die Nasareërgelofte - laat my lammers wei

Die Nasaree rsgelofte. (17/07/2011)
Num 6:1 En die HERE het met Moses gespreek en gesê:
Num 6:2 Spreek met die kinders van Israel en sê vir hulle: As ‘n man of ‘n vrou ‘n besondere
gelofte aflê, die gelofte van ‘n nasireër, om hom aan die HERE te wy,
Num 6:3 moet hy hom van wyn en sterk drank onthou; wyn-asyn en asyn van sterk drank mag
hy nie drink nie, ja, geen druiwesap mag hy drink nie en geen vars of gedroogde druiwe eet
nie.
Num 6:4 Al die dae van sy nasireërskap mag hy niks eet van alles wat van die wynstok gemaak is
nie, selfs nie van die pitte en doppe nie.
Num 6:5 Al die dae van die gelofte van sy nasireërskap mag geen skeermes oor sy hoof gaan nie.
Totdat die dae om is dat hy hom aan die HERE toewy, moet hy heilig wees—hy moet die hare
van sy hoof vry laat groei.
Num 6:6 Al die dae dat hy hom aan die HERE gewy het, mag hy nie by ‘n dooie kom nie.
Num 6:7 Aan sy vader of sy moeder, aan sy broer of sy suster—aan hulle mag hy hom nie
verontreinig as hulle dood is nie; want die wyding van sy God is op sy hoof.
Num 6:8 Al die dae van sy nasireërskap is hy heilig aan die HERE.
nazar
naw-zar'
A primitive root; to hold aloof, that is, (intransitively) abstain (from food and drink, from
impurity, and even from divine worship (that is, apostatize)); specifically to set apart (to
sacred purposes), that is, devote: - consecrate, separate (-ing, self).
Jdg 13:1 En toe die kinders van Israel weer doen wat verkeerd is in die oë van die HERE, het
die HERE hulle oorgegee in die hand van die Filistyne, veertig jaar lank.
Jdg 13:2 En daar was ‘n man uit Sórea, uit die geslag van die Daniete, met die naam van
Manóag; en sy vrou was onvrugbaar en het geen kinders gehad nie.
Jdg 13:3 Maar die Engel van die HERE het aan die vrou verskyn en vir haar gesê: Kyk, jy is
onvrugbaar en het geen kinders gehad nie, maar jy sal swanger word en ‘n seun baar.
Jdg 13:4 Neem jou dan nou tog in ag en drink geen wyn of sterk drank nie en eet niks wat onrein
is nie.
Jdg 13:5 Want kyk, jy sal swanger word en ‘n seun baar, en geen skeermes mag op sy hoof kom
nie; want die seun sal van die moederskoot af ‘n nasireër van God wees, en hy sal Israel begin
verlos uit die hand van die Filistyne.
Dis tog baie opmerklik dat daar net 9 verwysings na die saak van die Nasareër is. En alles verwys net na
die 2 dele wat ons so pas gelees het, die een oor die wet van die nasareërsgelofte en die ander oor
Simson. Dit is eintlik baie vreemd as ‘n mens daaraan dink dat daar ‘n hele stuk gewy word in die wet van

