LEWE NA APARTHEID: LIDMATE SE NARRATIEWE VANUIT 'N ...

Hoofstuk 1: Apartheid onder die loep geneem
p56
wat vroeër (ten minste) die bevoordeeldes van apartheid was, het by die WVK in die
beskuldigdebank beland. Hoe sou hulle, persoonlik en veral as kerklidmate, in die
nuwe Suid-Afrika kon leef, gegewe hulle spesifieke agtergrond? Die manier waarop die
navorsing gedoen is, is ook verduidelik.
In aansluiting by veral Osmer (2008) en Ganzevoort (2009) is ʼn beskrywing gegee van
Osmer se vier take van die praktiese teologie. Die omstandighede wat die navorsing
vooraf gegaan het, is uiteengesit. Hierna is ʼn beskrywing gegee van die medenavorsers
en die navorsingsproses wat gevolg is.
In die afdeling oor paradigma, epistemologie en metodologie is aandag gegee aan die
postmoderniteit en die sosiale konstruksie diskoers. Die literatuurstudie, sowel as die
aanvanklike en opvolgnavorsing is beskryf. Vir die opteken van die verslag is die
ABDCE-formule gekies. Hierdie eerste hoofstuk het die verhaal van aksie
aangespreek.
In die volgende hoofstuk – ʼn verhaal ter agtergrond – sal aandag gegee word aan die
agtergrond waarteen hierdie navorsing afspeel. Hierin word gefokus op die medenavorsers
se leefwêreld, beide persoonlik en as lidmate van die NG Kerk. Twee
modelle word ook aangebied: Weingarten se Typology of change word verduidelik en
dan later in die verslag gebruik om die posisies van die mede-navorsers ten opsigte
van verskillende kwessies te beskryf. Laastens word daar ook gekyk na die proses van
verandering soos beskryf deur Bridges en Mitchell (2000) se drie fase-model asook na
Rendle (2009) se Roller coaster of change.