LEWE NA APARTHEID: LIDMATE SE NARRATIEWE VANUIT 'N ...

Bylaag 5: Gesprek 5 (6 Oktober 1998)
p479
183
184
185
186
187
188
189
190
191
192
193
194
195
196
197
198
199
200
201
202
203
204
205
206
207
208
209
210
211
212
213
214
215
216
217
218
219
Frans: By ons op die stadsraad het ons 'n swart man dieselfde politiese oortuiging het
en ons het 'n kleurling dame ook.
Elsa: "Wat dieselfde politiese oortuiging het" – wat bedoel jy?
Frans: Wat ons het. Laat ek dit anders stel...
Hanlie: Hoe weet jy wat ons oortuigings is? (Gelag en geskerts in die groep)
Frans: Laat ek dit baie duidelik stel: Wat aan dieselfde politieke party behoort as ek. En
ek noem dit vir wat die werd is.
Hanlie: Ja, en ek het vir jou 'n hele klomp ANC ouens.
Frans: Ek ken ook 'n klompie van hulle.
Hanlie: Ek dink nie ons moet ons laat lei deur politieke affiliasies nie.
Frans: My bedoeling was nie om dit polities te konnoteer nie.
Albert: Kan ek maar soos ons by die kinderkrans maak: Bring elkeen volgende keer 'n
maatjie saam. (Goedige gelag van die groep)
Hanlie: Ons kan dit ook doen, dit kan miskien baie oulik werk. Ek het 'n baie wyse ou
dominee-man wat op ons beheerraad is, wat dierbaar is. Hy is so 'n wyse man. Maar
dit is miskien nogal 'n idee dat elkeen iemand saambring. Dit is nie te sê dat hulle sal
wil kom nie.
Albert: Ek dink 'n mens moet dit vir hulle baie mooi stel waaróór dit gaan. Ek sou dit vir
hulle so verduidelik: Ek wil graag vir ons as blankes wil help om van die nuwe SA 'n
sukses te maak. Ons kan nie almal Australië toe gaan nie – ons wil in elk geval nie
gaan nie.
Hanlie: Die mense met wie jy nou praat, stel hulle nie belang om by ons uit te kom nie?
Die swartmense met wie jy praat.
Albert: Ja, moontlik sou ek van hulle kon kry...