LEWE NA APARTHEID: LIDMATE SE NARRATIEWE VANUIT 'N ...

Bylaag 5: Gesprek 5 (6 Oktober 1998)
p477
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
Hanlie: As ek iets kan sê: Ek dink dit is die logiese uitvloeisel van 'n groep mense wat
praat oor die pad vorentoe na apartheid. Dit kan vir my nie anders dat dit uitloop op 'n
gesprek tussen gemengde kulture nie. Vir my persoonlik maak dit nie saak wat jy aan
my toedig wanneer jy skryf nie, want ek het gehoor wat almal hier gesê het. Maar vir
my sal die oefening futiel wees as ons hier stop en ons gaan nie aan nie. Dit beteken
nie almal voel so nie, maar vir my eie gevoel sê dit dat die groei wat moet plaasvind
tussen ons gedurende die ag sessies, sal moet uitloop op so 'n gesprek tussen
verskillende kulture. Aan die nader kant het jy aan die begin gesê dat jou doel nie
noodwendig was om ons te beïnvloed nie, maar om te hoor wat ons voel. Dit is vir my
nogal 'n probleem. Ons kom as groep hier bymekaar om vir jou materiaal te gee om
oor te skryf oor hoe ons of sekere mense in die samelewing voel. Maar as die
bedoeling ook is dat ons daaruit iets moet haal, as dit vir ons ook iets moet beteken,
dan moet ons op 'n punt kom waar ons met 'n gemengde groep hier dit en gesels.
Albert: Ek het aan die begin gesê dat ek vir myself twee doelwitte gestel het vir hierdie
gesprekke. Die een is om stof bymekaar te maak, maar die ander een is terapeuties.
Dit moet ook vir ons sinvol wees om hier bymekaar te wees en te gesels.
Hanlie: As dit vir my terapeuties moet wees, kan dit nie net stop by ons hier rondom die
tafel nie.
Elsa: Ek stem saam met Hanlie. Ek sal dit ook graag wil hê, al is dit dan net een of
twee keer dat ons saam met swartmense hier kan sit en gesels.
Naomi: As ek my mening kan lug. Ek voel dit was nodig dat ons eers met mekaar kon
uitpluis hoe voel ons oor daaroor voordat ons werklik ander groepe en anderskleuriges
kan betrek. Ek stem ook saam dit kan die gesprek in 'n positiewe of negatiewe rigting
lei as ons hulle hier kry.
Isak: Ek het nie 'n probleem nie. Ek dink dit kan interessant wees.
Albert: een van die redes hoekom ek dit pertinent hier vra, is omdat ons nie die ander
storie ken nie Ons ken die blanke storie, maar ons ken nie die ander storie nie. Ons
kan aanhaal uit wat Antjie Krog skryf, ons kan aanhaal uit daai ander boeke wat jy nou
so baie lees, Johan. Ons kan van hulle aanhaal, maar as ons dit uit die perd se bek
kan hoor, is dit soveel beter.