Hoofstuk 41 Geloofsoorloe, Gruweldade en ... - Ateisme.co.za

GELOOFSOORLOË, GRUWELDADE EN VERWERPLIKHEDE
Die gelowe preek liefde, verdraagsaamheid op alle vlakke van die samelewing ten einde
rasse en etniese haat te verminder. Is dit werklik wat in die drie Boekgelowe se heilige
Boeke staan?
Die Islam gelowiges beweer dat slegs ‘n paar fanatiste by die geweldpleging betrokke is.
Die Koran self roep onvoorwaardelik vir die doodmaak van alle ongelowiges en afvalliges.
Dus almal wie nie Allah as God en die Koran as God se heilige woord aanvaar nie. Dit
beteken dat Islam die doodmaak van die meeste mense op aarde aanbeveel. Hierdie
afgryslike aansporings in die naam van Allah is nie slegs die Goddelike fanatiese
verbeelding nie maar is in volle besonderhede uitgespel in die Koran! Die Koran as
heilige Boek, se opdragte is nie slegs vir ‘n paar fanatistiese gelowiges nie, inteendeel, dit
is voorskriftelik vir “elke goeie Moslem”. Dit is wat van ‘n Moslem verwag word!
Die volgende is ‘n direkte vertaling in Afrikaans van die 1997 Engelse vertaling van Die
Heilige Koran, deur A.R. en A.M Omar.
“Ons het verseker die kinders van Abraham die geskrifte en die wysheid gegee. Daar is
sommige van hulle wat daarin glo (die Koran) en daar is ander van hulle wie dit weg
gewys het, en die Hel (Gehenna) se vuur sal vir hulle voldoen. Ons sal binnekort almal
wie ons boodskap verwerp in die vuur gooi: so gou as hulle velle uitgebrand is, sal ons dit
vervang met nuwes sodat hulle ‘n volgehoue lyding van die straf verduur. Verseker, Allah
is Al-magtig, Al-wys”. (Koran 4:54 -56)
“Hulle sal van jou verwag om die geloof te verwerp soos hulle self dit gedoen het, sodat
julle almal eenders is; daarom moet geen vriendskap met hulle verbind nie totdat hulle
uitbeweeg in die wil van Allah”. (Koran 4:89)
“Allah sal die hipokrate en Godloënaars in die Hel (Gehenna) versamel, een en almal”.
(Koran 4:10)
“Maar die wie ongelowig is en ons boodskap as leuens uitroep, is die wie een is met die
verdoemende vuur”. (Koran 5:86)
“En (Moslems) veg hulle almal (In die naam van geloof) totdat daar geen vervolging meer
is nie, en aanvaarding van ‘n geloof (Islam) is algeheel die wil van Allah, maar sou hulle
ophou, sal die wakende oog van Allah weet wat hulle doen”. (Koran 8:39)
“So (gelowiges! Nou dat julle die wil van julle God weet) wanneer julle in (algemene)
slagveld die ongelowiges teenstaan, kap hulle koppe af, want vir hulle wat tot eer van
Allah gevel word, sal Hy hulle dade nie as ongesiens laat verby gaan nie. Allah sal hulle
tot sukses lei en hulle omstandighede verbeter. Eindelik sal Allah hulle toelaat tot die Tuin
(Paradys) wat Allah aan hulle, in die Koran bekend gestel het”. (Koran 47:4 -6)
Hierdie bevele en opdragte word nog verder versterk deur uitlokkende weelderige
beloning deur Allah aan sy vegters, indien hulle die ongelowiges in Sy naam vermoor.
In die Paradys (Hemel of Tuin) sal die manlikes op Sy bedekte banke rondlê, bestrooi
met juwele, in rustige groen tuine met soet water strome, verruklike vrugtesappe en ewig
lopende heuning, onbeperk in voorraad. Maagde met herstellende maagdelikheid, sal
liefdevol beskikbaar wees vir die vegters, en die wie van perdry hou sal ‘n Robyn perd
met twee vlerke voorsien word. Dit word nie in die Koran verduidelik of die maagde ook
1

die Paradys voordele sal geniet nie!
Die voorgenoemde twee beskrywings word herhaaldelik in die Koran weergee. Hierdie
fiksasies is deur die inwoners van ‘n warm klipagtige en sanderige omgewing, waar geen
vloeiende Riviere, bome of vrugte is nie, dus ongetwyfeld, ‘n verbeeldings vlug.
Die maagdelike dames is ‘n verdere aspek wat ook herhaaldelik in die fynste
besonderhede beskryf word. Kan dit moontlik na Mohammad se obsessie met jong
maagdelike meisies verwys?
Die volle beskrywing van die Paradys is baie lank en die volgende is dus slegs
uittreksels. Daar is twee tuine met groot verskeidenheid van bome en lustige plantegroei,
met pragtige rusplekke. Daar is twee fonteine met vrugte van alle soorte. Rus leenstoele
op dik mat bedekte oop ruimtes. Daar sal kuis en aanvallige jong dames wees, wat nog
deur geen man of Duiwel aangeraak is nie. Dit sal lyk of hulle van robyne en klein
pêreltjies gemaak is. Hulle is edel en pragtig. Hulle is wyd-oog maagde en beperk tot die
paviljoene, in die skadu van God se genade.
Die voorafgaande paragrawe is nie geskiedenis nie. Dit is direkte opdragte van Allah van
bo, sonder ‘n skiet stilstand, in die Koran, tensy die vyand hulle bekeer tot Islam. Hoe is
dit moontlik, dat groot en beweerde volwasse verantwoordelike mense ander so kan
mislei sonder deeglike breinspoeling? Waarom tree hierdie leiers nie as voorbeeld op en
neem die voortou in die aanvalle nie? Dit moet seker ‘n sweempie van wantroue in Allah
se beloftes wees of verkies Allah ook selfs jeugdige siele in sy paradys?
Die Torah van die Jode is selektief ingesluit in die Ou Testament van die Christene se
Bybel. Die Ou Testament is dan as sulks beide gelowe se openbaring van die Woord van
God. Kom ons kyk of die barbaarse waansinnigheid van God enigsins beter is as die van
die Koran, dus Allah. Ons sal elke geval met ‘n verwysing aanhaal sodat u self dit in die
Bybel kan naslaan. Die voorbeelde dek die hele veld van Massa moorde tot
vreesaanjaende dreigemente in. U is welkom om die volledige omskrywings na te slaan.
1. Die vloed was God se beplande uitwissing van alle lewende vlees buite die water, behalwe
vir die agt God verkose oorlewendes en die diere op die ark. Genesis 7:21 tot 23.
2. Die stede Sodom en Gomorra met die inwoners, diere en plante is verwoes deur God vir
geen duidelike rede nie. Genesis 19:24 en 25.
3. Onder leiding van Moses en met die hulp van God het Josua die Amaleke met die swaard
verslaan. Exodus 17:8 tot 16.
4. In Moses se afwesigheid maak sy mense ‘n goue kalf maar God gebruik Levi se mense om
sy vriend, broer en naaste dood te maak, sowat 3 000 manne is gedood. Exodus 32:27 en
28.
5. Behalwe die mense wie saam met Korag opgestaan het, het God nog 14 700 doodgemaak,
in ‘n plaag. Numeri 16:44 tot 49.
6. Op die oorwinningspad van Moses het hy met die hulp van God al die manskappe, seuns
en volk van Og, die koning van Basan gedood, en sy land in besit geneem. Numeri 21:33
tot 35.
7. Met die hoerery en Afgod aanbiddery (Baal-Peor) en die neem van ‘n Midianiet as ‘n vrou,
2