die Here oor die saak, en dan word daar net een keer verwys na ‘n nasareër in die hele bybel. Is dit regtig
moontlik, of is hier meer by die saak betrokke as wat ons dalk op die oog af mag sien
Encarta dictionary sê dat die woord “consecrate” wat deel is van die Nasareërgelofte se beskrywing die
volgende insluit:
1. Declare something holy
2. Dedicate something to a particular purpose
Dit kan ons dan ook duidelik sien in die beskrywing wat die bybel vir ons gee. Die groot vraag is: Hoekom
is dit in die wet van God vervat
Was daar enige iemand anders wat in die bybel die Nasareër gelofte gedoen het, en as daar een was,
hoekom sou hy dit doen
Op die eerste vraag: Ja, daar was nog iemand wat dit gedoen het, en ons lees gereeld van Hom, en ook
van die gelofte wat Hy gemaak het. Gaan saam met my na Matt 26:26
Mat 26:26 En terwyl hulle eet, neem Jesus die brood, en nadat Hy gedank het, breek Hy dit en
gee dit aan sy dissipels en sê: Neem, eet, dit is my liggaam.
Mat 26:27 Toe neem Hy die beker, en nadat Hy gedank het, gee Hy dit aan hulle en sê: Drink
almal daaruit.
Mat 26:28 Want dit is my bloed, die bloed van die nuwe testament, wat vir baie uitgestort word
tot vergifnis van sondes.
Mat 26:29 Maar Ek sê vir julle: Ek sal van nou af nooit meer van hierdie vrug van die wynstok
drink nie, tot op daardie dag wanneer Ek dit met julle nuut sal drink in die koninkryk van my
Vader.
Luk 22:17 En toe Hy ‘n beker geneem het, dank Hy en sê: Neem dit en deel dit onder julle.
Luk 22:18 Want Ek sê vir julle: Ek sal sekerlik nie drink van die vrug van die wynstok voordat
die koninkryk van God gekom het nie.
Mar 14:25 Voorwaar Ek sê vir julle, Ek sal nooit meer van die vrug van die wynstok drink nie, tot
op daardie dag wanneer Ek dit nuut sal drink in die koninkryk van God.
Let net op wat het Jesus gedoen: Hy het 2 dinge gedoen –
1. Hy het die orde van Melgisedek weer ingestel (Let op die brood en die wyn het nou weer die
paaslam vervang)en;
2. onmiddelik daarna het Hy voor sy dissiples die Nasareërgelofte afgelê.
Met die eerste oog op slag besef ons dit nie, maar Hy sê direk dat Hy nie van die vrug van die wynstok sal
drink nie – die nasareërgelofte verwys spesifiek hierna.
Is dit waar, kan dit moontlik wees.

Ja, dit is waar!
Die mens Jesus Christus het nie ‘n keuse gehad anders as om dit te doen nie. Hy het gekom om die wet
en die profete te vervul, en om dit te kon doen, moes Hy hierdie deel van die wet ook vervul het. Kom ek
verduidelik hoekom ek so sê:
Mat 27:46 en omtrent die negende uur het Jesus met ‘n groot stem geroep en gesê: Eli, Eli, lama
sabagtáni Dit is: My God, my God, waarom het U My verlaat
Mat 27:47 En sommige van die wat daar staan, hoor dit en sê: Hy roep Elía.
Mat 27:48 Toe hardloop daar dadelik een van hulle en neem ‘n spons en maak dit vol asyn, en sit
dit op ‘n riet en laat Hom drink.
Joh 19:28 Hierna, omdat Hy geweet het dat alles al volbring was—sodat die Skrif vervul sou
word—het Jesus gesê: Ek het dors!
Joh 19:29 En daar het ‘n kan vol asyn gestaan; en hulle het ‘n spons met asyn gevul en op ‘n
hisopstingel gesit en aan sy mond gebring.
Joh 19:30 En toe Jesus die asyn geneem het, sê Hy: Dit is volbring! En Hy het sy hoof gebuig en
die gees gegee.
Mar 15:35 En sommige van die wat daar staan, hoor dit en sê: Kyk, Hy roep na Elía.
Mar 15:36 Toe hardloop een en maak ‘n spons vol asyn en sit dit op ‘n riet en laat Hom drink; en
hy sê: Wag, laat ons sien of Elía kom om Hom af te haal.
Mar 15:37 Maar Jesus het met ‘n groot stem geroep en die laaste asem uitgeblaas.
Deurlopend word verwys daarna dat Jesus dinge gedoen het sodat die skrif vervul kon word.
En dit is ook waar een van die belangrikste vrae van die bybel inkom: Het Jesus die asyn op die kruis
gedrink voor hy gesterf het Met die eerste oog op slag lyk dit nie of hierdie stukkie inligting belangrik is
nie, maar bedink die saak deeglik.
As Hy dit gedoen het, en ek wil baie duidelik stel dat dit vir hom aangebied was, was dit wat Jesus in Matt
26:29 gesê het, nie meer waar nie. Want dan het Hy ‘n paar uur later van die vrug van die wynstok
geneem en gedrink op die kruis. Daar is geweldig baie debatte daaroor aan die gang, maar die waarheid
is, Hy kon nie daarvan gedrink het nie, want dan het Hy homself tot leuenaar gemaak .
Dat Hy daaraan kon proe, dis ‘n ander saak. Hy was dors, maar toe Hy proe dat dit asyn is, kon Hy dit nie
drink nie. Hou in gedagte dat Hy nie geweet het wat hulle aan hom aanbied daar op die kruis nie. Hy was
in elk geval so verniel teen daardie tyd, dat dit ‘n wonderwerk was, dat Hy nog kon onderskei wat dit was
en dat Hy steeds die wilskrag gehad het om - nadat Hy agter gekom het dat dit asyn was, dit te weier.
Selfs hier op die kruis het die satan Hom nog een laaste maal versoek, om Hom tot struikel te bring, want
let op die wet van die nasareërgelofte – as daar iets fout gaan, soos wanneer die persoon ontheilig word
deur ‘n dooie, moet alles weer van voor af gedoen word, nadat daar versoening vir hom gedoen is. In

