaslike uitwissing’.
’n Plaaslike uitwissing is ook ’n totale uitwissing in die geval van endemiese
spesies omdat ’n endemiese spesie net in ’n bepaalde gebied voorkom en
nêrens anders nie. In ander gevalle is die verlies aan biodiversiteit net op ’n
deel van ’n rivier van toepassing omdat plante of diere wat voorheen in ’n
gebied voorgekom het nie meer daar is nie.
Mens moet vra: Maak dit saak?
Sommige mense sal beweer dit maak nie saak dat die natuur vernietig word
nie en hulle het verskeie redes vir hierdie argument: Ons kan dit beskou as
deel van ’n skepping, deel van ’n groter geheel of web waarvan mense ook
’n deel is, of deel van wat mense vir toekomstige geslagte wil nalaat. Ons
kan ook argumenteer dat die natuur heeltyd verander en dat tensy mense
of ekonomiese geleenthede deur sulke veranderings geraak word, dit nie
besondere rede tot kommer is nie.
Wetenskaplikes waarsku dat baie van die veranderings wat ons in die
natuur sien wel ’n uitwerking op mense en ons huidige of toekomstige
ontwikkelingsgeleenthede het. Sommige van hierdie veranderings is in
hierdie boekie genoem. Ander veranderings, soos spesieverliese, kan ’n
invloed op die toekoms hê, maar dit is gewoonlik baie moeilik, indien
nie onmoontlik nie, om die uitwerkings te voorspel. Om hierdie rede het
wetenskaplikes ’n veiligheidsbeginsel as onderliggend aan volhoubare
ontwikkeling voorgestel.
Ons het egter reeds oorgenoeg bewyse dat ekosisteme wat ryk aan
biodiversiteit is, makliker na rampe (soos vloede, droogtes, tsoenami’s)
kan herstel. Biodiversiteit dra tot die veerkrag by. Ekosisteme wat verlies
aan biodiversiteit gely het, is minder veerkragtig, minder in staat om van
uiterste gebeure te herstel, en is meer onvoorspelbaar. Dit maak hulle, hulle
voordele vir die mens (soos watervoorsiening en skoonmaak) en hulle
potensiële negatiewe gevolge (soos vloede) al hoe moeiliker om te bestuur.
Dit is verstandig om te sorg terwyl ons nog ’n aantal opsies het om dit wel te
doen.
Wat Kan Verkeerd Loop? | 29
Maak dit saak as ’n vissie, ’n insek
of ’n obskure plant wat min mense
nog gesien het, nie meer op ’n
plek voorkom nie? Veral as ander
lede van die spesie dalk op ander
plekke oorleef?