06 Hercules des Prez.pdf - familiestories.co.za

51
Die Likwidasie en Distribusierekening 43 van
Cecilia het die erfenis van ƒ12447.15
(Indiese valuasie), na aftrekking van skuld
en onkostes, verdeel tussen haar nagelate
kinders en kindskinders uit die huwelik met
Hercules des Prez. Teen die tyd dat die
boedel afgehandel is, was vyf van haar ses
kinders reeds oorlede. Haar dogter Marie-
Jeanne oorleef haar en word nagenoeg 88
jaar oud.
Die strooidakkerk in die Paarl
Eed wat die Hugenote moes aflê voor hulle vertrek uit Nederland na
die Kaap.
“Ek beloof en sweer om onderworpe en getrou te wees aan Hul Hooghede die State-generaal van die
Verenigde Provinsies, ons Soewereine Meesters en Here; aan Sy Hoogheid die Prins van Oranje, as
Goewerneur, Kaptein en Admiraal-generaal en aan die Direkteure van die Algemene Geoktrooieerde Oos-
Indiese Kompanjie in gemelde lande; asook aan die Goewerneur-generaal van Indië; sowel as aan die
Goewerneurs, Kommandeurs en ander oor my geplaas gedurende die seereis en daarna aan land; dat ek my
getrou en stip sal hou aan alle wette en verordeninge reeds gemaak of wat nog gemaak sal word deur die Here
Direkteure, die Goewerneur-generaal en Raadslede, of die Kommandeur van my verblyfplaas en om my in elke
opsig te gedra as ‘n goeie en getroue onderdaan.
So helpe my God!” 44
(Die eed het gegeld vir persone wat uit Nederland na die VOC se gebiede vertrek het en wat nie Kompanjieamptenare
was nie.)
© R. J. du Preez Hercules des Prez (a)