Hennie Aucamp - LitNet

Hennie Aucamp
’n Student skryf aan sy meisie
Watter nut het ironie in eensaamheid
IWAN TOERGENJEF
What’s the use of irony when you’re lonely
1. Ek stuur vir jou dié briefie
2. al is ons ding nou oor.
3. Ek dag: jy is tog menslik
4. en wil dalk van my hoor
5. Ek woon hier op ’n plasie –
6. Karoo so ver jy kyk –
7. ’n trein kom deur die leegte
8. en neem dan weer die wyk.
I thought: you are humane, after all
And then disappears again
9. Distansie bring besinning
10. en mag ek sê: ook visie
11. Ek glimlag oor jou selfsug;
12. jou passie vir ’n rusie.
13. Osmose tussen mense
14. is moontlik, maar beperk:
15. emosie kan ooreis word
16. as dit van één kant werk.
17. Die oom sal netnou t’rug wees
18. met meel en Vrydagpos
19. (en ek sal glo moet hand gee
20. met aflaai van die kos).
Distance brings reflection
and, if I may: also vision
I smile about your selfishness;
Your passion for a fight.
limited
Overburdened; strained
Flour and mail that arrive on Fridays
(and apparently I’ll have to help unloading the food
Osmosis: the mixing
of fluids.
21. Jy word vir my weer naamloos:
22. verlange onbegrens; the longing unlimited (unbearable)
23. en só is liefde sinvol –
24. nie ingekort tot méns.
in this way love is meaningful –
not restricted to a human’s form.
25. Die tante gaan nou kamp toe,
26. roep “Kiep-kiep” teen die wind;
27. sal sweerlik weer kom aanklop:
28. “Nog niks gehoor nie, kind”
29. Ag, dêmmit, ek verlang jong,
30. kom haal my, asseblief!
31. En straf my tot ek seer kry –
32. maar bêre net dié brief.
33. Want dit bevat gedagtes
34. wat ons twee moet bespreek:
35. as alles goed gaan, liefste,
36. dan sien ons oor ’n week
chicken run
will surely come knocking again
And punish me until I hurt –
but just put this letter away,
contains thoughts

’n Student skryf aan sy meisie – Hennie Aucamp
Bestudeer die gedig en beantwoord dan die vrae:
missing
1. Kyk na Toergenjef se aanhaling by die gedig en voltooi dan die volgende stelling deur die
ontbrekende woorde in te vul:
Volgens Toergenjef help dit nie om ________ te wees as jy ________ is nie.
2. Is die student ironies of eerlik wanneer hy aan sy meisie skryf
statement
3. Verskaf ’n definisie vir ironie deur die volgende stelling te voltooi: complete
supply
Mens is ironies wanneer jy iets sê, maar eintlik die _______ bedoel.
4. Wat is die “ding” waarna die digter in strofe 1 verwys
5. Wat vertel reël 3 vir ons oor die student se gevoel vir sy meisie
6. Waar bevind die student hom op hierdie oomblik
refer to
7. Haal ’n reël uit strofe 2 aan wat wys dat daar nie ander huise naby die student s’n op die
plaas is nie.
Quote
according to
8. Wat, volgens strofe 2, verbreek af en toe die stilte op die plaas
9. Sê in jou eie woorde wat die digter bedoel met sy stelling in reëls 9 en 10 deur die
volgende stelling te voltooi:
Wanneer daar ’n ______ tussen mense is, kry hulle ’n beter ______ op hul verhouding.
10. Voltooi: In reël 11 blameer die digter sy eks-meisie omdat sy ______ was.
11. Waarvan beskuldig die student sy meisie nóg in strofe 3
12. Wat bedoel die spreker met “Osmose tussen mense” (reël 13)
13. Hóé en wanneer sal mens se emosies skade ly, volgens die digter in reëls 15 en 16
14. By watter twee plekke op die dorp het die oom aangedoen
visited/besoek
15. Waarom word daar na die pos spesifiek as Vrydagpos verwys
16. Gee een woord vir “hand gee” in reël 19.
17. Waarvan moet die kos waarskynlik afgelaai word
probably
18. Watter woord in strofe 6 sê vir ons dat die spreker se liefde en verlange na die meisie geen
perke ken nie
19. Kyk mooi na reëls 23 en 24 en voltooi dan die volgende stelling:
Die ____ het net betekenis wanneer dit nie tot een mens _____ is nie.
20. Vir wie roep die tante wanneer sy “Kiep-kiep” skree (strofe 7)
21. Wat, dink jy, gaan die tante by die “kamp” doen
suggest
22. Watter woord in strofe 7 suggereer dat die student geïrriteerd is met die tante
23. Watter eienskap van die tante irriteer die student waarskynlik
quality/
characteristic

concerned
24. Haal ’n woord in strofe 7 aan wat wys dat die tante besorg is oor die student.
25. Wat wil die tante weet wanneer sy in reël 28 vra: “Nog niks gehoor nie, kind”
humble
26. Watter gevoel van die spreker word in strofe 8 uitgebeeld Is hy hartseer, desperaat,
nederig of humoristies
27. Hoekom versoek die student sy meisie om die brief te “bêre” (reël 32)
Ask, request

