Psalm 139 Doop van my kleindogter - AH Bogaards
Psalm 139 Doop van my kleindogter - AH Bogaards
Psalm 139 Doop van my kleindogter - AH Bogaards
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1<br />
<strong>Doop</strong>preek <strong>Psalm</strong> <strong>139</strong><br />
Dr <strong>AH</strong> <strong>Bogaards</strong><br />
16 Desember 2012<br />
Lees: <strong>Psalm</strong> <strong>139</strong>; Ef 4:8-10<br />
Teks: <strong>Psalm</strong> <strong>139</strong>:13-16; Ef 4:9b; Ps.22:10-11<br />
<strong>Psalm</strong>s: Ps 48:1,5; 98:1,2; <strong>139</strong>:1,12; 146:8; <strong>139</strong>:6,7,8; 22:4<br />
1. Inleiding<br />
By die lees <strong>van</strong> ons Skrifgedeeltes verrys voor ons oë twee kunswerke – twee kunswerke,<br />
wonderwerke uit die Vaderhande <strong>van</strong> God:<br />
<br />
<br />
Die een kunswerk <strong>van</strong> die hemelse Kunstenaar is Moné, die kind wat <strong>van</strong>dag<br />
gedoop is en elke verbondskind;<br />
Die ander Goddelike Kunswerk is ook ‘n Kind: die Kind Jesus, die Seun <strong>van</strong> God.<br />
Twee hemelse kunswerke - en die twee het álles met mekaar te make. Daar is allernouste<br />
verband tussen die twee. Dit moet ons goed vashou.<br />
Ek wil die verband tussen die twee so omskryf:<br />
‣ Deur die tweede kunswerk, deur die geboorte <strong>van</strong> die Seun <strong>van</strong> God, maak God se<br />
Vaderhande die eerste kunswerk, die gelowiges en hulle kinders, so hemels mooi, so<br />
heerlik volmaak.<br />
‣ Maar die tweede kunswerk maak die eeerste nie net mooi nie. Die tweede kunswerk is<br />
ook die geheim waarom God sy eerste kunswerk oral en altyd liefdevol met sy<br />
Vaderhande sal omring en sal dra. Ja, die bloed <strong>van</strong> die Seun is die waarborg dat<br />
ons deur God se almagtige Vaderhand aan alle kante ingesluit sal word en gehou sal<br />
word op die ewige weg. Wat mensehande, ouerhande, domineeshande nie kan doen<br />
nie, dit doen God.<br />
Ek staan met u stil by drie gedagtes:<br />
1. Die HERE se oralteenwoordige Vaderhand<br />
2. Die HERE se oralteenwoordige Vaderhand en Christus
2<br />
3. Die HERE se oralteenwoordige Vaderhande en ons gevoude hande<br />
2. Inhoud<br />
2.1 Die HERE se oralteenwoordige Vaderhand<br />
<strong>Psalm</strong> <strong>139</strong> eindig soos dit begin:<br />
<br />
<br />
Dit begin met Dawid se belydenis in vers 1: HERE, U deurgrond en ken <strong>my</strong>.<br />
En dit eindig in vers 23 met dieselfde woorde, maar dan in gebedsvorm: Deurgrond<br />
<strong>my</strong>, o God, en ken <strong>my</strong> hart.<br />
Die <strong>Psalm</strong> word dus ingesluit tussen hierdie twee verse. Dit word omraam deur hierdie<br />
woorde. So ‘n omraming is ‘n bekende digvorm in Hebreuus. Met hierdie omraming wil die<br />
digter presies vir ons sê waaroor dit in <strong>Psalm</strong> <strong>139</strong> gaan. Dit gaan om 2 dinge wat die HERE<br />
doen:<br />
1. die HERE deurgrond <strong>my</strong> en<br />
2. die HERE ken <strong>my</strong>.<br />
Hierdie gedagtes gaan die <strong>Psalm</strong>digter verder uitwerk in die verse wat tussenin lê.<br />
Ek begin by die woord ken: HERE, U ken <strong>my</strong>.<br />
