Jan / Feb 2012 Nuusbrief - The Potato Foundation

potato nuus
UITGAWE ELF: JAN/FEB 2012
“No act of kindness, however small, is ever wasted.”
- Aesop, Greek fable writer

Welkom
Ons beplan GROOT dinge vir hierdie jaar
2012... Wat ‘n onwerklikheid om te dink dat
ons reeds ‘n nuwe jaar ingaan. Maar hou vas
aan alles wat julle het, want Potato gaan
hierdie jaar groot.
Ons gaan fokus daarop om ons Potato
Kidz goeie burgers van ons wonderlike
land te maak. Ons gaan hulle bewus maak
van hulle regte én verantwoordelikhede
deur ons program, “Huis van die Goeie
Burger” by ons projekinstansies aan te
bied. Ons kinders moet weet hulle het ‘n
verantwoordelikheid teenoor hulle land,
medemens en natuur. Ons gaan hulle leer
om empatie met hulle medemens te hê al
is hulle self arm. Hulle moet leer dat om
te GEE jou ‘n beter mens maak al sien jou
omstandighede hoe sleg daarna uit.
Om die kinders deur ons program te
neem moet ons na hulle fisiese sowel as
emosionele welstand kyk. Dit is waar ons
met jou as vrywilliger wil hande vat! Ons
kan nie ‘n kindjie iets leer as hulle honger
en koud is nie. Ons kan hulle nie van liefde
en omgee leer as hulle dit nooit ervaar het
nie. Jy, as vrywilliger, gaan die verskil wees
in hierdie kindjies se lewens. Jy kan vir hulle
wys dat daar hoop is en dat mense met
hope liefde omgee!
Kom wees deel van die Potato familie!
Om te gee, hetsy deur jou talente of
skenkings, maak ‘n verskil!

Potato Kidz
Die pret begin hier
Pay it forward
Ons program, wat hierdie jaar afskop, beloof
om baie interaktiewe pret vir die kinders te
wees. Die program is gebaseer op Mervyn
Woodrow se “Huis van die Goeie Burger”,
wat spesifiek ontwerp is om kinders goeie
Christelike waardes te leer en ook te laat
besef dat hulle verantwoordelikhede het wat
saam met hulle regte gaan. Dit is alles op ‘n
huistema gebaseer en elke week word daar
op ‘n ander deel van die huis gefokus.
Ons “Go-Green” program skop ook hierdie
jaar met die kleintjies af. Ons wil die kinders
entoesiasties maak oor ons land. Saam met
die kinders streef ons na ‘n blink toekoms vir
hulle en ons gaan aktief betrokke wees op
nasionale en internasionale dae wat daarop
fokus om die wêreld ‘n beter plek te maak.
Die kinders gaan ook betrek word op sulke
dae om bewusmaking te bevorder. Ons gaan
hulle aktiviste maak vir ons pragtige natuur!
Ons het ‘n groot verwagting vir die jaar!
As jy deel wil word van ons weeklikse
kuiertjies by die skole, laat weet ons
gerus. Dit sal lekker wees om jou daar te
hê. Kontak gerus vir Karina by karina@
thepotatofoundation.co.za om inligting
te kry oor die program wat ons by ons
projekinstansies gaan aanbied.
Ons het Desember 2011 die “Pay it forward”
projek geloods om fondse in te samel. Ons
het ons Potato-vriende gevra om deur
middel van elektroniese bankdienste ‘n
maandelikse aftrekorder van R100 (of enige
bedrag waarmee hulle kan help) ten gunste
van die Potato Foundation te teken. Dit
was na ‘n groot ekonomiese terugslag vir
Potato.
Die reaksie was oorweldigend! Baie dankie
aan elke vrywilliger wat bydra tot hierdie
inisiatief. Deur julle gebede en skenkings
hoef ons nie ons deure toe te maak het nie!
Ons moes egter heelwat terugsny en vra
dat julle ons asseblief in julle gebede en
gesprekke met mense wat ons moontlik
verder kan ondersteun sal onthou.

