LEWE NA APARTHEID: LIDMATE SE NARRATIEWE VANUIT 'N ...

Hoofstuk 1: Apartheid onder die loep geneem
p55
Die derde hoofstuk sluit aan by Lamott se konsep van ontwikkeling (development). Hier
word die temas van apartheid en rassisme, skuld, die rol van die NG Kerk en
versoening op die pad vorentoe uitvoerig bespreek soos dit uit die aanvanklike
navorsing geblyk het. Die sienings van die mede-navorsers word deurlopend uitgedaag
deur ander sienings van hoofsaaklik swart mense vanuit die literatuur en persoonlike
gesprekke.
Hoofstuk vier verteenwoordig ʼn klimaks (climax) in die verhaal (Lamott 1995:62) In
hierdie hoofstuk word die opvolgnavorsing weergegee. Die longitudinale aard van die
navorsing kom hier aan die orde sonder dat die uitkoms vooraf bepaal kan word. Soos
Müller, Van Deventer en Human (2001:87) dit stel: “...researchers shouldn’t know and
therefore control the plot and climax of the story.” Dieselfde temas as in die derde
hoofstuk word hier ondersoek.
Die laaste hoofstuk, ʼn verhaal van ʼn einde (ending), is die afsluiting van die
navorsingsverslag. Hier word saam met Lamott (1995:62) gevra “what happened, and
what did it mean?” Die verhale van die mede-navorsers word hier vasgeknoop rondom
temas soos die waarde, al dan nie, van die WVK tesame met die hart en nalatenskap
van apartheid. Daar word weer gekyk na versoening en die rol wat die NG Kerk (kan)
speel ten opsigte van skuldbelydenis en die begeleiding van lidmate in die postapartheid
Suid-Afrika.
Aan die einde word die navorsingsproses en -verslag in oënskou geneem. My
persoonlike ervaring van die navorsing word ook ondersoek en die aktualiteit en
waarde van die navorsing word oordink. Die waarde van die navorsing vir die NG Kerk
kom hier na vore asook voorstelle vir verdere navorsing. Al verwys hierdie hoofstuk na
ʼn einde, is die proses hiermee nog nie afgehandel nie. Solank as wat daar wit
Afrikaanse Christene in Suid-Afrika is, sal hulle daagliks 'n manier moet vind om te leef
in hierdie land. Hierdie navorsing hou miskien hier op, maar die lewe gaan voort.
12. Samevatting
In hierdie hoofstuk is die redes vir die ontstaan vir die navorsingsprojek verduidelik. Die
groot politieke verskuiwing van 1994 is uitgelig as die oorsaak van grootskaalse
transformasie in Suid-Afrika. Wit Afrikaanse Christene se lewe is omvergewerp. Hulle