Dit is ‘n baie bekende woord in die <strong>Psalm</strong>s. <strong>Psalm</strong> 1:6 begin al daarmee: Die HERE ken die<br />
weg <strong>van</strong> die gelowiges. Die woord ken loop soos ‘n goue draad deur die <strong>Psalm</strong>s. Ons kan sê:<br />
Dit vorm die groot tema, die heerlike boodskap <strong>van</strong> die <strong>Psalm</strong>s en die hele Bybel.<br />
Nou moet ons goed verstaan wat met hierdie ken bedoel word. Dat die HERE <strong>my</strong> ken,<br />
beteken nie maar net dat die HERE alles <strong>van</strong> <strong>my</strong> af weet nie. Dit natuurlik ook. Maar die<br />
woord ken het nog ‘n ryker, ‘n troosvoller betekenis: Dit gaan om ‘n liefdevol ken; dit<br />
beteken dat die HERE liefderyk met <strong>my</strong> bemoeienis maak; Hy omring <strong>my</strong> met dade <strong>van</strong><br />
Vaderliefde en sorg.<br />
Ek kan die liefdevol ken nie beter omskryf as met die woorde <strong>van</strong> vers 5 nie: HERE … U<br />
sluit <strong>my</strong> in <strong>van</strong> agter en <strong>van</strong> voor, en U lê u hand op <strong>my</strong>. God se liefdevol ken kan ons in<br />
een woord omskryf: Vaderhand. Die HERE se ken – dit is sy Vaderhand wat Dawid en <strong>my</strong><br />
aan alle kante insluit en beskerm en lei. En in vers 6 tot 12 vertel Dawid hoe daardie hand<br />
hom nie net heeltemal insluit nie, maar ook altyd omring.
3<br />
Altyd en oral is en was die Vaderhande daar. Ja, altyd en oral – en dan daal Dawid neer na<br />
die heel eerste begin <strong>van</strong> sy bestaan in vers 13 tot 16:<br />
<br />
<br />
Toe niemand nog <strong>van</strong> <strong>my</strong> bestaan bewus was nie, het God al <strong>van</strong> <strong>my</strong> geweet: My<br />
gebeente was vir U nie verborge toe ek in die geheim gemaak is nie (v 15).<br />
Toe geen mense-oog of sonar <strong>my</strong> nog gesien het nie, het God <strong>my</strong> gesien: U oë het <strong>my</strong><br />
ongevormde klomp gesien (v 16).<br />
Maar nie net sy oë was daar nie, maar ook sy Vaderhande. Ja, want juis daardie Vaderhande –<br />
juis dit is die Kunstenaarshande wat <strong>my</strong> gemaak het. Ons hele ontstaan en vorming in die<br />
moederskoot word beskrywe as ’n kunswerk <strong>van</strong> God, ’n kunstige borduurwerk: Want U het<br />
<strong>my</strong> niere gevorm, <strong>my</strong> in <strong>my</strong> moeder se skoot geweef (v 13); <strong>my</strong> gebeente ... is kunstig<br />
geweef in die dieptes <strong>van</strong> die aarde. (v 15)<br />
Dit is diep aangrypend as ons die Bybel se beskrywing <strong>van</strong> ons onstaan hoor: Vaderhande het<br />
ons gevorm, Vaderhande het ons as die mooiste kunswerk borduur, kennende Vaderhande,<br />
liefdevolle Vaderhande, Vaderhande wat <strong>my</strong> daar reeds ook bedek het.<br />
En toe, toe was die geboorte-oomblik daar en toe – ja, toe was die Vaderhande steeds daar.<br />
Want in <strong>Psalm</strong> 22 vers 10 en 11 sê Dawid: Ja, U is dit wat <strong>my</strong> uit die moederskoot uitgetrek<br />
het, wat <strong>my</strong> veilig laat rus het aan <strong>my</strong> moeder se bors. Aan U is ek oorgegee <strong>van</strong> die<br />
