LEWE NA APARTHEID: LIDMATE SE NARRATIEWE VANUIT 'N ...

Bylaag 9: Opvolggesprek met Elsa en Frans
p583
810
811
812
813
814
815
816
817
818
819
820
821
822
823
824
825
826
827
828
829
830
831
832
833
834
835
836
837
838
839
840
841
842
843
844
845
846
wil nie hê ons moet saam smelt nie want die swartes gaan oorneem. En dan is daar
natuurlik ander ouens wat sê die NG Kerk se groot storie is geld. Hy wil nie sy geld
deel met die swartes en die kleurlinge nie, want die NG Kerk is ryk en het baie
besittings. Hulle is bang en ook om die beheer te verloor. Om hulle baasskap te verloor
met ander woorde. My persoonlike siening is dat die kerk nie ʼn verskil maak nie.
Albert: Dit is nogal ʼn aanklag teen die kerk dat ons dit nie doen nie. Ons is darem seker
veronderstel om die een instansie, nee verkeerde woord, een groepering van die
samelewing te wees wat juis iets daarvan kan sigbaar maak. Net gou ʼn vraag, destyds
het die... aanvanklik van die NG Sendingkerk op ʼn stadium gekom dat as ek nou my
geskiedenis reg het dat apartheid is ʼn kettery. Nou kettery is ʼn sterk woord, dit is ʼn ding
wat sê as jy dit glo kan jy nie ook die evangelie van Jesus Christus se verlossing glo
nie. Dit wat jy glo is ʼn kettery, want dit plaas die evangelie op die spel. Nou is my vraag
hoe dink julle daaroor as ʼn mens nou terug dink? Dink julle dit is ʼn regte beskrywing?
Elsa: Ek dink verseker so. Ek dink verseker so Albert.
Albert: Hoekom sê jy so? Wat laat jou so sê dat apartheid so... Kyk, in een van die
gesprekke het ek aangehaal van een ou wat gesê het... dit was ʼn dominee van ʼn
buurdorp wat gesê het maar apartheid was net ʼn blaps. Teenoor ouens wat sê maar
apartheid is kettery.
Elsa: Albert, ek kan net... vir my maak dit absoluut nie sin dat ek doen en glo wat die
Bybel sê jy moet jou Here jou God liefhê en jou naaste soos jouself. As jy daai goed
nie doen nie, as jy mense nie beskou as mense nie, dan kan jy mos nie vir God rêrig
liefhê nie.
Frans: Met ander woorde dit is mensgemaakte strukture wat dan eintlik keer dat jy die
evangelie suiwer kan geniet. En daai mensgemaakte struktuur, die kerk, vroeër jare...
ek het nou die dag ʼn gesprek met iemand gehad, was baie dominees, baie
skoolhoofde en baie ouens was Broederbond-ouens gewees. En so was jou
parlementslede gewees. En die kerk het eintlik die staat regeer op ʼn stadium, op ʼn baie
subtiele wyse. Daar is ʼn groot kruisbevrugtiging tussen die twee goed gewees. So daai
struktuur wat die staat daar gestel het, is toe geregverdig uit die kerk uit en dit het
verhoed dat die evangelie suiwer bedien kan word. So ek het begrip daarvoor vir daai
ou wat gesê het dit is kettery, nou in aanhalings tekens né.