LEWE NA APARTHEID: LIDMATE SE NARRATIEWE VANUIT 'N ...

Bylaag 6: Gesprek 6 (27 Oktober 1998)
p512
661
662
663
664
665
666
667
668
669
670
671
672
673
674
675
676
677
678
679
680
681
682
683
684
685
686
687
688
689
690
691
692
693
694
695
696
697
Elsa: Ek hoor wat jy sê, miskien is ek net baie fyngevoelig oor sulke goed.
Mike: Ek dink nie jy is nie, ek dink jy is soos 'n roker, wat opgehou rook het. Hy haat dit
as iemand langs hom staan en rook.
Albert: Net so kortliks, het die kerk 'n rol in die pad van versoening, ek dink ons is dit
eens ons moet 'n manier van versoening kry sodat ons nie op 'n burgeroorlog of op
chaos afstuur nie. Die vraag is het die kerk 'n funksie, wat is sy funksie, hoe moet hy
hierdie rol speel.
Ben: Hier is nog baie mense in ons gemeente wat nie gelukkig is om te sê dit was
verkeerd nie, hulle het allerhande redenasies en die Bybel, hulle praat nou meer van
die Ou Testament.
Albert: Hoe gaan mens daai ouens se koppe gedraai kry? Dit is soos wat jy gesê het 'n
ruk terug met jou koor wat hier gesing het, Unitas se koor het ook 'n tyd gelede hier
gesing, lank terug.
Hanlie: Ek het mos nou-die-aand vir jou gevra, of ek iemand kan bring, en nou toe sy
praat toe dink ek nee dankie, ek sal nie.
Karin: Ek wil vir jou die positiewe belewenis gee van na die tyd, toe koor nou uitgegaan
het bussie toe, het baie van die gemeente rondom hulle saamgedrom en hulle bedank
en gehoor wie het hulle afgerig, dit was regtig vir hulle 'n positiewe belewenis. Hulle het
my na die tyd bedank vir die voorreg dat hulle kon kom. Ek was baie teleurgesteld dat
hulle nie uitgekom het en voor gaan staan het nie, maar toe het ek besef dat hulle het
miskien te bedreig gevoel, dat hulle eerder bymekaar gebly het en vorentoe gesing het.
Die gemeente se reaksie na die tyd was baie positief gewees.
Albert: Ek is baie bly daaroor, maar ek is nog baie bekommerd oor die anderkant van
die reaksie, die negatiewe reaksie, toe Unitas se koor 'n paar jaar terug gesing het,
was daar nog maar minder swartmense in die koor as wat daar nou is. Toe was daar
kerkraadslede wat ongelukkig was daaroor en beswaar gemaak het daaroor. Ons het
wel al die reaksie gehad, maar dit was jare terug, dat blanke lidmate uitstap wanneer
daar swart persone die erediens inkom, maar ek dink daar is nog 'n klomp lidmate is
wat nie vrede het as die swart mense die kerk inkom nie.