November 2011 Nuusbrief - The Potato Foundation

potato nuus
UITGAWE NEGE: NOVEMBER 2011
“It’s not that successful people are givers; it is that givers are
successful people.” Patti Thor

Kersprojek:
Van die weste na die ooste
Ons Champions maak geskiedenis
Sestig graad 7 leerlinge van die Danville
gemeenskap - die Champions wat op ons
jeugkamp was - neem die voortou in ‘n
projek waar die gemeenskap van Danville
fondse gaan voorsien en deel sal raak van
‘n inisiatief waar die weste van Pretoria
‘n liefdadigheidsprojek loods om Joining
Hands in die ooste van Pretoria te help. Die
Champions vat die leiding in ‘n revolusionêre
beweging wat die hele gemeenskap gaan
verander!
Die projek het afgeskop en die Champions
is hard aan die dink oor hoe hulle hierdie
projek ‘n sukses gaan maak. Die eerste berg
om te oorkom, is hoe om fondse in te samel
om vir Joining Hands se babas die nodige
aan te koop. Die kinders se idees sluit die
volgende in: ‘n koekverkoping, karwas,
fliekaand, sokkie-aand en dan natuurlik
soos enige dertienjarige geld in die hande
sal kry, vra die ouers! So met die logistieke
wat besig is om in plek te val, is die kinders
eintlik besig om geskiedenis te maak (sover
ons kennis strek)!
Op 26 November 2011 hou die Champions ‘n
ooievaarspartytjie vir die mense van Joining
Hands MAAR terselfdertyd wil ons in die
geheim vir ons Champions kinders bederf
met ‘n Kersfees afskeidspartytjie. Hulle mag
niks voor die tyd weet nie. Dit is hier waar
ons julle vrywilligers se hulp nodig het:
1. Ons soek vrywilligers wat ons op die
dag kan kom help.
2. “Vader Kersfees” sal ‘n skoenboks aan
elke kind oorhandig waarin ons graag
die volgende items wil insluit:
a. ‘n Dagstukboekie (Ons het nie die
fondse gehad om tydens die kamp
vir hulle so ‘n boekie te gee nie. Dit
moet ‘n boekie wees wat hulle kan
help om hulle Bybel te lees en hulle
kan help met vrae wat kan opduik
tydens hulle graad 8 jaar.)
b. Skryfbehoeftes
c. Lekkergoed
d. Briefie met wat jy die kind toewens
vir sy of haar hoërskooljare met jou
naam. As jy vir iemand so ‘n boks wil
opmaak sal ons jou vir jou ‘n naam
deurgee.
3. Ons wil tydens die partytjie sommer
lekker braai. Ons soek graag iemand wat
die vleis en/of bykosse sal borg.
4. Aangesien dit so warm is hierdie tyd van
die jaar gaan ons speletjies met water
met hulle speel. Indien jy ‘n waterwurm
het wat ons kan leen, laat weet ons
asseblief.
Ons hoop julle is so opgewonde soos
ons oor hierdie dag! Indien jy belangstel
om ons die dag te kom help of op watter
wyse ookal betrokke te raak by hierdie
projek skakel gerus die Potato kantore
op 082 967 6258 of e-pos Martin by
martin@thepotatofoundation.co.za.

