LEWE NA APARTHEID: LIDMATE SE NARRATIEWE VANUIT 'N ...

Bylaag 16: Korrespondensie van Isak
p683
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
iv) Ek het ook blootstelling met swart mense met integriteit, verantwoordelikheid, wat
nie skaam is om op te staan vir wat hulle glo nie, en nie skaam is om te getuig van
hulle geloof in Jesus Christus die Here nie. Met my broer se hartomlynings operasie in
2008 het ek tydens ʼn gesprek met ʼn swart kollega ʼn SMS boodskap gekry dat dit sleg
gaan met hom. Die swart kollega het my onsteltenis gesien en vir my en my broer ʼn
gebed gedoen. Ek koester dit nog steeds as ʼn besondere ervaring.
v) Bogenoemde is net ʼn kort samevatting, dit sal heelwat tyd en spasie neem om al my
ervarings en blootstelling volledig in besonderhede weer te gee.
vi) Hoe dit my beïnvloed het tot nou toe? Met gemengde gevoelens. Ek dink ek het ʼn
redelike begrip en verstaan van die stryd van die arme mense in die swart
gemeenskappe om te oorleef. Die opofferings wat ouers doen om vir hulle kinders
geleenthede te gee. Die frustrasie as die regering en staatsdepartemente nie altyd aan
die verwagtinge voldoen nie. Ek sien die verspeelde potensiaal van jong mense en
kinders. Potensiaal wat net nooit ontgin en tot voordeel van die kinders en die
gemeenskap aangewend sal word nie.
vii) Ek sal moeilik vrede maak met die gebrek aan verantwoordelikheid en leierskap
van persone in verantwoordelike posisies.
viii) As al die negatiewe aspekte die gevolge van die land se verlede apartheid is, dan
kan ek net wonder hoe lank gaan dit neem om dit om te swaai?
ix) Ek het ʼn doelbewuste besluit geneem om te probeer om nie oor die negatiewe
dinge in terme van ras te dink nie. Mens kan nie stereotipeer en almal onder dieselfde
kam skeer nie.
x) Ek het ook besluit om nie bitter en vol haat te wees nie. Dit gaan my niks in die sak
bring nie.
1.3 Dink jy dat daar al genoeg transformasie was by die Blankes?
Ek beskou myself nie as ʼn transformasie kenner nie, maar as gevolg van my
blootstelling het ek in baie opsigte nie ʼn keuse gehad om ten minste uiterlik te
transformeer nie. Hiermee bedoel ek om vrede te maak met die huidige bestel soos ek