LEWE NA APARTHEID: LIDMATE SE NARRATIEWE VANUIT 'N ...

Bylaag 14: Opvolggesprek met Isak
p647
Lewe na apartheid 2012 – Gesprek 14: Opvolggesprek met Isak
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
Albert: Ons doen dit weer op dieselfde manier as laas keer. Ek neem die gesprek op
maar alle identifiseerbare materiaal word later uitgehaal. So niemand weet wie jy is nie;
jy kry ʼn skuilnaam en jou skuilnaam is Isak. Ek het dit bloot alfabeties toegeken. Ek het
eerste gepraat daarom is ek Albert en so het ek bloot op die alfabet af gegaan. Ek het
gedink ons moet weer dieselfde temas aanspreek as destyds. Ons moet ʼn bietjie praat
oor rassisme hoe jy dit beleef op hierdie stadium. Miskien eers voordat ons dit doen net
eers wat het met jou gebeur die afgelope veertien jaar, min of meer en dan oor
rassisme. Ons moet praat oor skuld en saam met skuld, of ook nie noodwendig saam
met dit nie, maar oor regstellende aksie. Dit bly maar ʼn issue. Ek wil graag hê ons
moet oor die kerk praat, en versoening. Dit is die temas en daar is nie ʼn vaste patroon
nie, net jou gedagtes daaroor. Miskien net gou om te begin, wat het sedert ons laaste
gesprek veertien jaar gelede met jou gebeur? Watter ervarings het jy gehad?
Isak: Ja, kyk ons het met my werk self, het ons... waar ek prinsipaal was by die kollege
het hulle in 2001 en 2002 begin met ʼn hele samesmelting van kolleges. So die kollege
waar ek ʼn prinsipaal was, X, en toe hierdie kollege het toe saam gesmelt. Toe het L
wat prinsipaal hier was, het toe prinsipaal geword van die nuwe kollege. Daai hele
samesmelting proses was baie traumaties. Dit was ʼn baie politiese ding gewees.
Albert: En baie regstellende aksie goeters?
Isak: Ja ons het baie gehad, daar was ʼn hele klomp. Dit was vir my op ʼn manier baie
traumaties gewees. Ek en L moes die hele proses bestuur. Ons moes soort van
leierskap neem terwyl ons self, jy weet, onder baie politieke druk was. Ek het deur dit
gekom en sy het prinsipaal geword, dit is baie interessant. Ek en sy het ʼn besonderse
verstandhouding gehad en samewerking so ek het nooit ʼn issue gehad omdat ek nie
prinsipaal geword het nie. Ek het die een vise-prinsipaalspos gekry. Ek en L het saam
begin as ʼn lektor by X. So het ek maar rondgehang en die een pos na die ander pos
gehad en ʼn werk gehad. Op ʼn manier moes jy daardie emosies verwerk, want jou
loopbaan het gestop, en dit was in 2002.
Albert: So jy het op daardie stadium geweet jy gaan nie verdere bevordering kry...
Isak: Dis klaar.