LEWE NA APARTHEID: LIDMATE SE NARRATIEWE VANUIT 'N ...

Bylaag 12: Opvolggesprek met Hanlie
p609
Lewe na apartheid 2012 – Gesprek 12: Opvolggesprek met Hanlie
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
Hanlie: My gedagtes is nog nie geformuleer nie.
Albert: Ja, ons praat totdat dit geformuleer is.
Hanlie: Maar ek het gewonder hoe jy voel oor die kerk se verandering in dié tyd. Want
jy behoort nou beter as ek te weet wat het nou alles op sinodale vlak en by mense
gebeur, of nie gebeur nie.
Albert: Dit is een van die temas waaroor ek nou juis wil skryf. Kyk dit gaan nou maar
oor die gewone goeters, rassisme hoe dit nou lyk. Weer die vraag oor apartheid, as jy
nou terug dink, nog veertien jaar verder, en jy nou terug dink wat dink jy daarvan?
Skuld en daarmee regstellende aksie en so meer. Maar die hele ding gaan op die ou
end oor versoening tussen rasse. Ek dink dit is maar ons krisis. En die rol wat die kerk
daarin speel of nie speel nie. Nou spot ek dalk oor wat die kerk nie doen nie, maar my
aanvoeling is baie keer in die kerk, ons is nog waar ons al die jare was. Bitter min het
nog verander by ons. Ek weet jy het netnou van die kerk gepraat. Waar gaan jy
deesdae kerk?
Hanlie: Ek is kort na, of ek was al... Was ek toe nog by jou in die kerk, of was ek al
weg?
Albert: Nee jy was al weg.
Hanlie: Want ek wil sê ek is baie... of ek wil sê ek is min of meer daai tyd al na dominee
A se kerk toe en ek was darem nog al die tyd daar.
Albert: Hoe werk dinge daar wat ras aanbetref?
Hanlie: Weet jy wat vir my wonderlik was, in die begin, hulle was mos daar in ʼn
winkelsentrum en toe het ons drie eredienste op ʼn oggend gehad en ek het per toeval
die swart reverent M geken, want hy was op die beheerraad by [die skool] en dan het
ons ʼn Engelse diens gehad, ʼn Afrikaanse diens en ʼn Sotho diens. Al drie so na
mekaar, maar nie op dieselfde tyd nie. En die Bybelstudie het daar nogal heelwat van
die swart vrouens – dit was gewoonlik Woensdae oggende – het heelwat van die swart
vrouens bygewoon. Die Bybelstudie vir die vrouens wat ek, toe ek nou ophou werk,