LEWE NA APARTHEID: LIDMATE SE NARRATIEWE VANUIT 'N ...

Opsomming
p723
dan ook op die onthullings voor die WVK. Vyf tipiese reaksies word beskryf.
Laastens word daar weer na die rol van die Kerk gekyk tot op daardie tydstip.
Hoofstuk vier vertel ʼn verhaal van ʼn klimaks. Hier word geluister na die medenavorsers
in 2012. Dieselfde temas as in die vorige hoofstuk word hier aangeraak.
Die deelnemers deel hulle menings oor die twee wêrelde waarin ons steeds leef in
Suid-Afrika en die rassisme wat steeds deel van die daaglikse lewe is. Die
kwessie van skuld oor apartheid, versoening en regstellende aksie word bespreek.
Dieselfde sake word ook vanuit die oogpunt van die Kerk bekyk.
Die laaste hoofstuk vertel ʼn verhaal van ʼn einde. Eers word die impak van die
WVK ondersoek. Die hart en die nalatenskap van apartheid word bespreek.
Hierna word gefokus op die pad van skuld en versoening en die rol wat die Kerk
daarin behoort te speel. Die bevrydende van vergifnis word uitgelig teenoor ʼn
verlammende skuldgevoel. Laastens word gekyk na die pad vorentoe vir wit
Afrikaanse Christene in Suid-Afrika. Die uitdagings en die hoop word voorgehou.
In hierdie navorsing is gekyk hoe wit Afrikaanse Christene leef in post-apartheid
Suid-Afrika. Die WVK is gebruik as alternatiewe verhaal van dit wat dikwels vanuit
wit geledere voorgehou word. Die mede-navorsers toon min insig in wat apartheid
aan swart mense gedoen het, en daarom is kwessies soos skuldbelydenis en
regstellende aksie so kontroversieel.