het God kwaad geword, en vir Moses gesê om die mense op te hang, dood te slaan en te
deurboor met ‘n spies, met sowat 24 000 gedood, daardie dag. LW: Moses self het ‘n
Midianiet as vrou! Numeri 25:4 tot 9.
8. Al die mans van die Midianiete konings is doodgemaak, maar al die besittings, kinders en
vroue is buitgemaak, op bevel van Moses as wraak deur God goedgekeur. Numeri 31:6 tot
12.
9. Die Ammoniete, ‘n groot volk is deur God verdelg (doodgemaak) sodat Moses en sy
mense daar kon gaan woon. Deuter. 2:19 tot 21.
10. So het God ook die Horiete verdelg. Deuter. 2:22.
11. Die Koning Sihon van Hesbon en mense is met die banvloek getref. Dus almal, mans,
vroue en kinders is doodgemaak en alle besittings is gebuit, met God se hulp. Deuter 2:33
tot 35.
12. God het sewe nasies voor Moses en sy manne verjaag. Die Hetiete, Girgasiete, Amoriete,
Kanaaniete, Feresiete, Hewiete en Jebusiete is almal met die banvloek getref. Almal, dus
mans, vroue en kinders is doodgemaak, met roof en verwoesting daarna. Deut 7:1 tot 5.
13. Die slagting van Jerigo is deur God bewerkstellig met die hulp van ‘n hoer (prostituut)
Ragab, wat dan deur Josua vereer is. Die barbaarse banvloek, “moor om Gods wil” tref
alle lewende mense, bees, skaap en esels. Al die waardevolle buit, goud, koper en yster
verryk die skatte van God. Josua 6:21 - 25.
14. Die stad Ai, alle manskappe en inwoners, 12 000 in getal, is deur die Goddelike banvloek
vermoor. Die koning was opgehang maar die vee en waardevolle goed het die Israeliete,
die keer, vir hulle self gebuit. God het blykbaar reeds genoeg goud en koper versamel.
Josua 8;19 - 29.
15. God het Josua en sy manne bygestaan en die stad Makkeda, sy koning en alle lewendes
met die banvloek getref. Josua 10:28.
16. God het ook Libna met die hulp van Josua en sy manskappe met die eerbare banvloek
getref. Die “siele” is doodgemaak. LW : die vyand word as “siele” beskryf! Josua 10:29
en 30.
17. Horam die koning van Gezer is ook deur die banvloek getref. Josua 10:33.
18. Eglon se “siele” is ook deur Josua en God met die banvloek getref. Josua 10 :34 en 35.
19. Hebron se “siele” is ook deur Josua en God se banvloek getref. Josua 10:36 en 37.
20. Verder het God, Josua bygestaan om die magte teen hulle saamgetrek by die waters van
Meron, te verslaan. Die perde se hakskeensenings is afgesny en die stad Hasor verbrand.
Alle “siele” is met die banvloek getref. Die vee en waardevolle items is deur die Israeliete
vir hulle self gebuit.
Beide Moses en Josua is nou reeds afgesterwe, maar nogtans gaan die mense slagting
voort. Die boek van Rigters blyk ‘n slagveld beskrywing te wees.
3

21. Die Kanaäniete en Feresiete is by Besek verslaan en 10 000 man is gedood. Rigters 1 : 4.
22. Juda, gesteen deur God en sy broer Simeon het Horma met die banvloek getref en ook
Gaza, Askelon en Ekron verower. Dit is eienaardig dat God die Almagtige nie die mense
met die ysterwaens op die vlaktes kon oorwin nie! Rigters 1 : 17 tot 19.
23. Die Engel van God ondersteun nou Israel om 10 000 goedgeboude en dapper Moabiete te
verslaan. Rigters 3 : 28 en 29.
24. Hier is die verhaal van Samgar wat 600 man met ‘n osdrywerstok verslaan het. Hier is
geen verwysing dat God hom gehelp het nie. Verseker ‘n groot storie!
Rigters 3 :31.
25. Die hele leer van Sisera is deur Barak met God se hulp met swaarde uitgewis maar Sisera
het te voet ontvlug maar is deur Jael met ‘n tentpen vermoor soos deur God voorsien.
Rigters 4:16 tot 21.
26. Gideon het met God se hulp 120 000 Midianiete gedood, maar 15 000 het nog oorleef.
Rigters 8:10.
27. Simson het met die hulp van God en ‘n vars eselkakebeen 1 000 Filistyne verslaan. Wie
sou nou kon dink dat ‘n vars eselkakebeen beter as ‘n masjiengeweer kan wees. Rigters
15:15.
28. God gee vir Pinehas opdrag om teen sy broer Benjamin te veg. So is 25 100 man met die
swaard gedood. “Wees lief vir jou buurman, nie broer nie!” Rigters 20:35.
29. God stuur die Ark met die vyf goue muise daarin na Bet-semes. Dan volg die slagting van
50 070 manskappe, omdat hulle die Ark van God besigtig het. 1 Sam 6:19.
30. Saul as nuwe koning tree in opdrag van God op en verslaan die Amalekiete. Die opdrag
was die banvloek. God se opdrag was, dood man, vrou, kind en suigeling, bees kleinvee,
kameel en esel. Agag, die koning bly gespaar asook die beste vee en God was berouvol
omdat hy Saul koning gemaak het. “God is vol emosies omdat sy bloedgieting nie
algeheel plaasgevind het nie!” 1 Sam 15:3 tot 8.
31. Saul eis 100 voorhuide van Dawid as koopprys vir sy dogter Migal as vrou. Dawid en sy
manne slaan 200 Filistyne dood en voorsien 200 voorhuide aan Saul en word sy
skoonseun.
Beslis ‘n bewys van geen respek vir mense lewens of vroue regte nie! 1 Sam 18 : 25 tot
27.
32. Nou ondervind ons dat God via Profete met Koning Dawid kommunikeer. So onderwerp
hy dan die Arameërs deur 22 000 manskappe te verslaan. 2 Sam 8:5.
33. Volgens die Afrikaanse Bybel het Dawid se magte 1) Sewe honderd trekperde en veertig
duisend ryperde doodgemaak. 2) Sewe honderd man op strydwaens en veertig duisend
oorlogsperde om die lewe gebring. 3) Nederlands : - Zevenhonderd wagenen en veertig
duizend ruiteren. 4) KJV: Slew the Men of seven hundred chariots and forty thousand
4