geboorte af; <strong>van</strong> die skoot <strong>van</strong> <strong>my</strong> moeder af is U <strong>my</strong> God.<br />
Ouers, het julle al só daaraan gedink: Toe die kindjie deur doktershande uit die<br />
moederskoot gehaal is, was dit ten diepste God se Vaderhande wat haar uitgetrek het<br />
Dit is ’n oorweldigende gedagte: Die Vader het haar aan julle oorgegee. Julle het haar<br />
uit die Vaderhande <strong>van</strong> God ont<strong>van</strong>g – sy kunswerk waar<strong>van</strong> julle ouers moet wees.<br />
Wat ’n verantwoordelikheid. Hierdie kosbare kunswerk <strong>van</strong> die Vader in ons klein<br />
mensehandjies.<br />
Maar daar is iets in <strong>Psalm</strong> 22 wat nog baie, baie meer oorweldigend is – so troosryk as<br />
ons dink aan ons swak mensehande. Want die kind word deur die Vader nie net aan<br />
die ouers oorgegee nie, maar, sê Dawid: Aan U (HERE) is ek oorgegee <strong>van</strong> die<br />
geboorte af; <strong>van</strong> die skoot <strong>van</strong> <strong>my</strong> moeder af is U <strong>my</strong> God. Sy is nie net in ouerhande<br />
nie, maar die Vaderhande neem haar en gee haar oor in God se Vaderhande. Wat ’n<br />
rus vir ouers.<br />
Maar hierdie kunswerk en hierdie ken, hierdie liefde <strong>van</strong> die Vaderhande word nog mooier,<br />
as ons na die tweede Kunswerk kyk: die geboorte <strong>van</strong> die Seun <strong>van</strong> God.
4<br />
2.2 Die HERE se oralteenwoordige Vaderhand en Christus<br />
Maar om iets te verstaan <strong>van</strong> die noodsaak en die wonder <strong>van</strong> hierdie tweede kunswerk, moet<br />
ek eers iets vertel <strong>van</strong> kunswerk nommer 1 - iets wat nie so mooi is nie.<br />
Hierdie mooi kunswerk <strong>van</strong> God is naamlik bederf deur ons sondeval in die paradys. Adam<br />
se sonde was ons sonde en deur sy sondeval is ons almal alreeds in die moederskoot met die<br />
sonde bevlek. Reeds <strong>van</strong> ons heel eerste begin af het ons sondeskuld en reeds voor ons<br />
geboorte het ons ’n sondige natuur. Dawid huil daaroor in <strong>Psalm</strong> 51:5: Kyk, in<br />
ongeregtigheid is ek gebore, en in sonde het <strong>my</strong> moeder <strong>my</strong> ont<strong>van</strong>g. En as dit <strong>van</strong> ons sou<br />
afhang, sou nie een <strong>van</strong> ons op die goeie weg <strong>van</strong> God gekom én gebly het nie.<br />
En nou kom ek by die tweede sleutelwoord <strong>van</strong> <strong>Psalm</strong> <strong>139</strong>: HERE, U deurgrond <strong>my</strong>. Dit is<br />
’n term uit die regswêreld. ’n Goeie regter deurgrond ’n misdadiger. Hy kyk dwarsdeur hom,<br />
sal ons sê. Met die hemelse Regter is dit in volkome sien waar. Hy ken die swart, verborge<br />
dieptes <strong>van</strong> ons hart.<br />
Maar nou die hemelse wonder: Die Vader laat dit nie daarby dat sy kunswerk bederf word<br />
nie, maar Hy kom met ’n tweede kunswerk. Hy stuur sy Seun. En daarin bereik sy ken, sy<br />
liefdevol ken, ’n ongekende hoogtepunt. Want so lief het God die wêreld gehad, dat Hy sy<br />