Kersprojek:
Graad 1 tassies
Ons het 114 voornemende graad 1’s vir wie
ons elkeen ‘n tassie wil gee. Danksy julle, ons
vrywilligers, het ons 87 geborg gekry!
Ons versoek asseblief dat elkeen wat ‘n tassie
borg, dit voor 18 November by ons kantore
besorg of die nodige reëlings tref sodat ons
die tassies by julle kan kom haal.
Ons gaan die tassies uitdeel by die
afsonderlike skooltjies se gradeplegtigheidaande
of tydens ons afsluiting by die
skooltjies die laaste week van November.
Vir enige verdere navrae oor die projek
kontak asseblief vir Karina by die kantoor
of by karina@thepotatofoundation.co.za
Kersprojek: Maandpakkies vir Desember 2011
Ons maandpakkies vir gesinne in Danville vorder wonderlik en daar is al 10 gesinne geborg. Nog net 15 gesinne moet geborg word en dan
kan ons baie mense se harte warm laat klop hierdie kersfees. ‘n Kospakkie vir die gesinne belopp ongeveer R650 en sluit die volgende in:
1x 2kg Tastic Rys
1x 5kg Suiker - Royal
2x 500g Sout
1x 1kg Country Pasture Melk Poeier Blend
4x 2 min noodles
5x 500g macaroni
1x 2kg Jungle Oats
1x 10kg Impala Mieliemeel
1x 2kg Suikerboontjies
3x 410g Tamatie uie mengsel
3x 410g Gemengde groente
1x 500g Mutton soya maalvleis
1x 500g Beef soya maalvleis
1x 500g Chicken soya maalvleis
1x 500g Steak & tjops soya maalvleis
1x 750g Ricoffy koffie
1x 800g Black Cat grondboontjiebotter
1x 250g Oxo smeer
1x 1kg Goue stroop
1x 900g Gemengde vrugtekonfyt -
Hazeldene
1x 5kg Samp
1x 400g Smash
1x Glen Tee 200 sakkies
1x 120g Speserye
3x 425g Pilchards in tamatiesous
1x 5 liter Lemoen Squash
1x Vars groente
Help ons om hierdie oorblywende 15
gesinne kos te gee in die feesseisoen.
Indien julle by hierdie projek wil inskakel,
kan julle ons gerus kontak.

Food from Heaven: Nog ‘n seëning vir The
Potato Foundation
Baie dankie aan jou!
Na ons ‘n paar nuusflitse per e-pos
uitgestuur het en ons getroue databasis (dis
jy!!!) ons e-posse aangestuur het, het ons
‘n aangename oproep ontvang van ‘n baie
nederige man wat verkies om anoniem te
bly.
Die persoon kan nie uitgepraat raak oor hoe
die Here hom en sy besighede seën nie en
het besluit om vir behoeftige mense vars,
hoë gehalte kos te voorsien op ‘n daaglikse
basis. Die getalle is enorm en genoeg om
enige kok te laat sweet!
Ons is baie bevoorreg om ook weekliks
groot skenkings van vars voedsel te ontvang
en na ons projekte te versprei. Dis ‘n groot
inspuiting in ons voedingskema waarvoor
ons baie dankbaar is!
Ons wil dus van hierdie geleentheid gebruik
maak om ook vir jou, wat ons so getrou
ondersteun, baie dankie te sê. Ons waardeer
jou ondersteuning opreg, maak nie saak
in watter vorm dit kom nie! En vir julle wat
die Potato Nuus versprei, wil ons ook net
so bedank. Ons is maar gootliks afhanklik
van ‘word-of-mouth’ tipe bemarking en
waardeer dit dat julle nie die nuus vir
julleself hou nie! Ons vertrou dat elkeen nog
meer geseën sal word as gevolg van julle
baie mooi harte.
Nuwe projek: Joining Hands Nursery
‘n Huis vol liefde
In 2006 het Carina en haar man, Chris as
‘n huis van veiligheid geregistreer onder
die naam, Tswane House of Safety. Menige
babatjies het al vanaf hul geboorte hier
gebly. Hulle tree as gesin op vir hierdie
babatjies totdat hulle aangeneem of herenig
word met hulle ouers.
Indien hulle ses jaar oud is en nog steeds in
die sisteem is, word hulle oorgeplaas na ‘n
weeshuis. Dit is ook hoe hulle een dogtertjie
aangeneem het. Sy het ‘n selebrale
gestremdheid en ander mediese toestande
en niemand haar wou haar aanneem nie. Sy
sou na ses jaar vergete in sisteem gebly het.
Vandag is sy ‘n gelukkige kind met ouers.
Ons het hulle gaan besoek en watter
wonderlike mense is dit nie! Hierdie kinders
is soos hulle eie. Die een ding wat volop in
die huis is, is LIEFDE!
Vir die afgelope drie jaar kry hulle GEEN
kindersorgtoelae van die staat nie en
koop hulle alles uit hulle eie sak. Ons wil
hulle graag, in samewerking met julle,
ons vrywilligers, help. Hulle het tans drie
kinders in hulle sorg, maar wil graag nog drie