horsemen.
“Dit is seker nie nodig om die strydwaens of die perde te verslaan nie. Dit veg nie eers
terug nie!” 2 Sam 10:18.
34. Dawid veg teen Rabba en neem dit oor. Hy neem die waardevolle kroon van die koning
vir homself. Hy het die stad beroof en ‘n groot hoop buit van die stad opgestapel. Onder
drag van die metaalvoorwerpe moes die inwoners dan in die steenoonde inloop. Hulle
gebruik die woorde “deurgaan” maar ‘n “steenoond” beteken vuur om stene te bak. Gaan
kyk self by ‘n steenmakery. Mense met gereedskap kan nie daar deurloop nie. Dit moet
“smeltoond” wees wat ‘n hoë hitte oond is vir die smelt van metale. Hier kry die
gevangenes ‘n vuurdood en terselfdertyd word die wapens en gereedskap gesmelt, dus
vernietig. Al die mense van die stede van Ammon is so vermoor. 2 Sam 12:29 tot 31.
35. Die lafhartige Dawid verkies God se pes op sy mense soos gekommunikeer deur die
profeet Gad. So het God 70 000 man laat sterf as straf vir Dawid. “Werklik ‘n
genadevolle en regverdige God van Dawid. 2 Sam 24:15.
36. Dawid slaan alle mans in Edon dood. Sy leërowerste, Joab, het ses maande daar gebly om
seker te maak dat al wat manlik was, gedood was. Alles met God se wil! 1 Konings
11:15.
37. Die Goddelike profeet Elia beveel die volk om die profete van Baäl te gryp en na die spruit
Kison te neem. Elia het hulle daar geslag. Die woord “geslag” verwys sekerlik na “keelafsny”.
Daarna kon Agab en sy mense gaan eet en drink. 1 Konings 18:40 en 41.
38. Die koning van Israel, Agab, moet bewys dat sy God ook die vlaktes oorheers. Hulle
verslaan honderd duisend voetsoldate op een dag en ‘n muur by Afek val op 27 000
manne. LW : “Dit moes ‘n baie hoë en groot muur gewees het, maar met God se hulp is
alles seker moontlik!” 1 Konings 28 tot 30.
39. Koning Moab se boodskappers na Elia word deur God met vuur uit die hemel verteer.
Twee keer word die owerste en sy vyftig manne verteer en die koning sterf ook, sodat God
hom op die Afgod Baäl-sebub moet wreek. “Kon die vuur uit die hemel nie Baäl-Sebub
verteer nie?” 2 Konings 1 : 9 tot 14.
40. Volgens die profeet Jesaja, word om God en sy kneg Dawid se wil, 185 000 Assiriërs in
een nag, deur God se Engel gedood en koning Sanherib van Assirië word toegelaat om
terug te gaan na Nineve, waar sy twee seuns hom voor sy Afgod Nisrog vermoor.
“Verseker ‘n genadedaad deur die Goddelike Engel”. 2 Konings 19:35.
41. God en Juda verslaan Jerobeam en die hele Israel, 500 000 uitgesoekte manne word
gesneuwel (dus gedood). Jerobeam het gevlug en swak geword en gesterf. 2 Kronieke
13:16 tot 20.
42. ‘n Man van God verseker Amasia van sy oorwinning en sodoende verslaan hy die kinders
van Seïra, tien duisend dadelik dood en tien duisend van ‘n hoë krans afgegooi. “Daar is
altyd ‘n nuwe manier vir God om mense dood te maak!” 2 Kronieke 25:11 en 12.
43. Agas die seun van Dawid het Baäl beelde gemaak, aanbid, offerrook gemaak en kinders
geoffer. So het Israel en God op een dag 120 000 dapper manne doodgemaak. “Agas het
weereens weggekom en sy Gode bevorder”. 2 Kronieke 28 : 5 en 6.
5

44. Die Jode het in Susan 500 teenstaanders dood gemaak (en uitgeroei - wat dit ookal
beteken) en die 10 seuns van Haman doodgemaak. Koningin Ester versoek dat die 10
seuns opgehang word (vermoedelik reeds dood). Daarna is nog 300 man in Susan
doodgemaak. Op die 13de dag van maand Adar het die Jode nog 75 000 haters van die
Jode, in die provinsie doodgemaak. Daarna het die Jode ‘n Feesdag gehou en vir mekaar
lekkernye gestuur. Ester 9 : 5 tot 16.
45. God laat die aarde oopskeur om Korg en sy ondersteuners met hulle vrouens, kinders en
besittings te verslind. God voorsien ‘n vuur om 250 manne te verteer. Die vuurpanne
word gebruik om die altaar te oortrek. Hierna voorsien God ‘n plaag wat 14700 mense
doodmaak. Alles op aandrang van God. Numeri 16:21 tot 49.
46. Die mense was ongelukkig oor voedsel en veral vleis. God voorsien kwartels in oorvloed
wat met ‘n wind vanaf die see oorwaai en dood neerval. Die toorn van God was teen die
mense, en Hy dood almal wie die kwartels eet.
God die voorsiener van dodelike vleiskos! Numeri 11:1, 19 en 20, 31 tot 33.
47. Salomo die wyseman, vermoor sy ouer broer wie die koning moes gewees het. Hy verdryf
Abjatar, ‘n profeet van God. Hy laat ook vir Joab in die tent van God vermoor. Salomo,
die seun van Dawid by Batseba, doen al hierdie Ongoddelikheid, maar God laat dit
ongestraf verbygaan. Batseba kry alles reg!
48. Om sy weddenskap na te kom help God Simson om 30 manne dood te slaan om 30 stelle
klere te verkry, terwyl die man wie hom vergesel het, sy vrou gekry het. God help dus
Simson om mense te vermoor en te roof. Rigters 14:19.
49. Elia bewys dat hy ‘n man van God is en God stuur twee keer vuur uit die hemel en verteer
elke keer die owerste en sy vyftig manne. God sal Israel regeer met vuur en vrees! 2
Konings 1:10 tot 16.
50. Simson verloor sy hare, sy God, sy krag en sy oë, maar God help hom tog om die twee
pilare van ‘n huis om te trek en drie duisend vroue en mans saam met hom te dood. God
bied blykbaar voorkeur aan massamoorde. Rigters 16:27 tot 30.
51. Dawid, die Goddelike gunstelling koning, pleeg owerspel met Batseba, beplan Uria haar
man se dood en neem Batseba daarna in sy huishouding op. 2 Sam 11:4, 15 en 27.
52. Dawid het met God se seën sy verwoestende veldtogte voortgesit in die Suide van Juda,
Jerag-meëliete en Keniete. Hy het geen man of vrou lewend agtergelaat nie. Hy wou geen
getuies agterlaat nie. Alle vee, klein en groot, asook klere, is gebuit. Bloedgieting deur
God se kneg is dus bevorderlik! 1 Sam 27:9 tot 11.
Behalwe die 22 000 Arameers wat in 32 Hierbo na verwys is, het Dawid 18 000 by Sout-
Dal verslaan (2 Sam 8;13). Dawid verslaan die Israeliete by Efraim, met sowat 20 000
manne dood. 2 Sam 18:7.
53. ‘n Man versamel hout op die Sabbatdag en God sê vir Moses: “Die man moet sekerlik
doodgemaak word.” Die hele vergadering (al die mense) het hom gestenig. Blykbaar het
God vergeet dat hy die aarde en alles daarop eers op die sewende dag (Sabbat) klaar
gemaak het. Jesus self is deur sy dissipels aangespreek oor werk op die Sabbatdag. “Maar
6