effek sou dit beteken dat die kruisdood van Jesus net daar waardeloos gemaak geword het, deur ‘n klein
dingetjie soos asyn, want 2 dinge sou Hy op gefouteer het:
a) Hy sou gejok het oor Sy drink van die vrug van die wynstok, aangesien asyn ook van die wynstok
afkomstig was, en
b) Sy nasareërsgelofte sou net daar tot ‘n einde kom – met ander woorde Hy het in effek nie die
hele wet vervul nie, want die nasareërsgelofte is deel van die wet.
Die Implikasies van Jesus se Nasareërsgelofte:
Let op dat die Nasareërsgelofte is baie spesifiek om ‘n mens af te sonder vir ‘n spesifieke doel :
By Simpson was dit om hom af te sonder sodat hy Israel kon begin verlos van die Filistyne. By die
verbreking van sy gelofte het hy baie swaar gelei. Al die krag wat God hom gegee het, het hom verlaat en
sy afsondering het van hom gewyk.
Maar waarom is hierdie gelofte so belangrik by Jesus
Num 6:8 Al die dae van sy nasireërskap is hy heilig aan die HERE.
Die woord self leer ons dat:
Heb 12:14 Jaag die vrede na met almal, en die heiligmaking waarsonder niemand die Here sal
sien nie;
Die nasareërsgelofte het Jesus afgesonder vir sy grootste taak. Die werk wat Hy op aarde kom
doen het, was van groot belang, maar let op die werk wat Hy in die hemel gaan doen het en nog
steeds elke dag doen.
1Ti 2:5 Want daar is een God en een Middelaar tussen God en die mense, die mens Christus
Jesus,
Onthou, dit het weereens alles te doen met die wet van die God , want al die dae van sy Nasareërskap is
Hy heilig aan die Here. Verstaan dat die die mens Jesus Christus , afgesonder is vir hierdie spesifieke
doel, om Middelaar te wees tussen God en die mense
Die mens Christus Jesus moes daardie gelofte aflê om:
a) Die volle wet te vervul; en
b) Homself in die korrekte posisie teenoor God stel.
Anders sou Hy nie as Middelaar tuseen God en ons kon optree nie.
Opsomming:

Elke ding wat Jesus gedoen het op aarde was daarop gemik om die skrif te vervul, en die skrif wat
bestaan het was die ou testament. Ons kan ons eie interpretasies aan sekere teksverse sit, maar in ‘n
saak soos hierdie is dit belangrik om daarop te let wat Jesus self gesê het.
Jesus, die mens se nasareërskap in die hemel, die taak waarvoor Hy afgesonder is, is om deurlopend vir
ons in te tree voor God die Vader. Net soos wat Hebreërs baie duidelik sê dat niemand God kan sien
sonder heiligmaking nie, net so het Jesus ook hierin die wet vervul deur die nasareërsgelofte af te le
sodat Hy ‘n heilige stand voor God kon hê, om vir ons te kan intree. Onthou, Jesus was ook mens
gewees, Hy moes dit doen volgens die wet. As mens was Hy nie uitgesluit van enige-iets wat die wet
betref nie, en ons weet ook alreeds dat God se wette onveranderlik is.
Net soos die nasareërsgelofte op aarde, vir ‘n sekere tyd lank duur, net so weet ons dat Jesus se
nasareërsgelofte ook net vir ‘n bepaalde tyd sal duur.
2Co 6:2 Want Hy sê: In die tyd van die welbehae het Ek jou verhoor, en in die dag van heil het
Ek jou gehelp. Kyk, nou is dit die tyd van die welbehae; kyk, nou is die dag van heil.
So dan, terwyl die Middelaar nog steeds daar is, is dit vir ons die dag van welbehae, is dit nog steeds vir
ons die dag van heil. Moenie dat dit by jou verbygaan nie, want ook hierdie tyd kom op ‘n einde!