LEWE NA APARTHEID: LIDMATE SE NARRATIEWE VANUIT 'N ...

Bylaag 9: Opvolggesprek met Elsa en Frans
p564
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
Albert: Ek dink met verkiesings kry ʼn mens iets van teen die ANC stem en die een
[party] wat die beste teen hulle skop is heelwaarskynlik die DA. Mense stem maklik DA,
maar dit beteken nie hulle is heeltemal DA nie.
Frans: Ja, maar hier is tog... Elsa as jy nou dink aan C en die groep manne, Christen
mans wat hier is en die biduur wat hulle hou. Hhulle is nou weer almal ACDP ouens, of
die meeste van hulle behoort ook dan aan ander kerke, maar hulle ondersteun die
ACDP as dit nou by stemmery kom. Maar nog steeds, dit is nie ʼn verregse stem nie.
Elsa: Nee dit is nie ʼn wit party nie.
Frans: En dan nou die ander ding wat Elsa gesê het, is dat ons nader gekom het aan
die kleurlingmense. Ek het my so ʼn bietjie begeef in die bou-rigting in toe ons nou daai
huis daaronder gebou het en die afdak en so het hulle my ook al ʼn paar keer gehelp.
Ons het agtergekom die verhoudings... dit is makliker in ʼn werksverhoudings vir ons en
die tipe beroep wat ons gedoen het om met die swart mense klaar te kom wat van die
Transkei en Oos-Kaap af kom, as met die kleurlinge. Die kleurlinge is in ʼn baie
moeilike situasie hier in die Kaap. Hulle sien die swart nasie as ʼn bedreiging en hulle
sê ook die swartes is skelms.
Elsa: Daar is baie rassisme onder die kleurlinge.
Frans: Hulle is baie rassisties, die kleurlinge teenoor die swartes.
Albert: So dit is nie net ons alleen nie.
Frans: Nee, nee dit is nie net ons nie. En dan sê baie van hulle, die swartes en
kleurlinge, dat dit het baie beter gegaan voor 1994. Daar was meer duidelike strukture
gewees en het geweet nee is nee en ja is ja. Vandag is daar nou hierdie groot grys
gebied van ʼn hoër groep swartes wat daar bo leef en op grondvlak waar nou basis niks
verander het nie. Dit is nou dit. Ten opsigte van die werksituasie is die kleurling ʼn
bietjie meer uitgesproke, miskien ʼn bietjie meer arrogant, miskien ʼn bietjie meer dit en
dit.
Elsa: Ek dink die probleem, as jy dit sê, is die probleem eintlik aan jou kant want jy is
nie gewoond daaraan om met swart en bruin mense te werk nie, wat nie hulle opinie
mag uitspreek nie. Ek meen jy het vir hom gesê doen dit en hy het dit gedoen.