wee die een wie die eerste klip gooi!” Numeri 15:32 tot 36.
54. Joab maak of hy Amasa wou soen en steek hom in sy maag, sodat sy ingewande op die
grond uitval en sterf. Daarna het Joab ‘n vrou omgepraat om die inwoners van Abel Betmaaga
te vra om Seba se kop af te kap en oor die muur te gooi. Beslis ‘n dapper
moordenaar! 2 Sam 20:9 en 10, 21 en 22.
55. God belowe om Sisera deur ‘n vrou te laat vermoor. Jael het die vlugteling na haar tent
gelok en versorg. Terwyl hy slaap, kap Jael ‘n tentpen met ‘n hamer deur sy kop, tot in die
grond in. Die daad word in besonder omskryf en besing in die “lofsang van Debóra”. God
het ‘n bietjie vroue hulp benut! Die Engel van God sê: “Vloek Meros, vervloek sy
inwoners, omdat hulle God nie gehelp het nie. Geseënd is Jael bo die vroue”. Rigters 4:18
tot 22 en 5:23 tot 30.
56. Saul wou hom wreek op Dawid en beveel dat 85 priesters van Nob tesame met die mans,
vrouens, kinders, suigelinge en alle lewende diere gedood word. Dit word toe uitgevoer
deur Doëg. Dit blyk dat God magteloos was om sy priesters en volgelinge te beskerm. 1
Sam 22 : 17 en 19.
In die voorgenoemde aanhalings is dikwels die algehele gesin uitgeroei. Die volgende
wreedhede is dan slegs op vrouens, kinders en suigelinge as kriteria gesellekteer.
57. Elisa tree as profeet op, stap na Bet-el, en klein seuntjies spot hom oor sy kaalkop. Hy
vloek hulle in die naam van God: - en twee bere (KJV sê “she bears”) het twee en veertig
kinders verskeur. “Kan dit waar wees? Die liefdevolle en verdaagsame God? 2 Konings
2 : 23 en 24.
58. Moses sit sy God se dreigemente voort. “Ek sal die wilde diere van die veld onder julle
instuur, en dié sal julle kinderloos maak”. “En julle sal die vlees van julle seuns eet en die
vlees van julle dogters sal julle eet.” Is die God van Moses onbevoeg om met volwassenes
te onderhandel? Moses en sy God kon dus kanibalisme afdwing! Levitikus 26:22 tot 29
en Jeremia 19:9.
59. God het Farao se hart verhard, sodat hy Israel nie wou laat uittrek nie. Exodus 11:10. Dus
God beïnvloed die besluit en voorsien die gevolge! “En middernag het die Here (God) al
die eersgeborenes, vanaf Farao tot die diere, in Egipteland, getref.” LW : eersgeborenes
verwys gewoonlik na die oudste in die familie! Dit beteken dat baie ou mense ook moes
sterf. Die klem van eersgeborene op kinders word hier beklemtoon en deur die Jode
voortgesit! Waaraan die diere skuldig was, is duister! Exodus 12:20.
60. Volgens God het hy doelbewus die mense laat voortgaan om hulle babas as brandoffer aan
te bied. “Ek het hulle onrein laat word deur hulle offergawes waarin hulle al hulle
eersgeborenes (moederskoot geopen, dus babas) verbrand het, ek wou hulle skrikbevange
(vernietig) maak sodat hulle sou besef dat Ek die Here is. Esegiël 20:26. Omdat hulle in
boosheid die opdrag, dat hulle die eersgeborenes (babas) met ‘n lam mag vervang,
verontsaam het, het God hulle laat voortgaan om hulle babas vir Hom te offer. Solank as
wat hulle dit doen, kinders (sons) as offers verbrand (pass through the fire), sal hy Israel
nie raadpleeg nie! “So seker as ek leef”, sê die Here my God. Hiervolgens lewe God.
Neem waar dat die babas verbrand word as offers, wat dan God se aanvanklike
ooreenkoms met Abraham was, laat dit voortgaan, as ‘n afgryslike daad, om Israel te straf!
Dan hoor ons, Jesus, God is lief vir kindertjies. Miskien moet u hierdie paragrawe vir
7

hulle verduidelik, dat God hulle dieselfde waarde ag, as ‘n lam. Onversoenbare
wraakvolle God!! Esegiël 20:31.
61. God se opdragte bots algeheel met vandag se norme. Slaan (tug) met ‘n roede (stok, lat,
rottang). Jy moet die kind juis slaan om hom van die dood te red. Lyfstraf is algeheel
verbode vandag. Dus almal wie nie kinders slaan nie, oortree God se opdragte! Spreuke
23:13 & 14.
Dit is moeilik om te glo dat die volgende dieselfde vertaling van dieselfde woord van God
kan wees : - 1) KJV : The Blueness of a wound cleanseth away evil : so do stripes in
inward parts of the belly. 2) Afrikaans : bloedige wonde louter die kwaaddoener en slae
die kamers van die binneste. 3) Nuutste Afrikaans : ‘n pak slae laat ‘n mens ophou
kwaaddoen; dit laat jou self ophou dink aan kwaad.
Wonde, blou merke, strepe, pakslae genees beslis kwaaddoeners! Waarom al die
sielkundiges en tronke?
62. Indien die ouers ander Gode aanbid, sal God die kinders straf, tot selfs die vierde geslag na
die ouers, die oortreders. Wat het die onskuldige kinders, nageslag, te doen met die ouers
se dade? Wat het nou van die geregtelike en liefdevolle “kinder liefhebbende” God
geword? Die emosionele jaloerse God is duidelik in onvermoë om die volwassenes te
straf, maar dreig hulle nou met die vrees van wraak op hulle kinders.
63. Paulus die Apostel van God dring daarop aan dat die vrou stil moet wees, met haar hoof
bedek of geskeer, deftige kleredrag, maar nie luuks met juwele versier nie. Sy moet goeie
dade doen en haar man onderdanig wees omdat Adam eerste gemaak is en sy daarna.
Hulle mag tuis vir hulle mans vra vir onderrig want dit is lelik vir ‘n vrou om in die
gemeente of eredienste te praat. As dit ‘n skande vir ‘n vrou is om haar hare af te sny,
moet sy haar hoof bedek. Die vrou het haar laat verlei en is dus in oortreding van die
gebod. God wie die mens in sy ewe beeld uit stof kon skep moes toe vir Adam ‘n vrou van
‘n deel van Adam maak, sodat die twee meer ewebeelde van God kan maak. Soos die
patriargiese diktatorskap deur God self uitgebeeld as ‘n man (Hy), word dit deur Paulus,
die vrouehater voortgesit. Kor 11 5 & 7, 14:34 & 5. Tim 2:9 tot 14.
64. Jesus self, het ‘n vrou en haar dogtertjie met honde vergelyk, slegs omdat hulle nie Jode
was nie. Die Jode en so ook Jesus, was goed met bose geeste uitdryf. Die nie-Joodse
dogter moes eers wag tot nadat die Jode geholpe was. Dus die onvanpaste vergelyking.
Die optrede is nie in lyn met die “beweerde” liefdevolle Jesus en sy woorde “bring die
kinders na my toe” nie. Markus 7:25 tot 28.
Dit is dan ook dieselfde Jesus wat sy volgeling duistere beloftes maak, sou hulle hulle
eiendom en familie, vrou en kinders verlaat, terwille van ‘n swerwers lewe saam met hom.
Wat het nou van die vyfde gebod, eer vir jou vader en moeder geword? Gelukkig is daar
niks in oor vrou en kinders nie. Dit is duidelik dat sou jy geen huis, vrou en kinders het
nie, jy ook geen verantwoordelikheid of respek daarteenoor het nie. Markus 10:29 & 30,
en Lukas 18:28 tot 30.
65. Volgens die heilige Bybel bied ‘n man van God sy gas, ‘n Levitikus se byvrou en sy eie
maagdelike dogter, vir die slegte mense van die stad aan, vir die veiligheid van sy gas.
Die Leviet bied toe self sy byvrou aan. Sy word die hele nag deur verkrag. Hy neem haar
na sy huis. Hy het ‘n mes geneem en sy bywyf gegryp (laid hold on) en haar (lyk, divided
her) stukkend gesny, in twaalf stukke, wat hy dan in die hele Israel rondstuur. Dit is
moord en liggaam beskadiging. Dit is soortgelyk maar meer walglik as die Sodom en
8

