DIE ROL VAN TAALAKTIVISME BY DIE HERWAARDERING VAN ...

of onvermoë om magswanbalanse te neutraliseer.” Die instrumente van taalaktivisme
soos deur Martel (1999) en later Du Plessis (2006) geïdentifiseer, sal as riglyn dien.
4. Invloed van aktivisme vir die tydperk.
Die invloed van taalaktivisme vir die betrokke tydperk is aan die hand van wat May
(2004:48) en Du Plessis (2006:75) as die doel van taalaktivisme beskou, geanaliseer. Wat
die geslaagdheid van taalaktivisme betref redeneer May dat hoewel eentaligheid in die
meerderheidstaal meer ondersteuning geniet, die doel van taalregteaktivisme steeds is “to
influence, and if possible change the wider social, cultural and political processes that
have seen the construction of, and distinction between, so called minority and majority
languages in the first place.” May meen dat dit ’n formidabele taak is omdat die sosiale
en politieke magte wat teenoor minderheidstale opgestel is, stewig gevestig is. Du Plessis
(2006:75) stel dit dat die doel van taalaktivisme is om ’n verandering in die sosiale
praktyke, ideologieë en strukture wat die handhawing en ontwikkeling van
taalgemeenskappe beïnvloed, te bewerkstellig.
Ten einde die navorsingsvrae te beantwoord is die volgende raamwerk, gebaseer op
literatuuroorsig in Hoofstuk 2, gebruik.
118