LEWE NA APARTHEID: LIDMATE SE NARRATIEWE VANUIT 'N ...

Bylaag 9: Opvolggesprek met Elsa en Frans
p562
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
Elsa: Ek persoonlik moet vir jou sê Albert... ek kan dit regtig nie vir jou sê dat my lewe
enigsins dramaties negatief beïnvloed is vandat ons ʼn swart regering het nie. ʼn Mens
sien nou wel party plekke, hier by ons minder, maar by party plekke is die paaie in ʼn
swakker toestand. Maar in my persoonlike lewe kan ek regtig nie agterkom dat daar ʼn
verskil is vandat ons ʼn swart regering het.
Albert: So in ʼn groot mate gaan die lewe nog aan soos altyd.
Elsa: My lewe gaan aan soos altyd. En ek moet ook sê, ek het in ʼn mate begrip vir
sekere goed waar dit nou slegter met mense gaan onder die nuwe regering. Want ons
was gewoond aan ʼn sisteem wat die grootste gedeelte van die geld op die blanke
mense gespandeer het. Terwyl dit nou ʼn baie groter area moet dek. So ek het begrip
daarvoor dat mense nie by al die paaie kan uitkom nie en nie by al die rioolwerke.
Albert: Die geld is dieselfde maar die aantal goed wat gedoen moet word daarmee is
meer.
Elsa: So ek kan regtig nie sê my lewe het verander nie.
Albert: Die feit dat julle geskuif het van die Vrystaat af hierna toe, het dit iets verander?
Het julle goed anders begin raaksien?
Elsa: Ek persoonlik het op ʼn meer persoonlike vlak by die bruin en swart mense
betrokke geraak as gevolg van ʼn interkerklike vroue groep, Women Aglow, by wie ek
aangesluit het toe ek hier aangekom het. En dit was die eerste mense wat na my toe
uitgereik het. En daar is geen diskriminasie van ras of stam of wat ook al nie. So of jy
nou kleurling is of pikswart is almal omhels mekaar en gee mekaar ʼn drukkie en so. Dit
het ek op ʼn baie persoonlike manier beleef. In Welkom het ons in die hoër kringe, hoe
sou ek sê baie meer met swart mense te doen gehad, net op ʼn ander manier. Ons
beweeg nie meer in dieselfde kringe as waar ons vroeër beweeg het nie.
Albert: Frans, en met jou, wat het gebeur die afgelope tyd?
Frans: Nee kyk, ek wil jou vertel dat ons amper ʼn kleurling skoonseun gehad het. Ek
gaan net vinnig daaroor praat. [Ons dogter] A is onlangs geskei en toe het sy nou
hierdie ander ou in haar lewe gekry en ons het nie geweet wie, waar en wat nie. Toe
hoor ons later dit is H, en H is ʼn kleurling ou wat saam met haar werk. Ten spyte