Gomorra verhaal. Dit is blykbaar om die wanordelikheid van die afwesigheid van ‘n
Godvresende koning te verduidelik. Dit is onseker of die byvrou dood was na die nag se
ontberinge en die Levit het ook nie seker gemaak of sy lewe nie. Dit is onwaarskynlik ‘n
verdigsel, want hoe stuur jy ‘n opgesnyde lyk, reg deur die land, vir besigtiging, sonder
verkoeling of ander preservering. Daar is geen vinnige vervoer in die dorpe en warm
wêreld nie. Ongetwyfeld ‘n fabel in God se ware woord! Rigters 19:22 tot 30.
66. God se wet is onverbiddelik dat sou twee mans veg en een se vrou snel haar man te hulp
deur die ander aan sy skaamdele te gryp, moet haar hand afgekop word. Dit is onseker
watter hand en die debat wat hieruit mag volg. Dit mag dan beter wees om nie betrokke te
raak nie. Deut 25:11 & 12.
67. God sê vir Dawid dat sy owerspel met Batseba vergewe is, maar die kind wat gebore word
sal sterf. Die kind het ernstig siek geword en na sewe dae gesterf. Kan dit waar wees dat
‘n verdraagsame geregverdige en liefdevolle God altyd vrouens en kinders mishandel, laat
ly en moor, terwyl die misdadigers skotvry wegkom! 2 Sam 12 : 14 & 18.
68. Salomo, die slim man van God was dan baie lief vir die buitelandse meisies met hulle
vreemde Gode waarvoor Salomo ook lief geword het. Sewe honderd vroue of prinsesse en
nog drie honderd vroue. Dit is beslis ‘n vernedering tot vroue dat hulle een man met ‘n
1000 ander sal deel en so misbruik word. Sou hy elke aand met ‘n ander vrou gemeenskap
hê, sal dit ongeveer twee en ‘n half jaar neem voordat dieselfde een weer ‘n kans kry.
Selfs 300 vroue met 600 byvroue, dus twee vrouens as hulp tot die vrouens, is steeds
geklik. Indien waar, behoort geen vrou enige respek vir Salomo te hê nie. God belowe
slegs dat Salomo later sy koningskap sou verloor, aan sy seun. Dit is duidelik dat God
Salomo met sy Godin Astarte en God Milkom met geduld verdra het! Wat het nou
geword van God se eerste gebod, “jy mag naas my geen ander Gode hê nie?” Die
almagtige God maak vrouens en babas dood maar is baie versigtig met Salomo! 1
Konings 11 : 1.
69. Jefta, ‘n man van God maak ‘n belofte tot God dat as hy die Ammoniete verslaan hy dit
wat eerste by sy tuiskoms uit sy huis hom tegemoet kom, as brandoffer aanbied. Hy het
net een kind, ‘n dogter gehad. Na sy oorwinning en tuiskoms was dit toe sy enigste dogter
wat hom tegemoet kom, uit sy huis. Hy maak sy belofte aan haar bekend. Sy versoek toe
om saam met haar mede vriendinne vir twee maande haar maagdelike staat in die berge te
beween. Hy laat dit toe en met haar terugkeer is sy as brandoffer aan God geoffer. Dit is
vandag ‘n tradisie in Israel dat die meisies elke jaar vier dae lank oor die dogter van Jefta
treur.
God, die alwetende en almagtige het mos geweet wie die geveg sou wen en wat se belofte
Jefta sou maak. Jefta as vader van ‘n dogter het geweet wie hom na ‘n lang afwesigheid
tuis sou verwelkom. Dit is weereens ooglopend dat God en sy manne slegs dié kon
vermoor wie magteloos onder hulle geweldadigheid is. Dit is nogmaals slegs ‘n
geloofsfabel as tradisie in God se heilige boek. Rigters 11:30 tot 40.
70. Die kinders wie nie hulle ouers respekteer nie (vloek) moet sekerlik doodgemaak word.
Die kind mag sekerlik dink, doen en skryf wat hy wil oor sy ouers, net solank hy nie dit
hardop sê sodat hulle dit hoor nie! Wat dan van die almagtige, alwetende God wat alles
reeds vir almal beplan het. Het God se eie seun hom dan gevloek dat hy hom doodgemaak
het? Weereens geen liefde of verdraagsaamheid van God nie! Exodus 21:17.
9

71. God beveel Moses om wraak te neem op die Medianiete. Die Gode Baäl-peor was weer
tersprake. Al die mans word gedood. Die vrouens, kinders, vee en waardevolle besittings
word gebuit. Volgens Moses was die vrouens ‘n oorsaak van die troubreuk teen God.
Moses beveel dat al die seuns en meisies of vroue wat reeds gemeenskap met ‘n man
gehad het, doodgemaak word. Dit was sekerlik ‘n ter plaatse fisiese ondersoek. Dink aan
die verwagtende vroue en die met suigelinge. Almal moet sterf in die naam van God.
Baäl-peor was sekerlik ‘n meer toegeeflike en liefdevolle God! Die troosprys, die
maagdelike meisies mag vir die soldate in die lewe bly! Jong meisies, maagdelikheid, vir
die manne van God! Sowat 32 000 maagdelike meisies. Die God van liefde en
geregtelikheid vaal weereens die vroue geslag en die kinders! Numeri 31:13 tot 18.
72. Met die volkstelling in Mispa was die inwoners van Jabes nie verteenwoordig nie. Moses,
man van God, stuur 12 000 dapper manne en vermoor almal in Jabes, mans, vroue en
kinders, behalwe 400 maagdelike meisies. Moses en sy woestyn God, Yahweh, het
weereens slegs respek en genade vir jeugdige, maagdelike meisies. Dit is dan so opvallend
dat die skrywers, reg deur die Boek, behep is met jeugdelike en maagdelike meisies!
Rigters 21:8 tot 12.
Daar is nog vele growwe afskuwelikhede in die Ou Testament. Die volgende is
voorbeelde van voorskriftelikheid en dreigemente wat ‘n vreesaanjaende geloof uitbeeld.
73. Dit is goed in die oë van God dat ‘n man met sy weduwee skoonsuster moet omgang hê en
kinders verwek. Onan wou nie die swaershuwelik voltrek nie en is daarom deur God
gedood. Dit bots met die ander Goddelike wet dat jy nie met jou oorlede broer se
weduwee omgang mag hê nie. Blykbaar het God nie van die ander opdrag geweet nie!
Genesis 38:9 & 10.
74. God beveel dat jy jou geliefdes, vrou, kinders, ouers, en vriende sekerlik moet doodmaak
deur steniging, sou enigeen jou uitlok tot ander Gode aanbidding. God het ook vergeet van
eer jou vader en moeder! Deuter 13:6 tot 10.
75. God is vinnig om ‘n reeks van bedreiginge voor te skryf om vrees in te boender. “Wilde
diere sal julle kinderloos maak en jou vee uitroei. God dreig almal met dit wat die
volwassenes die ergste sal skok. Die liefde van God vir vroue en kinders is altyd afwesig.
Levitikus 26:22. Lees maar die Hoofstuk 26 - vrees!
76. God sal Samaria laat boet, hulle sal val deur die swaard, en die kinders sal verpletter word,
en hulle swanger vroue oopgesny word. Die mees afskuwelike en bloeddorstige oordeel
word altyd omskryf. Hosea 14:1.
77. God straf die mense van Asdod met pesswere (geswelle = tumors) slegs omdat hulle in
besit van die Ark was. Dit is eienaardig dat hulle nie met die banvloek getref was nie. 1
Sam 5:6.
78. Salomo, seun van God, bou vir sy God ‘n huis met die hulp van 30 000 dwangarbeiders,
met 3 300 bevelvoerders. Dit is duidelik diktator regering wat deur God toegelaat word.
Die tempel vir God was glo voltooi, maar geen bewys daarvan is tot vandag nog deur geen
argeoloog gevind nie! Beslisde patriargiese diktatorskap deur God goedgekeur! 1
Konings 5:13 tot 16.
79. God is ook voorskriftelik hoe jy ‘n slaaf mag slaan. Slaan jy hom dood, kan jy gestraf
10

