LEWE NA APARTHEID: LIDMATE SE NARRATIEWE VANUIT 'N ...

Bylaag 14: Opvolggesprek met Isak
p649
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
en so aan. Maar jy weet, ja loopbaan gewys... en ek is baie bly, as ek sien die druk
waaronder die prinsipale werk is ek bly ek het nie prinsipaal geword nie. Want die geld
wat ek daar sou verdien het, sou nie opmaak vir die verlies wat ek het in my huwelik
nie. Die nege-en-twintigste van die maand is ek en my vrou nege-en-dertig jaar
getroud. En die kwaliteit van die tyd wat ek aan my gesin kon spandeer het... So
loopbaan gewys, ek dink dit is maar ʼn pad wat ʼn klomp ouens om my, wit mans en wit
vrouens in my ouderdomskategorie geloop het, veral in die staatsdiens.
Albert: Ek wil nou juis vra, was daar by jou ander wit personeel wat ook maar sulke
skuiwe moes maak of het hulle maar hulle goed gevat en geloop?
Isak: Nee, nee daar is ouens wat geloop het, daar is ouens wat gegaan het, wat ander
geleenthede gekry het. Maar ek is half, en ek sê dit nou, ek is half ʼn voorbeeld van
iemand wat getransformeer is en geprosesseer is en wat nogal... By die ander kolleges
weet ek daar is ouens wat met baie bitterheid weg is en nog steeds met bitterheid sit
en wat nog steeds kwaad is. My getuienis is die Here het my vrygemaak daarvan.
Albert: Jy werk nou half in ʼn swart wêreld, hoeveel wit personeel is daar nog by jou?
Isak: Ons is baie min hoor. In die kantoor waar ons nou sit is daar seker so 30 of 35
mense. L is wit, ek is wit, H is wit, E is wit en S is wit. So ons is vyf.
Albert: Die blootstelling wat jy daar kry... jy skuur daagliks skouers met mense wat op ʼn
professionele vlak werk, jou gelyke en self jou meerdere wat swart is, wat vreemd was
in die ou bedeling. Het dit vir jou... sê iets daaroor. Hoe het dit jou geaffekteer? Het jy
iets anders beleef van swart mense wat jy vroeër dalk nie geweet het nie.
Isak: Albert weet jy, as ek nou kyk waar ek werk elke dag nè, dan kan ek vir jou sê...
Kyk daar is altyd ʼn kultuurverskil. Daar is ʼn kultuurverskil tussen my en my skoonseun
wat Frans is, jy weet. Maar as dit kom by menslikheid hê of ordentlikheid hê en oor
kwaliteit kommunikasie dan is daar nie ʼn verskil nie hoor. Daai mense is... die manier
waarop ons kommunikeer daar is geen... daai saamwerk daar uiteindelik verloor jy jou
kleur jy weet. Jy sien die mense se hart, jy sien die mense se gesindheid, jy sien die
mens se intellek en jy sien nie meer die kleur raak nie.