LEWE NA APARTHEID: LIDMATE SE NARRATIEWE VANUIT 'N ...

Hoofstuk 1: Apartheid onder die loep geneem
p37
Kotzé en Kotzé (1997:27) verduidelik die konsep verder as hulle sê:
Sosiale konstruksie diskoers is ʼn postmoderne benadering wat ʼn
betekenisvolle epistemologie bied vir terapieë wat gesprek gebruik as
metode om mense te help. Kennis word gesien as die gevolg van ʼn
sosiale konstruksieproses en nie as die objektiewe beskrywing van
eksterne realiteite nie. Taal bied die parameters vir beide ons verstaan
en ons ervaring.
Die sosiale werklikheid bestaan “slegs in die bewussyn van mense” (Pieterse 1993:76)
en kan dus “nie los daarvan gesien word nie”. Hy gaan voort deur te sê dat hierdie
werklikheid ook “voortdurend deur mense self geskep en herskep” word deur hulle
“definisie van hulle situasie in terme van hulle eie konteks en ervaringe.” Die sosiale
werklikheid is dus 'n mens se eie skepping, en voortdurende herskepping, in die lig van
'n steeds-veranderende omgewing.
Fourie (2008:83) verwoord die sosiale konstruksiediskoers aan die hand van Freedman
en Combs (1996:27) só: “Die klem is... op die sosiale interpretasie en die
intersubjektiewe invloed van taal, familie en kultuur; hoe mense optree om dit wat hulle
gemeenskap as waar, werklik en betekenisvol ag, te konstrueer, te verbeter en in stand
te hou.”
Mense konstrueer hulle sosiale werklikheid deur die alledaagse interaksie met mekaar.
Om menslike tekste te verstaan moet dus gevra word na die onderliggende motiverings
vir die betrokke teks en die diskoerse wat daaragter lê. Daarom sê Dreyer (2003:335)
“Die sosiaal- konstruksionistiese model soek na die sosiale oorspronge van betekenis
en fokus op diskoerse eerder as individuele eksistensie.”
Mense leef in 'n wêreld van sosiale interaksie en in hierdie interaksie word die waarheid
gekonstrueer. Volgens Kogan en Gale (1997:102) is waarheid die resultaat van sosiale
prosesse wat tussen mense plaasvind en in taal uitgedruk word. Freedman en Combs
(1996:22) beskryf dit so: “Adopting a postmodern, narrative, social constructionist
worldview offers useful ideas about how power, knowledge, and ‘truth’ are negotiated in
families and larger cultural aggregations.”
Al word waarheid sosiaal gekonstrueer, impliseer dit nie 'n posisie van “anything goes”
(Müller & Pienaar 2003:141) nie – 'n beswaar wat dikwels teen hierdie benadering gerig