eniggebore Seun gegee het, sodat elkeen wat in Hom glo, nie verlore mag gaan nie, maar<br />
die ewige lewe kan hê. (Joh 3:16)<br />
En daar<strong>van</strong> lees ons in Efesiërs 4 vers 9: Hy het neergedaal het in die onderste dele <strong>van</strong> die<br />
aarde. Die onderste dele <strong>van</strong> die aarde - dit is woorde wat uit <strong>Psalm</strong> <strong>139</strong>:15 kom, want daar<br />
lees ons dat ons deur God kunstig geweef is in die dieptes <strong>van</strong> die aarde. Met die onderste<br />
dele <strong>van</strong> die aarde <strong>van</strong> Efesiërs 4 en met die dieptes <strong>van</strong> die aarde <strong>van</strong> <strong>Psalm</strong> <strong>139</strong> word<br />
dieselfde bedoel: die moederskoot. Die Seun <strong>van</strong> God het neergedaal in die moederskoot <strong>van</strong><br />
Maria. Hy was ‘n kunswerk <strong>van</strong> die Vader deur die Heilige Gees.<br />
Maar dit was ’n kunswerk met ’n verskil: Want waar ons as ’n kunswerk bevlek met die<br />
sonde gebore word - deur eie skuld -, daar is die Seun <strong>van</strong> God sonder sonde gebore.<br />
En nou die wonder, die verband tussen kunswerk nommer een en kunswerk nommer twee,<br />
die verband tussen ons geboorte en Christus se geboorte: Hy is gebore met onskuld en<br />
volkome heiligheid om <strong>my</strong> sonde, waarin ek ont<strong>van</strong>g en gebore is, voor die aangesig <strong>van</strong> God<br />
te bedek (HK 14:36).
5<br />
En ouers, dit het julle ook bely met julle ja op die doopsvrae: Hoewel ons kinders in sondes<br />
ont<strong>van</strong>g en gebore en daarom aan allerhande ellende, ja, aan die verdoemenis self,<br />
onderworpe is, bely ons nogtans dat hulle in Christus geheilig is.<br />
Deur kunswerk nommer 2 word kunswerk nommer 1 weer volmaak mooi, heilig. Deur<br />
kunswerk nommer 2, deur die bloed <strong>van</strong> Christus, word sy gewas en moet sy gewas word.<br />
En dit is wat afgebeeld word met die water <strong>van</strong> die doop.<br />
Ook in die doop sien ons God se Vaderhand: God wat sy Vaderhand op haar lê en beloof:<br />
Ook hierdie kunswerk <strong>van</strong> Hom wil Hy skoonwas deur die bloed <strong>van</strong> sy Seun.<br />
Ons kom by die laaste punt:<br />
2.3 Die HERE se oralteenwoordige Vaderhand en ons gevoude hande<br />
<strong>Psalm</strong> <strong>139</strong> is vol <strong>van</strong> God se Vaderhande.<br />
En in vers 23 en 24 kry ons nog hande: gevoude hande. Dawid vou sy hande en hy bid:<br />
Deurgrond <strong>my</strong>, o God, en ken <strong>my</strong> hart; toets <strong>my</strong> en ken <strong>my</strong> gedagtes; en kyk of daar by <strong>my</strong><br />
‘n weg is <strong>van</strong> smart, en lei <strong>my</strong> op die ewige weg!<br />
Daarmee gee Dawid sy hele lewe uit eie hande in God se almagtige Vaderhande.<br />
Dawid weet hoe swak hy self is en dat hy op sy eie nie op die ewige weg sal bly nie.<br />
Maar Dawid weet óók deur die geloof <strong>van</strong> God se hand en hoe ’n hand dit is.<br />
Ek kom weer terug op die hand <strong>van</strong> God. Aan die begin het hy gesê: Daardie hand is orals,<br />
daardie kennende, liefdevolle Vaderhand. In vers 8-10 bely hy: Klim ek op na die hemel, U<br />
