ydskrift f ar Fryske Taalku e - Tresoar

)BESPREK:
Timothy Scou Parker, Modern North Frisian and North German. A Case Study
in Language Yariation and Language Change between Languages in Contact. Co­
Frisica XIII Fach Friesische Philologie, Christian-Albrechts-Universität zu Kiel
(1993).
It boek dat hjir besprutsen wurdt, is foar 't neist in fierhinne ûnferoare ütjefte fan
Parker syn Berkeley-dissertaasje ut 1985 - de krekte relaasje tusken it proefskrift
en dizze jefte fan Co-Frisica wurdt ut 'e 'Acknowledgements' net a1hiel düdlik. It
ûndersyk dêrt ferslach fan dien wurdt, is basearre op fjildwurk fan 'e auteur yn it
akademysk jier 1981-1982. At it boek dan earst yn 1993 ütkomt, is dat ryklik
let, mar hawar, it kin yn 'e frisistyk datoangeande wat mear lije as yn oare
dissiplines: der is sûnt 1985 better net te witten neat ferskynd dat direkt relevant
is foar de dingen dy't Parker yn syn proefskrift op it aljemint bringt.
Y n in 'General Introduction' wurde doel en bestek fan 'e stüdzje
beskreaun, It is yn dit boek te rêden om in beskriuwing fan 'e fonologyske en
morfologyske fariaasje yn it Fering, it Noardfryske dialekt fan it eilän Feer, en
dan benammen yn it Westfering. Der wurdt neigien hokker rolle oft it
taalkontakt - yn it gefal fan it Fering de ynfloed fan Leechdütsk en Heechdûtsk ­
spiletby dy fariaasje. Fierders wurdt sjoen nei sosjolingwistyske aspekten fan
taalfariaasje: Ynhoefier korrelearret de taalfariaasje dy't run wurdt yn it Westfering
mei ferskillen yn áldens? Mei oare wurden: is der taalferoaring yn skynbere tiid?
En binne oare ekstra-lingwistyske faktoaren dêrby ek mei beskiedend?
Haadstik I jout in histoarysk en sosjolingwistysk oersjuch fan 'e
taalsituaasje op Feer. Yn haadstik II wurdt in oersjuch jûn fan 'e eardere
grammatikale beskriuwingen fan it Fering (en syn twillingdialekt it Öömrang).
Dêrby wurdt ek benammen sjoen nei de ynformaasje dy't dêryn te finen is oer
(sub)dialektyske fariaasje en ynterferinsje op it mêd fan 'e fonology en de
morfology. Yn haadstik III komme metodologyske aspekten fan it ûndersyk
tepraat: de kar fan 'e ynformanten, de wize fan fandeljen fan 'e data en de
taalkundige metoaden om it materiaal te skiftsjen en te oarderjen. Yn haadstik IV
en V, de kearn fan it boek, wurde respektyflik de fonologyske en morfologyske
data op it aljemint brocht en analysearre. Der wurdt besocht om oan te jaan wêr't
ferskowingen har beslach krije en wat de oarsaken dêr foar binne (ynteme
ûntjouwing of ynfloed fan bûten), Haadstik VI jout in gearfetsjend besprek fan 'e
soarten fan taalkundige fariaasje dy't har oppenearje yn it Westfering. Nei
oanlieding fan 'e ûtkomsten fan it ûndersyk wurde dêr utstellen dien foar
takomstich ûndersyk.
Tydskrift foar Fryske Taalkunde, jiergong 9 (1994), s. 65-71.