LEWE NA APARTHEID: LIDMATE SE NARRATIEWE VANUIT 'N ...

Bylaag 10: Opvolggesprek met Mike en Naomi
p596
367
368
369
370
371
372
373
374
375
376
377
378
379
380
381
382
383
384
385
386
387
388
389
390
391
392
393
394
395
396
397
398
399
400
401
402
Albert: Het dit op die ou end te make met die feit dat ons nog steeds in ’n baie groot
mate in verskillende wêrelde beweeg? Hulle het ’n wêreld waarin hulle beweging en
ons het ’n wêreld waarin ons beweeg en ons raakpunte is baie min. Is dit nie iets
daarvan nie?
Mike: Maar daai wat ons in ons eie lewe kies, is uit vrye keuse gedoen. Jy besluit wat
jou vriendekring gaan wees. Ons het gelewe met ’n vriendekring wat swart mense
ingesluit het. En ons het geen probleem daarmee gehad nie. Ek en hy het die lekkerste
golf saam gespeel. Ek en my werkers op die plaas het amper elke middag op die pooltafel
op my stoep op die plaas gespeel. Ons het die grootste kompetisies aan gehad
terwyl hulle vrouens daar op die stoep gesit het en baie keer koeldrank gedrink het. Die
werkskring en die vriendekring is uit vrye keuse gemaak en elke mens behoort dit te
doen. Jy kan nie nou vir die mense sê die kerk het gesê ons is jammer ons moet nou
uitreik na hulle toe nie. Ons kan help, ons kan finansieel help, ons kan geestelik help,
as jy iemand kry wat swaar kry of jy kry iemand in die straat wat bedel en hy kry swaar
dan kan jy uitreik na hom toe, maar om hulle in te sluit in jou gemeenskap is nie so
maklik nie.
Albert: Daar is nog twee goed waaroor ek wil vra. As ons sê goed witmense is in die ou
bedeling bevoordeel… Ons het in die vorige groep baie gepraat oor die vraag het ons
skuld en as ons skuld het op watter manier moet ons dit aanspreek nou in die nuwe
Suid-Afrika? Hoe dink julle daaroor? Het wit mense skuld aan apartheid en indien wel
hoe moet ons nou daarmee maak? Moeilike vraag. Nou kom goed soos regstellende
aksie op die tafel…
Mike: Ek en die meeste deursnee blanke mense sal vir jou sê, as hulle eerlik is, ek het
nooit iemand teruggehou nie. Nooit teruggehou om te gaan studeer nie. Het wetgewing
hulle teruggehou? Mag hulle na blanke skole toe gegaan het?
Albert: Maar nou is die teenvraag daarop, as ek vir ’n oomblik duiwelsadvokaat mag
speel: Ja, maar daar sal mense wees wat sal sê daar was wetgewing wat gesê het ek
mag nie in ’n blanke skool skoolgaan nie. So jy het ’n voordeel gehad. Jy was in ’n
beter skool as ek. Jy kon beter presteer. Jy kon universiteit toe gaan. My opleiding was
van so ’n aard ek kon nie.