Laai die dokument hier af. - NG Kerk Somerstrand

Rus
Lees Psalm 119:9-19 biddend saam.
Hoor
Lees Matteus 13:1-9, 18-23
Wat in die teks tref jou, roer jou hart of verontrus jou? Gesels saam
oor wat julle opval en aanspreek in die lees van die teks.
Bespreek:
Let daarop dat Jesus hierdie gelykenis die gelykenis van die
saaier noem, nie die gelykenis van die vier soorte grond nie. As
ons verstaan dat God die saaier is, wat leer ons hieruit van
God? Hoe help dit ons om só na die teks te kyk, eerder as om
op moralistiese wyse te probeer vra hoe ons anders of beter
moet wees?
Jesus sê o.a. in v 9: “Wie ore het, moet luister.” Wat, dink julle,
Leef
bedoel hy daarmee? Hoe kan dit gebeur dat ons met die
Woord besig is en tog nié hoor nie? Hoe sou julle ‘n luisterende
gesindheid beskryf?
Waartoe roep die Here julle nou? Hoe gaan julle in gehoorsaamheid
daarop reageer?
Ons gaan hierdie kwartaal fokus op die manier waarop die
Bybel ons vorm, asook die eise van dissipelskap. Gesels hoe
julle as kleingroep hierby gaan inskakel. Oorweeg ook om in te
skakel by dissipelskapgroep, of om deel te neem aan die
Bybelskool.
!
"#$%!
&'()*+
Die Bybel is ...
‘n Saadkorrel wat ontkiem
Matteus 13
17 Januarie 2009
JOERNAAL

Lees Matteus 13:1-9, 18-23
Dink na oor die verskillende maniere waarop die Woord soos saad is.
Gelykenisse word normaalweg nie deur die verteller verduidelik nie
(vv 18-23). Gevolglik dink geleerdes dat die interpretasie van hierdie
gelykenis deur ‘n tweede geslag gelowiges geskep is.
“Die kerk het altyd met die vertroue geleef dat die Woord van God
soos saad is, klein, onopsigtelik en skynbaar selfs onbeduidend, maar
inderwaarheid lewend, vol potensiaal en stilweg besig om te ontwikkel
en te groei en vrug te dra, wat op ‘n dag tot verwondering en verbasing
van almal net sigbaar word, in alle prag. Die boodskap van die
Bybel [is] aktief, werksaam. Dis asof die Bybel ook nie van ons inspanning
en vermoëns en vaardighede en invloed en oorredingskrag afhanklik
is nie, maar asof die Bybelse boodskap self sy weg vind en sy
doel bereik, sy vrug oplewer deur die wonderbare en verborge werking
van Gods Gees.” Dirkie Smit in Neem, Lees.
Lees Matteus 13:10-16, 34-35
Die gelykenisse help ons om nie net met ons ore te luister nie, maar met
ons harte; om nie net die woorde te hoor nie, maar die betekenis agter
die woorde. Dit daag ons uit om nie net te luister vir die letterlike
betekenis wat ons rasioneel kan verstaan nie, maar om te soek vir dié
betekenis wat van ons vra om betrokke te raak met die teks.
Dink na oor die manier waarop jy gewoonlik die Bybel lees: is jy besig
met die woord, of is die Woord besig met jou? Wat kan jy doen om
oper te wees vir die werk van die Gees deur die Woord?
Lees Matteus 13:31-33
Die Jode het ‘n grootse en heerlike koninkryk in gedagte gehad.
Daarom is dit so ‘n groot verrassing dat Jesus die koninkryk met ‘n
mosterdsaadjie vergelyk. Dit slaan terug op Jesus se werke soos dit in
sy prediking, dade en wonderdade gestalte kry.
In teenstelling met Markus gebruik Matteus die teenwoordige tyd (kyk
weer na die teks). Daarmee beklemtoon hy die huidige aantrekkingskrag
van die koninkryk van God.
Dink na oor die manier waarop die koninkryk in jou lewe kom en groei.
Lees Markus 4:26-29
Hierdie teks beklemtoon dat die realisering van die Godsryk nie ‘n saak
van menslike aktiwiteit, insig en wysheid is nie - dit is volledig God se
werk. Dit beteken egter nie dat menslike aktiwiteit uitgesluit word nie.
Ons tree wel op, maar nooit om God se werk aan te vul nie, alleen om
werktuig van die alleenwerkende God te wees.
Dink na oor die manier waarop die Gees jou vorm. Oorweeg veral die
misterie van die krag van God se Woord. Wat is jou “rol” in hierdie
groeiproses, in die lig van bogenoemde?
Lees Jakobus 1:18-21
Let daarop dat God deur die Woord die gelowiges tot lewe gebring
het. Jakobus sê selfs dat die woord hulle kan red! Hy sê: hou op
kwaad word, neem die Woord aan en doen dit!
Speel die Woord so ‘n belangrike rol in jou lewe soos wat Jakobus hier
veronderstel?
Oordink die manier waarop die Woord ons in staat stel om God se wil
te doen.
Hoe gaan dit met die boontjie wat jy Sondag geplant het?
Parables do not “contain” knowledge; they cannot be understood
as we understand a moral tale, an argument, or a statement.
Parables precipitate internal action, forcing the hearer or
reader to a crisis or collision that requires movement, which in
New Testament terms is an either / or: either stumbling or
changing-and-becoming, either enacting a lie that we desire or
being transformed. (Girardian Reflections on the Lectionary)
Onthou om in te skryf vir Didage: Bybelskool, Kursus in
basiese Bybellees-vaardighede, Dissipelskap, Op pad
met God. Kontak die Kerkkantoor.