word. Sou die slaaf na een dag nog lewe, is daar geen straf nie, omdat hy eiendom was.
Die meeste ouens se slawe het blykbaar so ‘n dag of wat, langer gelewe na ‘n pakslae,
voordat hy dood is! Slawery en menslike mishandeling was die normale lewe soos deur
God voorgeskryf. As ons dit nie vandag doen nie, oortree ons dan God se wette! Exodus
21:20 & 21.
80. Noag is blykbaar ‘n suksesvolle wingerd boer en wynmaker. In sy dronkenskap lê hy kaal
in sy tent. Gam sien dit en vertel sy twee broers wie Noag bedek. Toe Noag wakker word
en tot verhaal kom, vervloek hy Gam se seun Kanaan, om vir altyd ‘n nikswerd slaaf vir
Sem te wees. Dit is dan waar die eerste slaaf met God se seëning sy oorsprong het.
Niemand kan vir Noag blameer nie, matrose drink maar altyd te veel! Genesis 9 : 21 tot
26.
81. God dreig die mense oor Babel dat hulle met spiese en swaarde doodgemaak sal word.
Hulle kinders sal voor hulle verpletter (dashed to pieces) word, en hulle vroue onteer word.
‘n Geweldadige volk met ‘n geweldadige God! Jesaja 13 : 15 & 16.
82. God wou seker maak dat niemand se nageslag oorleef nie. Sodoende is alles vernietig in
Tifsag en Tirsa deur Menáhem en al die swanger vroue is oopgesny (ripped open). Nog ‘n
bloeddorstige voorbeeld van minagting vir vroue en kinders, deur ons goedertierende God!
2 Konings 15:16.
83. Die profeet Elisa praat namens God en koning Jehu reel vir die uitvoeringe. Alle Baäl
aanbidders moet sterf. Geen genade nie. Agab se sewentig seuns word dood gemaak,
onthoof en die koppe word oornag in twee hope voor die stadspoorte gelaat. Daarna word
almal wie in Jisreël oor is, doodgeslaan. Die broers van Ahasia, 42 in totaal, is by die put
van Bet-eked dood gemaak. In Samaria het hy almal met verband tot Agab doodgemaak,
tot sy tevredenheid, volgens die Woord van God, soos deur Elisa gespreek.
Geloofsafwyking maak jou ‘n vyand en dit beteken die dood. So is ‘n feestyd vir Baälaanbidders
en priesters gereel. Toe almal in die Baältempel was is die opdrag gegee.
“Slaan hulle dood, laat niemand uitkom nie. God moes die opposisie Gode doodmaak deur
hulle profete en volgelinge uit te roei. Baäl het beslis nie oor die bloeddorstige
oorredingsvermoë beskik nie. 2 Konings 10 : 8 tot 28.
84. Kanibalisme was ‘n algemene dreigement deur God en vorm dus deel van Christendom tot
vandag. Tydens ‘n hongersnood in Samaria het ‘n vrou met ‘n ander ooreengekom om
eers haar seun te eet, en die volgende dag die ander vrou se seun. Hulle het toe haar seun
gekook en opgeët maar toe hulle die ander vrou se seun wou kook, het sy die seun
weggesteek. 2 Konings 6 : 28 & 29. Die bedreiging van vrees, sou jy nie God se gelofte
nakom nie, is dat julle die vlees van julle seuns en dogters sal eet. Levitikus 26 : 29.
Die inwoners van Jerusalem word deur God gedreig dat hulle die vleis van hulle eie
kinders, asook vriend en vyand. Ja, die inwoners sal mekaar eet. Dit sal tog so maklik vir
die almagtige lewende God wees om slegs ‘n klein verskyningtjie, self te doen, ‘n paar
woorde self te spreek, en nie ‘n profeet nie en almal sal vir altyd Hom aanhang. Dreig
almal met die uiterste van vernedering, kanibalisme, en hulle sal jou aanhang. Jeremia
19:9.
Die volgende blyk sommer net algemene geweld van God in die Ou Testament te wees.
85. Indien die maagdom (virgin) nie aan ‘n bruid gevind word nie en haar man haar assulks
11

eskuldig, moet sy voor haar vader se huis, waarin sy dan hoereer het, deur die manne van
die stad, gestenig word. Deuter. 22:20 & 21.
86. Ons het reeds voorheen uitgewys dat volgens Moses alle mans seuns en maagdelose vroue
gedood moet word. Die maagdelike meisies moet vir die manne gehou word. So is 32 000
Midianitiese maagdelike meisies vir Moses se manne beskikbaar gemaak. Die meisies
word tussen die esels en kleinvee, as buit gelys. Numeri 31:18 & 35.
87. Die wet van God is ook duidelik dat ‘n koppige en wederstrewige seun as deurbringer en
dronkaard deur sy ouers uitgewys, deur die manne van die stad gestenig word. So word jy
van boosheid ontslae, maak dood! Deut. 21:18 tot 21.
88. Vir homoseksulaiteit was daar geen genade nie. Dit is gruwelik. Die bloedskuld is op
hulle. Hulle moet sekerlik doodgemaak word. Ongeag of jy ‘n dronkaard, maagdeloos of
homoseksueel, God voorsien dieselfde straf. Dieselfde straf vir jou - dood beslis!
Levitikus 20;13.
Sou jy iemand doodmaak voor Moses se tyd, was God duidelik meer toegeeflik en sou jy
wanvoorstelling (bedrog) pleeg, kan jy vergewe word! Kain slaan sy broer Abel dood.
Kain kry toe vlugtelingstatus en word voëlvry verklaar. Wat maak dit saak as daar net
twee ander mense nog op die aarde is, Adam en Eva. So gaan bly Kain en sy vrou (wat
niemand weet waar sy vandaan kom nie) in die land van Nod, bou ‘n stad Henog wat
floreer. Almal was blykbaar as afstammelinge van Kain, bewus van sy merk, want
niemand het hom doodgeslaan nie. Genesis 4 ; 8 tot 24.
So span Jakob en sy ma Rebekka saam om sy Pa, Isak se seën te ontvang. Hulle kul die ou
blinde Isak met bok vleis, velletjies en wyn. Esau, sy oudste broer, besef die bedrog wat
gepleeg is. Jakob se ma waarsku hom teen Esau se wraak en Jakob vlug. In ‘n droom
belowe God hom die land waarop hy gelê en slaap het. Hy noem dit Bet-el. God se
belofte is dat sy nageslag groot en tot voordeel van al die geslagte van die aarde sal wees.
God het hier, sekerlik nie van Moses kennis gedra nie. In beide gevalle moes straf
uitgedeel gewees het. Inteendeel blyk beide God se seën te ontvang. Miskien was dit
maar slegs Moses wat sy God so verkeerd vertolk het! Genesis 27 & 28.
89. Daar is nog vele voorbeelde van Goddelike grusaamheid en verwerplike wette en
volksverhale. Ter afsluiting van voorgenoemde is ‘n aanhaling uit Dawid se lof en
danklied, ‘n goeie refleksie daarop : “Toe ek benoud was, het ek die Here aangeroep, en ek
het geroep tot my God; en uit sy paleis het hy my stem gehoor, en my hulpgeroep was in
sy ore.
Toe het die aarde geskud en gebewe, die fondamente van die hemel het gesidder en
geskud, omdat Hy toornig was. Rook in Sy neus het opgegaan, en ‘n vuur uit Sy mond het
verteer, kole uit Hom het gebrand.
En Hy het die hemel gebuig en neergedaal, en donkerheid was onder sy voete. En Hy het
op die Gerub gery en gevlieg; Ja, Hy het verskyn op die vlerke van die wind.
En Hy het Duisternis rondom Hom as hutte gestel, versamel van waters, diktes van wolke.
Uit die glans voor Hom het gloeiende kole gebrand. Uit die hemel van die Here gedonder,
en die allerhoogste het sy stem laat hoor.
En Hy het pyle uitgestuur. En hulle verstrooi, bliksems en hulle verwar.
En die beddings van die see het sigbaar geword, die fondamente van die wêreld is
blootgelê, deur die dreiging van die Here, vanweë die geblaas van die wind van Sy neus. “
2 Sam 22 : 7 tot 17.
12

