LEWE NA APARTHEID: LIDMATE SE NARRATIEWE VANUIT 'N ...

Bylaag 11: Opvolggesprek met Johan en Karin
p600
Lewe na apartheid 2012 – Gesprek 11: Opvolggesprek met Johan en Karin
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
Albert: Ek wil net hê ons moet maar weer oor dieselfde goed praat as wat ons destyds
oor gepraat het. Kom ek sê dit so voor ons nou in detail begin. Ek wil graag net in die
begin vra wat nou anders is, wat het sedertdien gebeur? Hoe het julle lewe geloop?
Watter draaie het julle geloop? Watter ervarings het julle byvoorbeeld gehad?
Blootstelling aan swart mense, bruin mense en so aan. Dan die vraag hoe beleef julle
julself en ander Wit Afrikaanse Christene? Ek praat dwarsdeur die proefskrif van WAC
(Wit Afrikaanse Christene). Dit is nou maar die teikengroep. Hoe beleef julle wit
Afrikaanse Christene? Is hulle meer rassisties, minder rassisties? Dit gaan rondom die
vraag oor rasisme. Dan, daar is mense wat se daar is ouens wat so leef asof dit nog
voor 1994 is. Ons gaan daaroor iets sê. Dan gaan ek vir julle die vraag weer vra; as
julle nou terugkyk na 1994, wat dink julle nou as julle nou moet sê wat was fout met
apartheid as daar iets fout was met apartheid. Hoe sou julle dit definieer? Dan gaan
ons praat oor die pad vorentoe: Hoe dink julle daaroor? Ons moet praat oor die
toekoms, die rol van die kerk. Apartheid is op ʼn stadium deur die NG Kerk ondersteun.
En later het hulle gesê, nee dit is verkeerd. Toe het hulle gesê maar apartheid is in sy
wese verkeerd. Skuldbelydenis van die kerk se kant af. Stem julle saam, dink julle die
kerk was reg om dit te doen? Aanvaar lidmate dit? Dink lidmate ook so? Wat ek
oorgeslaan het, ons moet eers praat oor skuld. In die groep is daar destyds gesê ons
het skuld aan apartheid en daarom moet daar bepaalde regstelling kom. Ons praat oor
regstellende aksie en daai tipe van goeters. So ʼn halfuur, miskien ʼn bietjie meer,
veertig minute as dit moet. Maar dis dit. Kom ons kyk net gou wat het sedert 1998
gebeur, want dit is die jaar toe ons die eerste groepsgesprekke gehad het. Wat het
sedertdien in julle lewens gebeur wat dalk belangrik is.
Johan: Dit is soveel jare terug, dit is veertien jaar terug.
Albert: Het dinge verander in terme van julle werk? So julle het nog al twee nog min of
meer dieselfde werk.
Johan: Ja ek doen nog dieselfde werk. Daar het jy ʼn baie geleidelike verandering begin
sien as ons van die rasse-ding praat. In die eerste plek het ons baie meer kontak
gehad, ons wat wit is, met die swartes. Dit is nie meer daai skeiding van kantore
byvoorbeeld, daai tipe van ding nie. Dit het vinnig verander in saam werk, saam toilette
deel, jy weet. Dit was iets twintig jaar terug, wat jy nie eens aan gedink het om