LEWE NA APARTHEID: LIDMATE SE NARRATIEWE VANUIT 'N ...

Bylaag 4: Gesprek 4 (10 September 1998)
p464
366
367
368
369
370
371
372
373
374
375
376
377
378
379
380
381
382
383
384
385
386
387
388
389
390
391
392
393
394
395
396
397
398
399
400
401
402
Danie: Ek wil daarby aansluit, kyk maar in die Ou Testament: die Israeliete, hoe suiwer
moes hulle wees. Waar moes hulle vir hulle gaan vrouens soek het?
Albert: Dit was om godsdienstige redes, nie om rassistiese redes nie.
Hanlie: Omdat hulle nie met afgodsaanbidders as vrouens trou nie.
Danie: Was die Moabiete nie ook 'n donker vel nie?
Hanlie: Wil julle 'n groot klip hê? Ek dink die Here was baie donker van kleur, en ek
dink sy hare was werklik soos wol, soos dit in die Bybel beskryf word.
Danie: Ek het baie daaraan ook al gedink, hoe visualiseer ons God? Ons het tog 'n
pretjie van die Opperwese en aanvanklik het ek nooit gedink dat God byvoorbeeld
swart kan wees nie. Die swartman dink God is swart. Die witman dink Hy is wit.
Hanlie: Mag ek vir jou sê: die swart kinders in die RI (religious instruction) klasse wat
ek mee gepraat het, hulle het grootgeword met ons Engelse Kinderbybels waarin
Christus wit is. En eers wanneer hulle geweldig ouer word en hier by graad 11 kom, of
hulle het 'n politiese huis gehad, wat polities standpunt ingeneem het, dan het hulle
eers die vrae begin vra. Ook wat dít betref het ons sendelinge Christus ingedra in
Afrika dat hy wit is. Ons het vir hulle prentjies gewys asof hy wit was.
Danie: Ek dink nie dit was met opset gedoen nie.
Hanlie: Natuurlik nie, dit is die manier waarop jy in jou binneste gedink het.
Johan: Wat sou realisties wees? Hoeveel swart Jode is daar? Die geslag van Dawid
wat ons lees, was rooi van gelaat gewees. Dis nie vir my belangrik nie, maar … (Almal
praat saam – onduidelik).
Albert: Ek hoor wat jy sê, dat God ons wittes en swartes en geles en rooies en sulke
kleure gemaak het. God het ons so gemaak in sy alwetendheid en sy wysheid. Die
dilemma lyk vir my, het ingekom toe ons hulle uitmekaar gedwing het. Nou vra ek weer
die vraag, wat lê aan die grondslag van apartheid? Ek neig nou in 'n ander rigting. Jy
het laas week die woord gebruik “verontmens”, die Engelse “dehumanising”. Ds.
Skosana se M-skripsie wat hy vir my gegee het, beklemtoon juis weer daai punt. Die