Hierdie loflied van Dawid beskryf beslis die God in die voorafgaande veragtelikheid, baie
korrek.
Ons hoor gereeld dat God, sy seun Jesus, wat dan ook God is, gestuur het om die wêreld
van al die boosheid, onder sy vader se heerskappy, te suiwer. Kom ons kyk of Jesus dit in
sy eie woorde bevorder of weerspreek!
90. Die voorafgaande barbaarsheid van Moses se wette in die Ou Testament sal bly staan!
“Nie een Jota of een titeltjie van die wet sal ooit verbygaan totdat alles gebeur het.”
Moord en doodslag is ons voorland! Mat 5:18.
91. Jesus weier dat ‘n dissipel sy vader begrawe voordat hy hom volg: “volg my, en laat die
dooies hulle eie dooies begrawe.” Geen laaste eer of respek vir jou naaste nie! Mat. 8:21
&22.
92. Volgens Jesus is dit goed om jouself te kastreer vir die koninkryk. “En daar is persone wat
hulleself onbekwaam gemaak het terwille van die koninkryk van die hemele. Wie dit kan
vat, laat hom dit vat.” Die volmaakte geskape mens mag nou ‘n stukkie van sy liggaam
vernietig om meer aanvaarbaar vir God te wees. Was Jesus so gebore of het hy homself
ook gekastreer? Het die Pouse en sy Kardinale, Priesters, Profete tot ons kerklike
ampsdraers hulle ook laat kastreer? Dit is goed in die oë van onse Here! Mat 9:12.
93. Dit is ongeloofbaar dat Christendom vir vrede staan! Jesus self sê: “Ek het nie gekom om
vrede te bring nie, maar die swaard”. Blykbaar is daar geen verband tussen Jesus en
Christendom nie, behalwe geweld en vyandskap. Mat 10 : 33 & 34.
94. Jou huisgenote sal jou vyande wees! Jesus bevestig dat sy doel is om twee drag tussen die
familie lede te bewerkstellig. Dus ‘n heilige twisstroker! Mat 10:35 & 36.
95. Volgens Jesus sal Hy die wie nie aan Hom onderdanig is nie, deur sy Engele bymekaar
gemaak word en in die vuuroond (hel) gegooi word. Hulle sal ween en kners op hulle
tande. Is die hel dan nie die Duiwel se tuiste nie, waarom sal Jesus dit nou vir Hom stook ,
of werk die twee saam? Smeltoond (Furnace of Fire) is ‘n beter woord as vuuroond. Selfs
tande sal algeheel uitbrand, vergeet enige wenery! Mat 14:41 & 42.
96. Jesus bevestig dat Hy gekom het om vuur op die aarde te werp en dat hy wens dit is reeds
aangesteek. Die vuur is vir verskrikking. Ja, Jesus die vreesaanjaer! Lukas 12:49.
97. Jesus bevestig weereens dat Hy nie vrede voorstaan nie, maar beslis verdeeldheid en veral
in die familie. Geen wonder dat selfs die manne van sy geloof nie kan saamstaan nie en
voortdurend versplinter. Lukas 12:51 tot 53.
98. Volgens Jesus moet jy jou vrou, kinders en familie haat, ja, selfs jou eie lewe, ten einde sy
dissipel te wees. Wat het nou geword van “eer jou vader en jou moeder” en liefde vir jou
“vrou en kinders”. God se volmaakte skepping moet nou homself, sy voorgeslag en
afstammelinge haat. Die ou gesegde “aartjie na sy vaartjie” geld hier beslis. Jesus sit sy
vader se dade in prediking voort! Lukas 14:26.
99. Dan maak Jesus die belofte, dat sou jy die voorgenoemde nakom, familie, eiendom verlaat,
hulle en jouself haat, sal jy baie kere meer, die sogenaamde ewige lewe (hiernamaals)
13

ontvang. (“World to come” is vertaal as “Eeu wat kom”). Neem asseblief kennis, dat ‘n
belofte dat jy iets sal ontvang na jou dood, verval by jou dood! Lukas 18:29 & 30. Mark
10:29 & 30.
100. Die liefdevolle, genadiglike, verdraagsame Jesus is duidelik beslis soos sy vader wanneer
dit by diktatorskap kom! “Maar daardie vyande van my wat nie wou hê dat Ek Koning
oor hulle sou wees nie, bring hulle hier en slaan hulle voor My dood”. Jesus wil die
oordeel wat hy vel, uitgevoer sien. Slaan dood om God, Jesus se ontwil!!! Lukas 19:27.
101. God gee mense van dieselfde geslag se hartsbegeertes (figuurlik gesproke) aan onreinheid
oor, ten einde hulle liggame onder mekaar te onteer. Die manne se vroue word blameer
omdat hulle natuurlike verkeer na onnatuurlik verander. Geen verwysing geskied op
ongetroudes nie.
Dieselfde geslag se wellus teenoor mekaar het ontbrand. Dit is slegte gesindheid en
skandelike gedrag wat as ‘n dwaling geag word. Die sulkes verdien die dood. Alhoewel
Paulus erken dat God hierdie mense geskape het, daar fisiese afwykings kan wees en
begeertes deur God toegelaat is om oorhand te kry, moet hulle sterf. Sou God almal wie
skuldig is aan alles wat in Romeine 1 : 29 tot 31 omskryf is, die doodstraf gee, is daar
beslis min mense wat oorbly! Dit is duidelik dat alle afwykings in Paulus se tyd maar
presies dieselfde as vandag is. Seksuele variasies soos homoseksualiteit was daardie tyd
so ‘n normaliteit soos vandag. Die seksuele frustreerde Paulus het blykbaar oor geen
Godsgegewe wellus beskik nie, wat dan normaal vir Jesus en homself blyk te wees. Seks
was blykbaar slegs vir aanwas doeleindes, nie vir drang versadiging nie. ‘n Mens wonder
waarom God die mense met geslagsorgane geskape het, as Hy dit baie makliker en meer
volledig, volwasse, uit stof kon maak. Sou jy die God gegewe orgaan nie slegs vir
mensskepping wil gebruik nie, kan jy seker die vryheid van keuse, ook God gegewe,
aanwend soos dit jou pas. Sou jy dit glad nie gebruik nie, soos Paulus en Jesus, is dit
sekerlik ‘n misbruik van ‘n God gegewe orgaan en wellustige begeertes, maar dan,
niemand wil ‘n saak teen homself maak en homself veroordeel nie! Romeine 1 : 24 tot 32.
Levitikus 20:13.
Daar is ook ‘n klomp verwerplikhede in die Bybel, waarsonder die boek ‘n besliste
verbetering sal wees. Ons haal net ‘n paar aan ter bevestiging.
102. Volgens Moses is dit God se opdrag dat geen persoon met liggaamsgebreke enige
offerhandes (spyse, brood) aan God offer nie. Die omskrywings in die Bybels verskil baie,
met opsigtelike doel : blindes of lammes (kreupels) gesig verminking (misvormde, flat
nose) verskil in lengte van ‘n liggaamsdeel. Gebreekte hand (arm) of voet (been). Boggel
(dwarf) of uitgeteer. Vlek (pêrel) op die oog. Skurfte of uitslag. Gebreklike geslagsdele
(Hath his stones- (familie juwele) broken). Dit geld vir die nageslag van Aäron, wie enige
van ons mag wees! Ons hoor so dikwels, almal is gelyk geskape in die oë van God. Ons
almal weet dit is nie waar nie en hier bevestig God dit! Levitikus 21:16 tot 21.
103. God sal jou uitroei sou jy die geeste van afgestorwenes (familiar spirits) of waarseërs
nader. Ons inheemse bevolking sal sekerlik teenkanting toon teen “plat neuse” en
“voorvader geeste” op aandrang van “deurgangsregte”.
104. Ons het hierbo gelees dat dit goed is in die oë van God, volgens Jesus, sou jy jouself
kastreer. Moses se God sê dat jy nie in die vergadering van God mag kom nie indien jou
manlikheid verbrysel, vermink of aan gesny is nie, dus ontman (wounded in the stones
14