is daar; en maak ek die doderyk <strong>my</strong> bed, kyk, U is daar! Neem ek die vleuels <strong>van</strong> die<br />
dageraad, gaan ek by die uiteinde <strong>van</strong> die see woon, ook daar sou u hand <strong>my</strong> lei en u<br />
regterhand <strong>my</strong> vashou.<br />
Ek wil veral u aandag op die laaste woorde vestig: Oral sal u regterhand <strong>my</strong> vashou. Met<br />
hierdie regterhand word Christus bedoel. Hy is die regterhand <strong>van</strong> God wat op Golgota<br />
reddend na ons toe uitgesteek is en ons gered het <strong>van</strong> sonde, duiwel en dood.<br />
Daar is nie ’n sterker hand as dit nie. Want in Matteus 28 sê Jesus vir sy kerk: Aan My is<br />
gegee alle mag in die hemel en op aarde. En nooit is God se kinders sonder daardie hand nie,<br />
want dan voeg Jesus daarby: En kyk, Ek is met julle al die dae tot aan die voleinding <strong>van</strong> die<br />
wêreld.<br />
Ons het ook netnou daar<strong>van</strong> gesing, <strong>van</strong> hierdie heerlike regterhand:
6<br />
Sing nuwe lof aan God die HERE,<br />
die God wat wonders het gedaan;<br />
sy regterhand, vol sterkte=en ere,<br />
sy heil'ge arm bring redding aan. (Ps 98:1 – Totius)<br />
<strong>Psalm</strong> <strong>139</strong> eindig met die twee paaie <strong>van</strong> <strong>Psalm</strong> 1:<br />
<br />
<br />
Aan die eenkant is daar die weg <strong>van</strong> smart, die pad <strong>van</strong> almal wat nie by Christus bly<br />
nie;<br />
aan die anderkant is daar die ewige weg. Dit is Christus. Hy is immers die weg en die<br />
waarheid en die lewe. (Joh 14:6)<br />
Self bly ons nie op die goeie weg nie, maar deur God se regterhand word ons gelei op die<br />
ewige weg. Christus is nie net die weg nie, maar hy hou ons ook op die weg. Hy hou sy skape<br />
in sy hand en, sê Hy in Johannes 10:28-29, Ek gee hulle die ewige lewe, en hulle sal nooit<br />
verlore gaan tot in ewigheid nie, en niemand sal hulle uit <strong>my</strong> hand ruk nie. My Vader wat<br />
hulle aan My gegee het, is groter as almal; en niemand kan hulle uit die hand <strong>van</strong> <strong>my</strong><br />
Vader ruk nie.<br />
3. Slot<br />
Deurgrond <strong>my</strong>, o God, en ken <strong>my</strong> hart; toets <strong>my</strong> en ken <strong>my</strong> gedagtes; en kyk of daar by <strong>my</strong><br />
‘n weg is <strong>van</strong> smart, en lei <strong>my</strong> op die ewige weg!<br />
Ouers, dit is ’n gebed wat ons moet bid vir onsself, maar óók vir ons kinders. Dit is die<br />
belangrikste wat ons as ouers vir ons kinders kan doen: om hulle uit eie hande in die hande<br />
<strong>van</strong> God te gee.<br />
Ons en ons kinders is so swak; ons skrede (= ons treë) is so wankelrig. Bid daarom:<br />
AMEN<br />
Deurgrond, o HEER, en ken die swart,<br />
verborge dieptes <strong>van</strong> <strong>my</strong> hart;<br />
of diep in <strong>my</strong>, waar U kan lees,<br />
'n skadelike weg mog wees.<br />
En lei voortaan <strong>my</strong> wank'le skrede<br />
tog op die weg <strong>van</strong> eewge vrede. (<strong>Psalm</strong> <strong>139</strong>:12 – Totius)