LEWE NA APARTHEID: LIDMATE SE NARRATIEWE VANUIT 'N ...

Bylaag 15: Opvolggesprek met George
p679
659
660
661
662
663
664
665
666
667
668
669
670
671
672
673
674
675
676
677
678
679
680
681
682
683
684
685
686
687
688
689
690
691
692
693
694
695
te sien as mense. Dit maak tog dat jy anders kyk na swart mense en nie maar bloot net
hierdie minderwaardig meerderwaardige houding elke keer te sien nie.
George: Weet jy Albert, my skoonma is ook baie geneig om daardie k-woord te gebruik
en veral met ʼn nuusberig of nuusbulletin op die televisie. Weet jy dan voel dit vir my of
ʼn ou ʼn dolk in my hart steek as ek daai woord hoor. OK as dit dan nou ʼn skelnaam is
boere of wat ook al, dit pla my nie, ek is trots om een te wees, maar dit klink net nie vir
my... dit is ʼn woord wat... vir my swaar klink op die oor, of dit klink dit is vir my dieselfde
gevoelswaarde min of meer as iemand die Here se naam misbruik. Dit het dieselfde
effek jy weet op my gemoed.
Albert: Daar is gelukkig ʼn klomp mense wat by daai punt gekom het wat nie meer sulke
taal gebruik nie. Maar dit was vir my opvallend toe ek nou onlangs in die Kaap was
verlede jaar of die vorige jaar, hoe baie jy daai woorde in die Kaap hoor. Ons dink altyd
die Kaap is meer liberaal, om daai taal te gebruik, en daar gaan jy minder daarvan kry.
En dit was in ʼn gegoede area waar ek was en so aan en dit het my opgeval. Ek hoor
aanmekaar dat daar word daarvan gepraat die k-woord, hotnot word gebruik waar ons
sou sê, ek praat van ʼn bruin man of wat ook al, is dit nie snaaks nie. Dit is asof dit nie
vreemd is om te verwys na hulle as hotnots nie. Dit was vir my baie vreemd. Ek het ʼn
opmerking daaroor gemaak en toe kon jy sien die ou is nou half ongemaklik omdat ek
nou so iets sê jy weet. Maar dit was net vir my vreemd. Ek kan nie dink dat ons dit nog
so doen nie.
George: Ek dink ʼn groot probleem wat ons ook het in die praktyk is om te veralgemeen.
Ek meen omdat hulle in die meerheid is, hulle, ek praat nou weer van hulle. OK kom
ons sê nou maar die swart mense kom ons praat nou van my kollegas. Hulle is nie
altyd, dit is my waarneming nè, hulle het nie altyd ʼn trots op hulle werk nie. Hulle is nie
altyd pligsgetrou nie, hulle is die ouens graag gou ʼn gap sal wil vat, nou veralgemeen
ek nè. As ons dit in persentasies moet gaan omsit dan dink ek ʼn ou gaan dieselfde
persentasie onder blankes kry, dan dink ek nou dit is ʼn erg menslike verskynsel. Dit is
net omdat hulle in die meerheid is, is dit meer opvallend.
Albert: Ja jy sien presies dieselfde ding by misdaad. As daar ʼn misdaad was of wat ook
al, dan is die eerste ding, dit is swart mense. Maar as nege uit elke tien mense in Suid-
Afrika nie wit is nie, dan is die kans dat nege uit elke tien misdadigers nie wit gaan
wees nie.