LEWE NA APARTHEID: LIDMATE SE NARRATIEWE VANUIT 'N ...

Bylaag 6: Gesprek 6 (27 Oktober 1998)
p495
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
nog steeds van ons, veral dan van die swart kant af wat nie daarmee sou saamstem
nie, ons moet 'n regte rainbow nation wees, en dit moet verpligtend wees.
Albert: Jy meen dat mense wat staan by die standpunt in die verlede van gedwonge
skeiding, dat dit nou gedwonge integrasie moet wees.
Johan: Dit was my heel eerste vraag, dit klink nou half laf, maar as ons nou sê
apartheid is sonde, ons kerk, wanneer gaan ons dan nou sê affirmative action is ook
sonde. Gaan ons op daai stadium ook kom? As een sonde is, moet die ander ook
sonde wees.
Albert: Hierdie ou van Namibië skryf in sy brief, as dinge aangaan soos dit nou
aangaan, kan dit lyk asof die blanke kerke binnekort die belydenis van Belhar kan
aanvaar omdat ons dan in die verdrukte posisie is, dat ons dit dan met oop arms sal
aanvaar.
Mike: Ek het nie 'n probleem met wat hulle daar sê nie, ek dink net dit is 'n bietjie 'n
wilde stelling om te sê apartheid is sonde. Wat hulle liewers moes sê is wat apartheid
van mense gemaak het, is sonde. Mense het apartheid gebruik om ander te misbruik
ens. Apartheid beteken vir verskeie mense verskillende dinge. As die woord apartheid
(en daar is nie eers 'n Engelse woord daarvoor nie), dis iets wat gestig was, wat basies
omskryf het die slegte gedeelte van apartheid, en dit is wel sonde, as ek iemand
anders vervloek en uitdryf uit 'n samelewing en hom nie toelaat om deel te hê aan die
dinge wat vir ons almal geskenk was van Bo af, dan is dit sonde. Dit is net vir die NG
sinode 'n woord wat hulle moes doodmaak, ek dink hulle kon verder gegaan het deur
te sê, die dade wat in die apartheidsera gepleeg het, was wel sonde.
Albert: Dit is juis wat die kerk nié weer wou doen nie. Dit het ons al vantevore gesê. In
Kerk en Samelewing staan daar dat onder die stelsel van apartheid het daar sekere
dinge gebeur wat sonde was. As mens onderskeid tussen die dade, die goed wat
gebeur het in die naam van apartheid, dit is lankal reeds veroordeel, omdat dit uit en uit
op rassisme neerkom, dit het die kerk lank terug veroordeel. Maar wat nou gebeur is
dat die kerk gesê het, ook die uitgangspunte, die hele beleid, die hele vertrekpunt van
die beleid van apartheid is sonde, omdat, en dit is waar die definisie inkom, omdat
apartheid werk met 'n manier van dink oor mense, wat hulle hul menswaardigheid
ontneem, dat 'n mens se uitgangspunt is hierdie mense is minderwaardig. En dan sê
hulle denying the fundamental biblical teaching that humanity is equally created to the