Joining Hands Nursery
vervolg
inneem. Daar is tans baie kinders in die welsynsisteem en
daar is nie genoeg huise as plekke van veiligheid nie.
Ons Champions Jeugkamp tieners het hulle as ‘n projek
aangeneem vir kersfees (sien bladsy twee oor die
ooievaarspartytjie wat hulle gaan reël) , maar ons wil julle
ook vra of julle wil help. Indien Carina te veel van ‘n produk
kry, sal Tswane House of Safety dit onder hulle ander 102
gesinne verdeel.
Hulle behoeftes is soos volg:
1. Doeke (Pampers/Huggies/Cuddlers): Hulle kry
partykeer mense wat goedkoop doeke skenk, maar die
probleem is dat hierdie doeke nie lank hou nie en dat dit
baie keer daartoe lei dat die kinders ‘n uitslag kry. Veral
seuntjies het ‘n probleem.
2. Formule melk (Nan 1&2&3/ Lactogen 1&2/Pelargon/
Lactose Free/Infacare): Met die staat se besluit dat
klinieke en hospitale nie meer formulemelk mag
uitgee nie word hierdie ‘n groot finansiële las vir
pleegsorgouers.
3. Benodigdhede (Wet Wipes/sjampoe/lyfwas/
boudroom/oorstokkies/Aquabas Emulsifying
Ointment BP): Alle middels moet asseblief geurvry
wees, want meeste kindertjies se velletjies kan dit
nie hanteer nie. Hulle kry hierdie babas in velde en in
haglike omstandighede. Aquas Room is al wat gebruik
kan word.
4. Babapap/ Gebottelde babakos (Purity)/ Sap
5. Multivitamien vir babas
6. Klere (premature/newborn/0-24 mnde), komberse
en opvoedkundige speelgoed
Die maandelikse uitgawes van ‘n pasgebore baba is omtrent
R1 250. Dit dek net die basiese (248 doeke/12 houers
formule melk/basiese toiletries/multi vitamien) en sluit nie
medisyne ens. in nie. Indien jy ‘n kind maandeliks wil borg
skakel ons asseblief. Dit moet ‘n langtermyn verbintenis
wees, want indien Carina ‘n kind inneem en sy verloor die
skenking, moet die kind terugbesorg word.

Kidz Rights:
Die Goeie Burger
Kinders leer om goeie burgers te wees
Ons het onlangs ‘Die Goeie Burger’ program by Wonder of His Grace kleuterskool
aangebied. Die kindertjies het geleer dat hulle wel regte het, maar dat hulle ook
verantwoordelikhede in hulle gemeenskap het. Ons het dit uitgebeeld deur middel
van ‘n huis wat hulle moes inkleur. Hulle het dit ongelooflik geniet!
Indien iemand meer inligting wil hê oor hierdie program wat deur Mervin
Woodrow ontwerp is of wil betrokke raak waar ons dit volgende jaar by al ons
projekte gaan aanbied, kontak asseblief ons kantore.
Global Leadership
Summit (GLS)
‘n Onvergeetlike ervaring
Die hele Potato span het op 7 en 8 Oktober
2011 die jaarlikse Global Leadership
Summit (GLS) bygewoon. Dit is ‘n
konferensie vir Christelike leiers wat oral
in die wêreld aangebied word deur die
Willow Creek Association. Besigheidsleiers
word toegespreek deur bekendes soos Bill
Hybels, Erwin McManus, Seth Godin, Dr.
Henry Cloud en Len Schlesinger. Ons kon
danksy, Willow Creek Association, ook van
ons projekte se hoofde saamvat. Vir hulle
was dit ‘n ondervinding wat hulle nie maklik
sal vergeet nie.
Kaalvoetdag 2012
Ons maak die datum van ons
Kaalvoetdag in 2012 in ons volgende
nuusbrief bekend. Moenie hierdie
pretdag misloop nie!
NUWE PROJEKTE:
Jou idees
Indien julle weet van enige instansies
waar ons kan help, kontak ons asseblief.
Ons is op soek na nuwe projekte waar ons
volgende jaar kan betrokke raak.

Bly op hoogte
‘n Vinnige manier om op hoogte te bly en aktief deel te neem aan ons aktiwiteite is
om ons webwerf, Facebook-bladsy of ons op Twitter te besoek. Jy gaan uitmis as
jy dit nie doen nie!
• www.thepotatofoundation.co.za
• http://www.facebook.com/pages/The-Potato-Foundation/130107300360975
• http://twitter.com/#!/ThePotato1
Kom leef jou passie uit en
maak ‘n verskil!
Kontak The Potato Foundation
Telefoonnommer: 082 967 6258
Faksnommer: 086 612 6532
E-pos: info@thepotatofoundation.co.za
Webwerf: www.thepotatofoundation.co.za