LEWE NA APARTHEID: LIDMATE SE NARRATIEWE VANUIT 'N ...

Bylaag 9: Opvolggesprek met Elsa en Frans
p575
516
517
518
519
520
521
522
523
524
525
526
527
528
529
530
531
532
533
534
535
536
537
538
539
540
541
542
543
544
545
546
547
548
549
550
551
552
oorgeërfde bagasies dink ek. So ek weet nie of dit helfte-helfte kan wees nie, dit mag
so wees. Maar dat dit bestaan, is wel so.
Elsa: Ek dink van die jonger mense, veral nou die, ek sal nou nie sê die skoolgaande of
miskien selfs nie die wat nou op universiteit is nie, maar van die jonger swart mense is
wrewelrig omdat hulle ouers so ʼn ja baas, nee baas houding nog steeds het. Dit is dalk
hoekom hulle meer uit-reageer want pa en ma doen niks nie hulle aanvaar nou maar...
Albert: Die ander ding wat deesdae ʼn rol speel is die geweldige verskil in rykdom
tussen wit en swart in Suid-Afrika. ʼn Geweldige klomp swart mense wat werkloos is,
dan sien hulle dit lyk asof die blankes meer as genoeg geld het, hulle het werke en so
aan wat ook weer ʼn stuk wrewel op sigself na vore bring.
Frans: Maar ek dink dit gaan verder as dit, dit is enersyds waar. Ek dink hulle dieselfde
wrewel ook met hulle upper class. Ek meen daar is ryk, ryk swartes wat absoluut in
weelde leef terwyl op grondvlak... Nou sê die president nou die aand, waar was hy
gewees? Waar hy gaan besoek aflê het en in die plakkers huisies was en skielik
spreek hy homself daarteen oor uit. Ek dink dit is omdat ons nader aan die verkiesing
kom, maar wat het hy en sy trawante die afgelope jare gedoen?
Elsa: Maar nou aan die ander kant die mense kan dalk nou kwaad wees daaroor en
daar kan ook dalk mense wees wat trots is, want kyk waar het ons mense uitgestyg
wat eers niks was nie. Want kyk hoe het hulle die trappies geklim. Kyk hoe goed gaan
dit met party van ons swart mense.
Frans: Maar voel hulle dalk soos hoe ek voel oor Anton Rupert hulle? Hy het baie
verder gestyg as ek? Ek wil net sê so ʼn tyd gelede het ouens hier by die swart
hoërskool, het hul klaskamers aan die brand gesteek. Dit was nou weliswaar tydelike
klaskamers. Nou is daar al hoe lank beloof deur die groot onderwys departement en
ander politici van die ANC dat die skool kom. Nuwe klaskamers kom. Dit is tydelike
strukture, maar dit is tydelike strukture wat oor tien, twaalf jaar hier staan. So staan
daar al toilette wat nie chemiese werk nie, met ander woorde dit is net toilette wat
opgekoppel moet word soos hulle by die skoue en daai tipe van goed. Die goed staan
al drie jaar daar en word net nie opgekoppel nie. So ek het ook begrip vir daai
frustrasie. Ek sê nie ʼn mens moet vernietig nie, allermins. Dit werk nie so nie, maar dit
trek aandag. Skielik was hier hooggeplaasde ouens gewees en die toilette is gekoppel
ten minste.