LEWE NA APARTHEID: LIDMATE SE NARRATIEWE VANUIT 'N ...

Bylaag 6: Gesprek 6 (27 Oktober 1998)
p508
515
516
517
518
519
520
521
522
523
524
525
526
527
528
529
530
531
532
533
534
535
536
537
538
539
540
541
542
543
544
545
546
547
548
549
550
Mike: Kyk wat het hulle met Beyers Naudé gemaak.
Elsa: Hulle het hom uit die kerk uit geskop.
Mike: Dis hoekom ek sê, dis baie maklik om te sê, die kerk het nou besluit dis
verkeerd. Ek sê mense het tot bekering gekom, nie die kerk nie. Mense wat skuldig
was aan een of ander misdryf, wat ek met hom saamstem, as ek nie aan 'n misdryf
skuldig was nie was ek dalk skuldig as ek deel was van 'n sisteem, en sorry as daai
sisteem nou nie reg was vir ander mense nie, dan is ek ook jammer. Maar mense het
dalk in hulle harte tot bekering gekom en gesê maar ek het doelbewus dit en dat
gedoen, ek het gepreek apartheid is reg, want dit staan in die Bybel, mense wat
hulleself dalk bekeer het as gevolg van buite invloed. Ek weet nie of daar nou ewe
skielik op die sinode 'n hele klomp mense sit wat besef, jislaaik ek het gisteraand nou
'n boodskap gekry wat sê dit is sonde. Ek dink dit is gedryf deur omstandighede wat
mense se oë oopmaak vir die dinge wat verkeerd is. Ek dink dis nie sommer so 'n
skielike klomp mense wat ….
Elsa: Steeds is dit nog nie almal in die NG kerk, die kerk se struktuur of hoofliggaam
voel almal nog nie soos wat hier staan nie. Ek is verstom, ek hoor wat Hanlie sê, in 'n
mate voel ek baie soos sy. Ek het ook op 'n stadium weggebly maar ek kom nou weer
terug, maar so onlangs as verlede Dinsdag, iemand wat saam met ons by die vroue
Bybelstudie was, 'n groot Christen mens, sy gaan doen sendingwerk by die hospitale,
wel as jy haar nou so beleef dink jy sy is 'n diep gelowige Christen mens. Toe maak sy
'n stelling, soos hierdie swartetjies wat in die straat loop en groente verkoop, mens
moet hulle sommer onderstebo ry, doodry. Sulke goed maak nie vir my sin, hoe kan 'n
mens wat sê hy is 'n kind van die Here, hy lewe so, hy ken omtrent die Bybel uit sy kop
uit, hy is by elke kerkgeleentheid, by elke bybelstudie, hy gaan doen sendingwerk,
maar dan sê hy hy wil sommer die swart smouse in die straat doodry. Sulke goed
verstaan ek nie.
Mike: Ek dink dit is baie swaar om vir 'n Christen om 100% reg te lewe. Ek dink dit is
geweldig moeilik. Ek lees van dissipels in die Bybel, ek lees van koning Dawid se
dinge, mense wat saam met Jesus geleef het en die dinge gesien het, hoe moeilik was
dit nie vir hulle nie. So wat jy sê is waar, weer eens sê ek ons het die genade van Bo
om daai foute vir onsself te vergewe. As die kerk, hierdie Welkom-Suid, net moes