(familie juwele) or privy member cut off). Dit sluit dus alle Jode, sonder voorhuid, Jesus
ingesluit, in. Vele sulke teenstrydighede verskyn in ons onaanveglike Woord van God.
Deuter : 23:1.
105. God verbied ‘n baster (bastard - gebore uit ontoelaatbare geslagsgemeenskap) in sy
vergadering tot die tiende geslag. Die omskrywing van baster is onegte kind, van
gemengde bloed, kleurling, Rehoboth-basters. Wat sal ons kleurling bevolking hiervan sê
en wie van ons is seker van ‘n suiwer-ras? Wanneer is ‘n kind nou oneg? Maak God dan
nie al die kindertjies nie? Deuter 23:2.
106. Volgens ‘n vroulike teoloog word die man altyd as Goddelik beskryf omdat die skrywers
in die bybelboeke almal mans was. Daarenteen word die vrou in ‘n drogbeeld in vele
onwelvoeglike taal omskryf (seksuele lis (wellus), hoerery en egbreker). Dit is tog
belangrik om wel kennis te neem dat Ragab as prostituut (hoer) van Jerigo faam later as
die oumagrootjie van Koning Dawid opgeëindig het. Josua 2:1. God gee egter vir sy
profeet Hosea opdrag om vir hom ‘n hoervrou en hoerkinders te neem. Hosea 1:2. Die
vrou as metafoor tot Jerusalem word deur God as volg verbeeld. “So het ek dan ook jou
slippe opgetel oor jou aangesig, sodat jou skande gesien kan word. Jou owerspel en jou
gerunnik, jou skandelike hoerery - op die heuwels in die veld het Ek jou verfoeisels
gesien.” Jeremia 13:26 & 27. Volgens Moses se Goddelike wette mag ‘n priester nie ‘n
vrou neem, sou sy ‘n hoer wees, onheilig wees, deur haar man verstoot was, omdat die
priester (man) heilig aan God is. Sou die priester se dogter hoereer moet sy met vuur
verbrand word. Levitikus 21:7 & 9.
Die verhaal van Ohóla en Ohóliba, is ‘n uitgerekte omskrywing van twee meisies as hoere
en hulle geweldadige einde. “En die vergadering moet hulle stenig en hulle met hul
swaarde stukkend kap. Hulle seuns en dogters moet hulle doodmaak en hulle huise met
vuur verbrand.” Eségiël 23:1 tot 49. Dit is opvallend hoe vertalings kan verskil om die
growwe taal van die oorspronklike skrywers te verbloem. Die ou Afrikaanse vertaling en
KJV is egter soos volg : “omdat die dogters van Sion trots is en loop met uitgerekte nek en
ogies gooi, wegstap met trippelgang en die voetringe laat rinkel, daarom sal die Here die
skedel van die dogters van Sion skurf maak en die Here sal hulle skaamte ontbloot. Jesaja
3:16 & 17. Die laaste sin in voorgemelde twee aanhangsels vertaal uit oorspronklike
Hebreeus, in Engels, lees as volg:
Jeremia 13:26 “And I too will lift up your skirt over your face and your genitals will be
exposed”.
Jesaja 3:17. “The Lord will make bald the heads of the daughters of Sion and the Lord
will bare their cunts”.
Dit is duidelik dat die Goddelike manlike skrywers alles in hulle vermoë gedoen het om
die vroulikheid te onderdruk deur vernedering en belediging.
107. Die heilige boek van God beskryf die eet van mensvleis, kinders en ander, maar soms nog
erger dinge:
Tydens die beleëring van Samaria het die hongersnood toegeneem totdat hulle eselkoppe
en duiwemis geëet het. 2 Konings 6:25. In die beeldspraak van die slaaf Eségiël moet hy
garskoeke op die mis van mensedrek bak, voor hulle oë. Toe hy kla dat hy hom nog nooit
so ontreinig het nie, bied God hom beesmis aan om sy brood mee klaar te maak. Die KJV
sê “Shalt prepare thy bread threre-with”. Die nuutste Afrikaanse weergawe stel dit sag as
15

“kos gaarmaak op beesmis in plaas van op die uitwerpsel van mense.” Volgens Voltaire
het baie kritici hier die Goddelike bevel as walglik beskryf . Die oorspronklike skrywe
direk vertaal, lees as volg: “The Lord gave him to eat for 390 days bread made of barley,
wheat and millet, smeared with shit.” The profet exclaimed: “Phew! Phew! Phew! Up to
now my soul has not been polluted”. And the Lord replied: “well, I’ll give you cow dung
instead of human excrement (ontlasting), and you shall knead your bread with the dung!”
Baie van ons inheemse bevolking gebruik droë beesmis as hittebron, veral in die winter.
Daar is egter ‘n groot verskil tussen, bak, gaarmak, klaarmaak en knie. Laasgenoemde
beteken dat die beesmis ‘n bestandeel is! Om die oorspronklike woorde met sagter impak
woorde te vervang, maak dit nog geen verskil op die indruk wat dit skep nie. ‘n Walglike
hoofstuk of twee maak die hele Boek walglik! Esegiël 4:12 tot 15.
108. Kan dit waar wees dat God almal wou bang praat met drogbeelde? Daar word beskryf van
“vier lewende wesens (beasts) vol oë van voor en van agter.” Openbaring 4:6.
“‘n Lam asof Hy geslag is (keel afgesny) met sewe horings en sewe oë wat die sewe geeste
van God is ...” Openbaring 5:6. “En die voorkomste van die sprinkane was soos die van
perde wat vir die oorlog toegerus is, en op hulle koppe was iets soos krone wat nes goud
gelyk het, en hulle gesigte was soos die gesigte van mense en hulle het hare gehad soos
vrouehare, en hulle tande was soos die van leeus. En hulle het borsharnasse gehad soos
van yster, en die gedruis van hulle vlerke soos die gedruis van baie strydwaens met perde,
wat opruk na die oorlog. En hulle het sterte gehad soos die van skerpioene, en daar was
angels in hulle sterte, en hulle mag was om die mense vyf maande lank te beskadig.
Openbaring 9 : 7 tot 10. “En die koppe van die perde was soos leeukoppe, en uit hulle
bekke het vuur en rook en swawel uitgegaan. Openbaring 9:17. “En daar was ‘n groot
vuurrooi draak met sewe koppe en tien horings, en op sy koppe sewe krone.”
“En die groot draak is neergewerp, die ou slang wat genoem word Duiwel en Satan, wat
die hele wêreld verlei.” Openbaring 12:3 & 9.
En ek het ‘n dier (beast) uit die see sien opkom met sewe koppe en tien horings, en op sy
horings tien krone en op sy koppe ‘n naam van Godslastering. En die dier wat ek gesien
het, was soos die van ‘n beer, en sy bek soos die bek van ‘n leeu; en die draak het hom sy
krag gegee en sy troon en grote mag. En uit die aarde het ek ‘n ander dier sien opkom, en
hy het twee horings gehad nes ‘n lam en gepraat soos ‘n draak”. Openbaring 13:1, 2 & 11.
“En hy het die draak gegryp - die ou slang wat die duiwel en die Satan is - en hy het hom
gebind duisend jaar lank.” Openbaring 20:2. U mag met my saamstem dat sulke gedrogte
en drake sekerlik saam met die helde verering in kindersprokies tuishoort, en nie in ‘n
geloofsboek wat as God se onwrikbare woord getitel word nie. Geen mens met ‘n normale
brein kan sulke onsin ernstig opneem nie! Het God hom dan nie uitgespreek oor
waarseëry? Levitikus 20:6. Wat is die verskil tussen voorspellings, openbaringe en
waarseëry?
Wanneer sal die mensdom beskaafd genoeg wees om nie meer sinnelose geloof as
steunpilaar te gebruik ter bevordering van geweld, moord en eie belang? Geloof het tot
dusver slegs verdeeldheid, dood en terreur bevorder. As een spesie kan ons die lewe vir
almal verbeter om algeheel weg te doen met geloof en die werklike lewe realisties te
bevorder. Om reg te wees beteken nie om populêr te wees nie. Dit mag reeds te laat wees.
Die gelowiges moet wakker word en volwassenheid toon. Ons moet indringend ontslae
raak van geloof om vrede en realisme te bevorder. Geloof maak dood, vernietig en skep
lyding vir almal!
“Onkunde is die broeiplek van geloof”
16