Tassieprojek
Reg vir groot skool
Voedingsprogram
‘n Maklike manier om betrokke te raak
Die jaar het fantasties begin deur die
skenking van nog skooltassies en
skryfbehoeftes! Mens weet nie altyd hoe
om dankie te sê nie en ons kan nie in
woorde beskryf wat julle skenkings beteken
nie.
Baie dankie aan Nicola de Wet en haar
span van Highveld PFS vir die skenking en
ook die kuier saam met ons by Westford
Community Centre. Hulle het 26 tassies
met skryfbehoeftes oorhandig aan kinders
wat GEEN tassies het nie. Baie dankie ook
aan Bronwyn Boswell en haar kollegas van
Bateman vir die skenking van ses tassies
met skryfbehoeftes wat op dieselfde dag
uitgedeel is.
Danksy Liberty Life kon ons ook vir elke
kind ‘n kospakkie gee met ‘n week se
voorraad vir die pragtige nuwe kosblikke
wat hulle ontvang het. Dit maak ‘n mens
se hart warm dat ‘n kindjie (wat etlike
kilometers na en van die skool geloop
het) met ‘n klein sakkie daar aangekom
het en met ‘n groot tas en glimlag huis toe
gegaan het. Aan al die werknemers in die
bogenoemde drie maatskappye: julle was
en is die verskil in hierdie kinders se lewe!
DANKIE!
Ons het altyd ‘n behoefte aan skooltasse
en skryfbehoeftes want daar is nog baie
kindertjies wat sonder tassies skool toe
gaan. Vir meer inligting, kontak ons gerus.
Aan die einde van verlede jaar het ons
die slegte nuus ontvang dat ‘n groot
borg, wat ‘n groot gedeelte van ons
voedingsprogram gefinansier het, ons nie
langer kon ondersteun nie.
Ons kon dus noodgedwonge nie hierdie
jaar afskop met ons voedingsprogram
soos in die verlede nie. Ons wil baie graag
vir elke kindjie en sy of haar gesin van kos
voorsien. Kos is vir ons vanselfsprekend,
maar vir baie kinders is dit iets wat hulle
(dalk) een keer per dag by die skool kry.
Dit beïnvloed hulle fisiese en verstandelike
ontwikkeling.
Ons het bederfbare sowel as niebederfbare
kos nodig. Indien julle weet
van mense wat ons behulpsaam kan wees,
kontak ons asseblief.
Dankie aan Frits Kroon Transport wat
aan ons gedink het toe een van hulle
vragmotors vol perskes omgerol het. Baie
van ons projekinstansies kon perskes gaan
oplaai en onder gesinne uitdeel!

‘n Skool gee om
‘n Slim plan om ‘n verskil te maak
Laerskool Monument Park het verlede jaar met hulle
Graad 7s ‘n sokkie gehou om 2011 af te sluit. Die kinders
se toegang was blikkieskos wat hulle hierdie jaar aan ons
geskenk het. Ons het dié kos by die NEA Foundation *, een
van ons nuwe projekte, uitgedeel.
Baie dankie aan elke Graad 7 leerder en spesifiek aan hulle
departementshoof, Me. Anet Burns. Julle is ‘n bak skool!
* Gaan besoek gerus ons webwerf om meer inligting te
kry oor ons nuwe projekte.
Belastingsertifikate
Aangesien die einde van Februarie al hoe nader kruip
en dit vir baie belastingbetalers ‘n kopseer raak om
hulle belastingopgawes in te gee, wil ons dit van ons
kant af makliker maak om seker te maak dat jy al jou
belastingsertifikate ontvang het. Ons is tans besig om ons
sisteme op te gradeer en sal jou moontlik kontak om jou
inligting te bevestig.
Indien jy gedurende verlede jaar probleme met jou
sertifikate ondervind het of dit nie ontvang het nie, kontak
asseblief vir Gerda by gerda@thepotatofoundation.co.za.
ONTHOU HIERDIE DATUM
KAALVOETDAG
Dinsdag, 10 APRIL 2012
Moenie uitmis nie!

Bly op hoogte
‘n Vinnige manier om op hoogte te bly en aktief deel te neem aan ons aktiwiteite is
om ons webwerf, Facebook-bladsy of ons op Twitter te besoek. Jy gaan uitmis as
jy dit nie doen nie!
• www.thepotatofoundation.co.za
• http://www.facebook.com/pages/The-Potato-Foundation/130107300360975
• http://twitter.com/#!/ThePotato1
Kom leef jou passie uit en
maak ‘n verskil!
Kontak The Potato Foundation
Telefoonnommer: 082 967 6258
Faksnommer: 086 612 6532
E-pos: info@thepotatofoundation.co.za
Webwerf: www.thepotatofoundation.co.za