die veekraal - Nutrochem

LUISE
Kyk uit vir luise wat reeds begin kop uitsteek. Dit
word gesien as kaal kolle wat veral teen die nek
begin sigbaar word. Van nou af tot aan die einde
van die winter kan luise by beeste ‘n rol speel.
Luise begin reeds op plase ‘n probleem word.
Dit kan beeste baie maer maak en dus ook
waardevolle massaverlies laat plaasvind. Gebruik
dipmiddels met luis registrasie van nou af.
Waar Bruinoor bosluis ‘n probleem was, is dit
baie belangrik om ’n mid-winter dipping te doen,
aangesien die larf in die oor oorwinter na die
volgende seisoen.
PASTEURELLA
Onthou om RESPIRIVAX/TRIANGLE te ent vir alle
dragtige koeie. Die koei word teen die gevreesde
Pasteurella beskerm en ook die kalf, deur die
biesmelk, teen BVD, IBR,I PV en PASTEURELLA
wat ‘n baie sterker en gesonder kalf tot gevolg het.
TRIGOMONIASE
Lg. is weer gevind vanjaar op baie plase, dus
moet skede wasse op alle bulle vroegtydig
gedoen word. Sit druk op buurplase om ook te
toets om jou risiko te verlaag. Ons kry maar net
nie hierdie siekte onder beheer nie. Druk word nou
op die minister geplaas om dit ‘n aanmeldbare
siekte te maak waarby almal verplig sal wees om
bulle te toets.
Met die skede wasse wat ons tot dusvêr gedoen
het blyk dit dat hierdie geslagsiekte verseker aan
die toeneem is. Wat kalf persentasie aan betref
is dit beslis een van die siektes wat die grootste
impak het op vleisbees ekonomie. Moet asseblief
nie nalaat om die bulle te toets nie!
MULTIMIN SE+CU & VIT +E
Die eierselle vir ovulasie word nou reeds in die
koei gevorm vir die volgende dek seisoen in
Okt/Nov en tekorte aan essensiële minerale en
vitamiene sal die konsepsie erg benadeel.
Dit is veral Selenium wat verantwoordelik is vir
die immuunsisteem en vrugbaarheid wat van
kardinale belang is.
Ons beveel aan dat Multimin met Se + Cu 2
maal per jaar gegee word met eerste keer in
vroeë winter, voordat die koeie kalf en dan ses
maande later. Net voor geboorte neem die kalf
al die reserwes van die koei op vir homself en
los dan die koei met ‘n tekort van Se voor die
dek seisoen. Onthou asseblief dat VitA altyd
saam met Multimin gebruik moet word, omdat
hulle sinergisties met mekaar werk. Ons is besig
om die Selenium status (Se) op alle plase te
toets, omrede suur-reën in ons omgewing Se
ontoeganklik vir die dier maak. Dit lyk asof die Sestatus
minder as die helfte van die normalel in ons
omgewing is. Se is veral verantwoordelik vir die
behoud van die immuunsisteem en vrugbaarheid.
In ‘n proef wat in ‘n voerkraal gedoen is, is uit ‘n
groep van 400 kalwers 200 met Multimin+VitAE
gespuit voor hulle veld toe is vir “Back grounding”.
Hulle is weer gespuit na 3 maande voor hulle
voerkraal toe is. Die ander groep van 200 is alles
gedoen behalwe die Multimin. Toe die somme
op die einde van die voer proses gemaak is,
het die groep met die Multimin R400/kop meer
wins getoon as die ander groep. Hulle het beter
weerstand gehad, dus minder siek geword, en
dus merkwaardig beter gegroei.
SKAPE
Ensoötiese Aborsie. Baie belangrik dat die
entstof gegee word aan die ooie voor hulle ram
toe gaan. Die toestand veroorsaak geweldige
verliese aan lammers gedurende die draagtyd of
kort na geboorte.
Bloednier. In-enting, wat insluit alle ander stamme
van Klostridium, is uiters belangrik voor die
winter en voor skape na af geoeste lande gaan.
(Coglavax/Multivax P)
Pasteurella. Long toestande kom veral in die
winter meer voor.
Ontwurm. Lewerslak, rondewurm (haarwurm) en
veral neuswurm moet in die mid-winter behandel
word, omdat die larf stadium in die neus oorwinter
na die volgende somer.
Rooiluis. Uitbrake kom wyd verspreid voor en
moet aangespreek word.
Artikel deur DrJJKroon