LEWE NA APARTHEID: LIDMATE SE NARRATIEWE VANUIT 'N ...

Bylaag 14: Opvolggesprek met Isak
p657
366
367
368
369
370
371
372
373
374
375
376
377
378
379
380
381
382
383
384
385
386
387
388
389
390
391
392
393
394
395
396
397
398
399
400
401
402
toe. Hy het daar gebly en gebly en Januarie het ek gehoor hy is nou terug in die NG
kerk. Jy kan nie, soos jy sê, daardie bastion kry nie. Ons in E gemeente wil uitreik daar
en JN versoek en hy is omtrent 67, ook al ʼn lang pad geloop en ʼn pad met die Here
geloop, en hulle soek uitreike na die kleuterskole in Thabong. Hulle ontdek toe daar ʼn
kleuterskool in Thabong in die shacks daar en hulle vat ʼn klomp speelgoed en hy en sy
vrou gaan en iemand wat by die kerk werk en hulle gaan saam soontoe. Hy sê hulle
kom daar en die kleintjies storm op hulle af hy sê hulle het ʼn kruiwa water aangery,
want daar is letterlik niks. Hulle vat speelgoed en ander goed soontoe. Hy sê toe hulle
daar aankom toe storm daai klein swartetjes op hom af en hy sê hierdie ou blanke
man, wit man en hy sê hulle staan rondom hom net om aan hom te vat en later draai
hy om en sê vir sy vrou hoor hierso ons moet nou ry anders gaan ek begin huil. En sy
sê vir hom, hoor hier, jy staan al vir 10 minute hier en huil. As jy daai hartsverandering
– dit beteken nie jy moet gaan kruip en jy moet gaan smeek en jy moet guns gaan soek
nie – as die kerk doen wat reg is om te doen, as daar ʼn wit gesin is wat hulp nodig het
wat nood het, doen dit, as dit ʼn swart gesin is wat op jou pad kom, dan doen jy dit.
Maar ek dink net daar is die... maar soos jy sê, ek het dit nooit rêrig so gesien nie, die
ouens het soveel verandering ondergaan en hier wil hulle veilig wees. Hier moet jy my
nie kom hamer met ʼn ander taal nie en kom hamer met ʼn ander kultuur nie. Ek weet
die mense van A is bang as die kerk oop is en al hierdie swart mense gaan in die kerk
inkom, wie gaan betaal, want hierdie mense betaal mos nie. En wie gaan nou die kerk
bestuur? Hoe gaan ons nou sing? Hoe gaan ons nou al hierdie goed doen? En dit is al
daai vrese wat jy het. Dit is mense wat... almal het nie dieselfde blootstelling nie.
Albert: Nou daar is ʼn belangrike woord. Ons het nie altyd dieselfde blootstelling nie.
Baie ouens se blootstelling is beperk tot... nog soos in die ou bedeling, tot werkers wat
in jou tuin of in jou kombuis werk, maar min het dieselfde blootstelling soos
byvoorbeeld wat jy nou by jou werksituasie het. En dan maak dit dit moeilik want dan is
jou ervarings van swart mense bloot as ondergeskiktes, onderdane eerder as gelykes.
Ja dit maak dit nogal moeilik. En daarmee saam het ons ook in die kerk grootgeword
dit is soos kerk is. En nou, vir daai mense om ʼn skuif te maak is, nie heeltemal so
eenvoudig nie. Net gou ʼn laaste ding, versoening. Dink jy ons vorder in terme van
versoening in Suid-Afrika? Dink jy dit gaan beter met ons?
Isak: Polities nè, gaan dit glad nie beter nie, inteendeel, want dit bly nog die politici se
slaanstok om daarna te gryp. Maar dis nou weer my ervarings op die grond... Ek dink
tog so. Ek dink ons vorder met versoening, want daar waar mense saamwerk en ʼn
gemeenskaplikheid het rondom soos wat ons met ons werk ervaar, daar is versoening