06 Hercules des Prez.pdf - familiestories.co.za

74
groot. Daar was blykbaar ‘n meul op die plaas, hoewel privaat meulens nie in daardie tyd toegelaat was nie. Na
haar egskeiding van Gobrechts, koop Elizabeth die plaas weer vir ƒ666.5½. 234
Daar is opgaafrolle ten opsigte van 1700 tot 1712 vir Philippe. Sy naam kom nie voor op die opgaafrol vir 1719
nie. Volgens die opgaafrolle het Philippe ‘n veeboerdery aan die gang gehad, koring gesaai en wynstokke
geplant. Dit kom voor asof hy ‘n redelik groot boerdery aan die gang gehad het.
Kaart nr. 11: Benaderde ligging van Artois en De
Hoop
Philippe het nie net van die arbeid van slawe gebruik
gemaak nie, maar ook knegte met spesifieke
vaardighede gehuur:
o
o
Op 16 Augustus 1719 gaan hy ‘n kontrak aan
met die soldaat Jan van Aalkerken om hom vir
‘n jaar te dien as timmerman teen vergoeding
van ƒ21 (Indiese valuasie), kos, drank en goeie
huisvesting. Die kontrak word op 19 Augustus
1720 verleng vir ‘n jaar. 235
Op 10 Maart 1721 gaan Philippe ‘n kontrak aan
met Jan Mulder om hom te dien as
“steenhouwer” vir ‘n maand teen vergoeding
van ƒ10 (Indiese valuasie), kos, drank en goeie
huisvesting. Die kontrak word verleng op 10
April 1721 en daarna in 1722 en 1723 236 ,
blykbaar deur Philippe se seun Philippe.
Philippe is op 21 Mei 1721 oorlede. Uit sy tak van die familie sou die meeste Du Preezs kom wat opgeneem is in
die Die Familie Du Preez in Suid-Afrika, nl. 48%. 237 Die nageslag het hoofsaaklik uit die twee seuns Philippe en
Jacobus gestam.
Elisabeth was nagenoeg ‘n jaar ‘n weduwee voordat sy met Christian Gobrechts trou. Hy was ‘n wewenaar wat
eers getroud was met Sara Gous. Hy en Sara het een kind, Andries, gehad.
Gobrechts was afkomstig van Maagdeburg in Sakse, Duitsland. Hy kom ongeveer 1710 as soldaat in die Kaap
aan. Hy was ongeletterd.
Elizabeth en Gobrechts het op De Zoete Inval gewoon. “... Elisabeth Prevot se tweede huwelik was ‘n ramp.
Hulle is binne gemeenskap van goedere getroud en Gobrechts het outomaties die eienaaar van Artois, De Hoop
en De Soete Inval geword. Dit was nie ‘n gelukkige huwelik nie en hulle is in 1728 geskei. ...” 238 Elisabeth het
reeds in 1727 haar testament van 1723 herroep. In die testament van 1723 het sy Gobrechts aangestel as voog
en opvoeder van haar kinders, maar sy wou nie daarmee voortgaan nie omdat Gobrechts se gedrag en maniere
onbetaamlik was. As gevolg van die huwelik in gemeenskap van goedere, moes die goedere in die boedel per
vendusie verkoop en dan verdeel word. De Soete Inval is gekoop deur Isaac de Villiers. Soos reeds hierbo vertel,
het Elisabeth Artois en De Hoop gekoop.
Elisabeth gaan woon na haar egskeiding by haar seun Philippe op Artois. Sy is op 18 Januarie 1750 oorlede.
1 Du Preez, M. H. C. 2003. Die Familie du Preez van Suid-Afrika. Waterkloofrif, Pretoria. ISBN 0 62030 469 3. Bl. 1 en
volgende bladsye.
2 Malherbe, J. E. 2001. Hercule Des Prez en sy Gesin. Stamvader Reeks nr. 6. Hugenote Gedenkmuseum, Franschhoek.
ISBN 1 91989 210 9.
3 Du Preez, M. H. C. 2003. Die Familie du Preez van Suid-Afrika. Bl. 60.
4 Malan, Alet. 1998. Hugenote Grafte, Begrafnis-gebruike en Sterfdatums. Hugenote Gedenkmuseum. Leefwyse Reeks nr. 2.
Franschhoek. ISBN 1 91989 284 2. Bl. 19.
5 KAB MOOC 8/1 Verw. 19 gedateer 22.11.1696. Du Preez, M. H. C. 2003. Die Familie du Preez van Suid-Afrika. Bl. 60
verstrek 1696. Malherbe, J. E. 2001. Hercule Des Prez en sy Gesin. Bl. 4 en SAG 8, Bl. 317 verstrek 1695. In die opgaafrolle
© R. J. du Preez Hercules des Prez (a)