Antwoorde:
1. ironies, eensaam.
2. eerlik
3. teenoorgestelde
4. Die verhouding wat hy met sy meisie gehad het.
5. Hy is steeds verlief op haar en hoop dat hulle die verhouding kan red.
6. Hy is op ’n plaas in die Karoo.
7. “Karoo so ver jy kyk”.
8. ’n Trein.
9. afstand, perspektief.
10. selfsugtig
11. Sy het daarvan gehou om te stry/rusie te maak.
12. Hy praat van die interaksie tussen mense.
13. Jou emosies kan ooreis word wanneer net een van die twee mense in ’n verhouding liefde
toon.
14. By die winkel en die poskantoor.
15. Pos word net op Vrydae op dié klein plekkie afgelewer.
16. help
17. Die oom se bakkie of vragmotor.
18. “onbegrens”
19. liefde, beperk
20. Die hoenders.
21. Sy gaan waarskynlik vir die hoenders kos gee/sit hulle in die kamp/haal eiers uit.
22. “sweerlik”
23. Sy is nuuskierig (curious) of inmengerig (interfering).
24. “kind”
25. Sy wil weet of hy al van die meisie gehoor het.
26. Daar is sake in die brief wat hy met haar wil bespreek.

Die volgende brief is gegrond op Hennie Aucamp se gedig, “’n Student skryf aan sy meisie”.
Bestudeer die brief en vul die woorde wat uitgelaat is, in:
Posbus 13
Klipfontein
8740
30 Januarie 2004
My liefste engel
Dit is nie maklik om hierdie brief te skryf nie. Jy sal seker dink ek is voor op die wa,
want ons (1) ……… is iets van die verlede.
Een ding het ek besef terwyl ek hier op my oom en tante se plaas in die (2) ……………
is, en dit is dat ek nie sonder jou kan lewe nie. Miskien is dit die stilte van die
plaaslewe wat my so aan jou laat dink. Af en toe kom hier darem ’n (3) ……………
verby om die ergste stilte te verbreek. Ek het besef dat die (4) ………………… tussen
ons twee my help om oor ons situasie te besin.
Ek hoop dat, wanneer ek volgende week terug is by die universiteit, jy my nog ’n kans
sal gee. Moenie hierdie brief weggooi nie, want dit bevat ‘n paar (5) …………….. wat
ek met jou wil bespreek as ek jou weer sien. Maar wag, my liefling, hier kom my oom
nou net van die dorp af. Hy was vandag (Vrydag) by die (6) ……………….. en die (7)
……………….. om (8) ……………… en (9) ………………………. te kry. Ek sal moet gaan help
aflaai.
En, o gaats, daar kom my tante van die hoenderkampie af. Sy sal seker nou aan my
deur kom klop – sy is tog so (10) …………………. – wil altyd weet van almal se dinge.
Liefde
Marco P.

Memorandum
Posbus 13
Klipfontein
8740
30 Januarie 2004
My liefste engel
Dit is nie maklik om hierdie brief te skryf nie. Jy sal seker dink ek is voor op die wa,
want ons (1) verhouding is iets van die verlede.
Een ding het ek besef terwyl ek hier op my oom en tante se plaas in die (2) Karoo is,
en dit is dat ek nie sonder jou kan lewe nie. Miskien is dit die stilte van die plaaslewe
wat my so aan jou laat dink. Af en toe kom hier darem ’n (3) trein verby om die
ergste stilte te verbreek. Ek het besef dat die (4) afstand/distansie tussen ons twee
my help om oor ons situasie te besin.
Ek hoop dat, wanneer ek volgende week terug is by die universiteit, jy my nog ’n kans
sal gee. Moenie hierdie brief weggooi nie, want dit bevat ‘n paar (5) gedagtes wat ek
met jou wil bespreek as ek jou weer sien. Maar wag, my liefling, hier kom my oom
nou net van die dorp af. Hy was vandag (Vrydag) by die (6) winkel en die (7)
poskantoor om (8) meel en (9) pos te kry. Ek sal moet gaan help aflaai.
En, o gaats, daar kom my tante van die hoenderkampie af. Sy sal seker nou aan my
deur kom klop – sy is tog so (10) nuuskierig/inmengerig – wil altyd weet van almal se
dinge.
Liefde
Marco P.