LEWE NA APARTHEID: LIDMATE SE NARRATIEWE VANUIT 'N ...

Bylaag 17: Korrespondensie van Johan
p698
Korrespondensie van Johan
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
Onthou: Die navorsing gaan oor hoe wit Suid-Afrikaners aanpas in die nuwe SA
gegewe hulle verlede soos dit o.a. by die WVK uitgekom het.
1 INLEIDEND
1.1 Watter betekenisvolle gebeure was daar in jou lewe sedert 1998?
Drie kinders voltooi skool. Beleef hulle tienerjare en alles wat daarmee gepaard gaan.
Tans nog twee op Universiteit. Lee nes sindroom omdat kinders huis moes verlaat om
te studeer. ʼn Paar rondtes afleggings oorleef. Skoonma en ander ouer lede van
uitgebreide familie verloor. Finansies maar druk a.g.v. ekonomie en kinders se studies.
Persoonlik regstellende aksie aan my bas gevoel. Ek weet hoe dit is om bestuurders te
hê wat nie in die poste is oor hulle vermoëns nie.
1.2 Watter blootstelling het jy aan swart mense gehad sedert 1998 en hoe het
dit jou beïnvloed?
Werk daagliks saam en met en onder hulle. Weer onder die indruk gekom hoe rustig
hulle die lewe vat en dat daar nie veel dringendheid is in vergelyking met die
westerlinge nie. A.g.v. die eienskap kan ek nie sien hoe hulle alleen bv. die ekonomie
kan bedryf nie. Tog beleef ek dat hulle baie eise stel en baie dinge as ʼn reg beskou,
sonder om veel in ruil daarvoor terug te gee. Ek dink vanaf 1994 het my houding deur
ʼn kurwe gegaan: aanvanklik ʼn “kom laat ons kyk wat gebeur”-houding; daarna een van
matige positiwiteit en daarna weer baie afwaarts as gevolg van misdaad en veral
korrupsie. Dit wil lyk asof korrupsie, omkopery ens. maar inherent is aan hulle en van
bo af is daar altyd regverdiging vir dade.
1.3 Dink jy dat daar al genoeg transformasie was by die wit Afrikaners?
Transformasie tot wat? Die meerderheid wittes van my ouderdom het veranderings as
onvermydelik aanvaar en daarby probeer aanpas. Die houding en mooi praatjies
sonder dade van die regeerders teen minderheidsgroepe veroorsaak egter dat ons
baie skepties en sinies na die toekoms kyk. Van Apartheid se slegte eienskappe word
maar net onder ander name voortgesit. Hoekom moet ek daarmee tevrede wees? Dus
as ek ook iets by die transformasie kan baat kan ek dit ondersteun – anders wat is die
sin? Gelukkig lyk dit of die jonger geslag makliker daarby aanpas en kan ʼn mens maar